بص ياباشا انا لقيت واحدة 120 متر ادور الخامس بدون رخصة ,مطلوب 300 ومش عارف اعمل اية؟؟ الفصال فيها يبقي لغاية كام علما أني حدفع حوالي 200 مقدم وحقسط الباقي؟
عرض للطباعة
بس يا محمد باشا
طيب عاوز اعرف الشقه متشطبه ولا نصف تشطيب مستوى تشطيب العماره ايه لازم توضح النقط دى
والاهم هو معاه رخصه ولو حتى باربع ادوار ولا مفيش رخصه من اصله عشان تفرق كتير جدا
التشطيب حلو اوي يعني ياخد جيد جدا مش ممتاز ,السعر دة بتشطيب سوبر لوكس
العمارة بدون رخصة بناء لكن معاها رخصة هدم لانها كانت بيت واتهد واتبني
طبعا انت عارف انها في حي المنتزة وانت عارف حي المنتزة ولع خالص
كل اللى انت قولته كويس لكن بدون اى ترخيص نهائى دى حاجه مرعبه جدا لانك مش حتعرف تدخل لا مياه ولا نور نهائى وطبعا المقاول حيوعدك انه يسلمك العماره بالمرافق بس انا بقولك نصيحه لوجه الله ابعد عنها نهائى ليه
لان انا كنت فى نفس ظروفك من سنه وانا بشترى فى ميامى وكانت الشقه بدون مياه ولا كهرباء والمقاول شال ايده تماما من الموضوع والسكان هيه الى شالت القرف كله وعاوز اقولك مخالفة الكهرباء بس 2750 جنيه على العماره كل شهر واحد يدفع وتانى مسافر والتالت بيفاصل وحاجه اخر قرف وخد بالك ( العماره عندى فيها رخصه لحد الرابع وانا فى السادس يعنى فى مقايسه كهرباء فى العماره ومقايسه مياه ) ابعد عنها وربنا يعوض عليك بغيرها