الموضوع: محتار اوى اشترى مستعمل وصيانتها تخرب بيتى ولا اشترى جديد وقسطها يخرب بيتى

المشاركة الأصلية كتبت بواسطة ahmed1981

إبعد عن الديون تعيش مرتاح

والدى دائما يقول من الزمان
الواحد ينام مرتاح طالما لشارى حاجة بقسط ولا واخذ قرض من بنك

المشاركة الأصلية كتبت بواسطة shnory

المستعمله لو ممعاكش فلوس تصلحها محدش حخبط علي بابك ويقولك هات اللي عليك
انما القسط لو ميعاده فات مش حتعرف تنام بجانب انه حيتراكم عليك

كنت شارى مستعمل اقرع وكان بارك جنب البيت وكان صعبان عليا اوى لحد ما بعته بالخسارة

المشاركة الأصلية كتبت بواسطة keko

1 - فكك من الديون والربا
2 - اى عربية تشتريها مستعمل او زيرو لازم تخسر فيها لما تبيعها الا فى حالات نادرة فانت بتصرف لنفسك وكل جنيه تحطه تستفيد بيه
3 - يفضل انك تشترى العربية ب 60-70% من الفلوس اللى معاك وتكون اساسياتها سليمة جدا وبالباقى تشدها شدة صح متسيبش حاجة غير لما تعملها ساعتها مش هاتفرق كتير عن الزيرو

المشكلة فى الصنايعية للاسف كان معايا تجربه صعبه اوى

المشاركة الأصلية كتبت بواسطة hardman20060

اشتري عربيه مستعمله كسر زيرو او مستعمله حاله ممتازه بغض النظر عن نوعها وان شاء الله مش هتصرف عليها اي حاجه معظم الناس بتعمل كده بس اهم حاجه يبقي معاك حد متخصص يعتمدلك العربيه.

المشكلة فى الميزانية من 10 الى 20 الف فصعب كسر زيرو

المشاركة الأصلية كتبت بواسطة saadelden

انا جايب العربيه من 6 شهور و كانت مفيهاش مشاكل باينه غير العفشه محتاجه تتغير و تصليح كام حته فيهم بارومه

بس طبعا مع الاستخدام و انا تقريبا بخرج بيها كل يوم ف العربيه ابتدت تظهر مشاكلها واحده ورا التانيه
اخرهم ان الماتور اتعمله عمره بسبب الميكانيكي الي عملها عمره قبل ما اشتريها نسي يركب تيله البساتم راحت خربت الشمايز !!

لكن الفكره في ايه
مصاريف القديم مهما كانت مش هتوصل لقسط الجديد خالص

و انت ممكن تجيب عربيه نضيفه تفضل ماشيه معاك فتره حلوه قبل ما تعمل فيها حاجه

العربية 127 اللى كان معايا مشاكلها بدأت بعد اسبوع من استخدامها فقط لا غير
فتعبت معاها جدا والمشكلة ماكنش حد عارف ايه عيبها

المشاركة الأصلية كتبت بواسطة momo_sunny

انتا تجيب عربية مستعملة
كشف فى التوكيل هايطلعلك كل مسمار بايظ
تلنم العربية كلها سواء جوا التوكيل او برا
هاتعيش مرتاح وتبقى فلوسك معاك ومش مطالب كل شهر على الاقل ب1500 ج
ولو العربية عطلت هاتركنها وتركب موصلات لحد ماربنا يسهل الحال

انا بفضل العربيات المستعملة علشان الميزانية بس المشكلة
عربية ايه اللى هاتروح التوكيل ب 20000

المشاركة الأصلية كتبت بواسطة ecybrarian

طالما كدا كدا خراب بيوت..خلليك في الزيرو..وإن شاء الله ما فيش خراب بيوت ولا حاجة وحشة

انا مع الجديد طبعا
بس من غير قسط
بس شكلها كده هاتبقى بعد عمر طويل ان شاء الله هههه

المشاركة الأصلية كتبت بواسطة m.alaa92

استعمال استعمال لاجدال شعان حرام و كمان لو لاقدر الله حصل حادثة للعلابية او اتوفيت (معلش فى التعبير بس والدى بيقولهولى لما كنا بندور على عربية) حتبهدل الورثة و ممكن تسيبهم فى حالة مالية وحشة و مطالبين بقسط فالاستعمال هو الحل و الزيرو لو كاش او فترة قسط قريبة مثلا سنة و حالتك المادية تسمح بكدة انما غير كدة مش محبذها خالص

على رايك حتى علشان يترحموا عليا بدل ما يشتموا فيا ههههه

المشاركة الأصلية كتبت بواسطة nasr-eldeen

أنا رأيي بلاش مستعمل مادام هيخرب البيت في الصيانة
وبلاش زيرو مادام هيخرب البيت في الأقساط
ومتشتريش عربية وخلي البيت عمران مادامت هي في الحالتين اللي هتخرب البيت
هههههههه بضحك مع حضرتك
بجد المستعمل بلاش منه

هههههههههههههههه
التجربة الفاشلة اللى كانت مع المستعمل مخليانى كرهه جدا
فشكلها هاترسه على عمار البيت
ونجيب ميكروباص بالنفر منه يشتغل ويعمر البيت وأهو قرش زيادة
ولو احتجنا عربية اهى موجودة برضه
ههههههههههههههههه

المشاركة الأصلية كتبت بواسطة sonasteel

السلام عليكم
انا شايف انك تجيب حاجة زيرو متوسطة وقسطها ميقطمش ضهرك واسمها زيروووو اوحسن من اي مستعمل
ان شاء الله تكون عاملة 1000 كيلو بس
ومتنساش الاستخارة وربنا ييسرك الحال

تسلم اخى وربنا يسر الحال
المشكل انى بحاول ابعد عن القسط باى شكل

المشاركة الأصلية كتبت بواسطة gade2

لو مرتبك فوق 2000 ممكن جديد
غير كده هات مستعمل حاله كويسه وعلى قد ايدك

احلى حاجة انك لخصت المشكلة فى كلمتين
كلمة ابرك من عشرة
المهم (مستعمل حاله كويسه )
ييجى منين بالمبلغ ده ؟؟؟؟

على العموم ادينا بنشوف افكار بعض
وربنا يوفقنا لفكرة كويسة تحل المعادلة دى
وربنا يسر للمستعمل انه ينزل اسعاره
والف الف شكر على الرد

المشاركة الأصلية كتبت بواسطة i_Am_Legend

سيبك من كل دة_وقولنا ميزانيتك كام_
ميزانتى حوالى 18 الف جنيه وفى جمعية بالفين هتتقبض ان شاء الله كمان شهرين
وإحنا هانرشحلك عربية مستعملة ماتقرفكش
اتمنى وياربت

مش عارف اقول اليه على الاهتمام اللى مش عادى بالموضوع
ومهم قولت مش هاوفى حقكم
بس على العموم شكرا جزيلا
نيجى للردود

المشاركة الأصلية كتبت بواسطة amazingahmed

أنا سمعت في إذاعة القرآن الكريم موضوع عن تقسيط السيارات. الشيخ بيقول أن أحد أسباب المشاكل الاجتماعية شراء السلع بالقسط و ضرب مثلا للسيارات.
بيقول أن الناس بتركب سيارات فخمة و هي ما تقدرش عليها فبالتالي يثيرون حسد الآخرين.
مشكلة الحسد دى مشكلة كبيرة جدا انا شفتها مع ناس كتير وخصوصا فى العربيات الزيرو
غير كده كان بيقول أن لما تقسط سيارة بتبقى راكب حاجة مش بتاعتك و مش مقدرتك.
لذلك نصيحتي أن كل واحد يجيب على قد قدرته. يا كاش يا بلاش فأنا لست من هواة التقسيط أبدا.
أنا جبت دايو ماتيز مستعملة والحمد لله كشفت عليها عند بنزينة كالتكس في مساكن شيراتون و قالولي حالتها كويسة فتوكلت على الله و اشتريتها من 3 سنين ب31500.
ربنا يباركلك فيها ويكفيك شرها ويعطيك خيرها
دلوقتي ممكن تعمل 26000. و دي كانت على قدي. لما ربنا يوسع الحال شوية هبيعها و أشتري حاجة أحسن كاش برضه (يارب تكون زيرو :_alshmokh22[1]: ادعولي)
يارب يرزقك بالزيرو
صحيح في أيام تعبتني كتير و صرفت كتير لكن أيام تانية كتير كانت زي الفل و أعفتني من ذل المواصلات.
المشكلة انى اتعقدت من القديم بعد التجربة القرعة بتاعتى
نصيحتي ليك أنك تحوش شوية كمان و تجيب مستعمل نضيف بدل هم الديون لأن الدين هم بالليل و مذلة بالنهار.
مستعمل نظيف منين صعب اى حد بيبيع مستعمل بيبعه لما بيكون جاب اخره معاه

:b4_592:

المشاركة الأصلية كتبت بواسطة sonasteel

السلام عليكم
أخي الكريم .... كيف حالك
هو اكيد مفيش حد في الدنا بيحب التقسيط ... ولو معاه الكاش يبقي هو ملك نفسه
بس زي مافي تقسيط في قلة ضمير وعدم امانة للي بيبيع اي حاجة مستعملة ... وديه انا وقعت فيها شخصيا
انا معاك فى النقطة دى جدا جدا لانى للاسف اتلسعت فيها
وساعتها قلت والله لو هاجيب عربية وهادفع تمنها قسط مرتين علي ثمنها ... هاجيبها
ان فعلا بعدها قررت ان ان شاء الله هاجيب زيرو
ومش هاركب عربية بعد كده غير زيرو
بس للاسف الواحد ما بيحبش القسط ومحتاج للعربية
ربنا يبارك في عربيتك ويرزقك خيرها ويكفيك شرها ... مع العلم ان كاشف عليها ومعايا ميكانيكي
نفس الموقف حصل معايا كان معايا ميكانيكى كويس
واشتريت العربية بناءا على نصيحته وبعدين بنبص
لاقينا العربية فيها حاجات بيظة بس مش عارفين هى ايه اساس وايه اللى مبوظها
وصجابي شارين مستعمل
بس انت متعرفش اللي بيبع ده عنده دين ولا لأ
وانا معرفش حد مثلا عنده عربية انا ممكن اشتريها .. علشان في اقوال بتقول متشتريش الا من حد انت تعرفه وعارف بيعامل عربيته كويس
فلو مش مستعجل فعلا ... ممكن تحوش او تعمل جمعية وتجيب اللي نفسك فيه بس ......... زيرووووووووووو حتي لو حنين ... مش لازم تجيب حاجة عاليه اوي
بصراحة لو قالولي في بيوجاتي مستعمله وببلاش مش هاخدها ....... ههههههه مع اني ساعتها ممكن اعيط ههههه
وربنا ييسر لصاحب الموضوع الحال ومتنساش الاستخارة
امين وشكرا جزيلا
اقعد بالعافية
تسلم خيى