اختفاء محـافظتين ............... ( واحده من اللى خدناه من الثورة )

**fepsceasar** · 15-04-2011 02:24 AM

انا اثق فى قرار شرف وشايف ان الموضوع كان قلشة كانوا مزنوقين فى اتنين ايام المخلوع ومش عارفين يعملوا معاهم ايه، او يمكن كانوا عايزين يقسموا الدواير بتاعت مجلس الشعب على مقاس البعض او الحل الثالث لاقوا القاهرة كبيرة على عبد العظيم حاولوا يقصوها على اده وبرضه بهوقت عليه

**FunnyMickey** · 15-04-2011 02:39 AM

حقولك علي حاجه بسيطه تعرف منها ان القرار ده اكبر مكسب من مكاسب الثوره
عندنا عامل بنته في المدرسه
متقبلتش السنه اللي فاتت في مدرسه جمب بيتها عشان مش عارفين هيا تبع الجيزه ولا 6 اكتوبر
وبالتالي خرجت من نطاق الجيزه دخلت في نطاق 6 اكتوبر
طب اقرب مدرسه ليها فين
علي بعد 12 ك من البيت
البنت السنه دي بتروح وتيجي 12 ك علي رجلها هيا واصحابها
تذاكر ايه دي بقي وتعمل ايه
طفله تمشي 12 ك عشان قرار واحد حيوان مبيفكرش غير في السرقه وبس

**tamer_a7** · 15-04-2011 03:16 AM

انا بقي وبعون الله لبست في الحيطه في الموضوع ده
ليه
علشان المحافظ بتاع حلوان كان بيعدي كل يوم من عندنا من الشارع وايه اللي حصل الشارع اتكسر واتجهز علشان يترصف
هوب المحافظ اتشال (بقولو ايه المحافظ اتشال لا يا حلو المحافظه كلها راحت )
زغروطه كبيره اوي وهوب مين اللي هيعمل الشارع اللي اتكسر دا
الله اعلم لما يبقو يفتكرونا في محافظه القاهره بقي
وربنا يجعله عامر

**fepsceasar** · 15-04-2011 03:32 AM

ان شاء الله الشارع بتاعكوا يتظبط، لان اللى حضرتك بتقول عليه ده اكبر مثل على العشوائية وانت وحظك المحافظ معدى من هنا ولا ايه
خلاص بقى عايزين نعدى مرحلة الشارع بتاع الوزير يترصف والشوارع الرئيسية تتظبط والجانبية مكسرة وعايمة مجارى، لكن تظبيط الشوارع والمرافق يكون بناء على رؤية معينة مش كسر وارصف بعشوائية