الموضوع: شراء اطارات جديدة

خلاص يا شريف طالما كلامك عن تجربة يبقى ماشى بس أية الأفضل فيهم والسعر والنقشة أخبارهم إية

بس يا شريف على المداخلة دية

المشاركة الأصلية كتبت بواسطة dragonsmith

السلام عليكم،

أنا الاسبوع اللي فات لفيت مدينة نصر و شارع أحمد سعيد على كاوتش 185/60 R14. اللي لاقيته:

1) اللي مالي السوق الكومو (Kumho) الكوري و ده سعره ما بين 260 للفردة و 275 حسب المحل. نقشة عادية جدا، مش طري و مش محمل قوي. فردة عادية و صوتها هيكون عالي حاجة بسيطة.

2) الهانكوك كوري برضه و أغلى 10 أو 15 جنيه من الكومو بس ناشف. صوته أكيد عالي و هيبقى مش مريح قوي مع شوارعنا الجميلة.

3) البريدجستون فيه منه نقشتين. GR و دي Super Silent. فردة طرية نوعا ما و أكيد هادية. ياباني و سعرها في حدود 460.
MY-01 فردة طرية جدا و محملة كويس و نقشتها رياضية. اندونيسي. ماسكة في الأرض حلو قوي (أنا مجربها قبل كده). صوتها معقول قوي. سعرها 350 جنيه. مش موجود المقاس ده منها غير في التوكيل (Fit & Fix) في كالتكس عباس العقاد.

4) البيريللي P6000 في منها برازيلي و تركي. مهتمتش أعرف اسعارها عشان ادائها زفت. ناشفة قوي و مش ماسكة في الأرض كويس. عانيت منها عشان كانو نازلين في العربية و الحمد لله انهم معمروش. 3 فرد من ال 5 ماتو على 35 ألف كيلو :D

5) ميشلان مش فاكر الموديل بصراحة. كانت طرية و شكلها محترم جدا بس السعر 420.

6) كونتيننتال كان في محل واحد بس. فردة عادية جدا و سعرها كان فوق ال 400 غالبا عشان الاسم بس.

7) جوديير و ده اللي ركبته. فردة متوسطة الطراوة و نقشتها معقولة مش هتبقى تحفة في المطر. ميزتها بقى انها محملة قوي و ماسكة في الأرض جدا و سعرها 305.

أنا أرشح لحضرتك البريدجستون MY-01 أو الجوديير .
تحت أمركم في أي استفسار.
شكرا.

belive me....the MY-01 is perfect

ياريس انا طول عمرى بركب بريدجستون يابانى فى عربيتى و عربيه اخويا و والدتى و والدى

يعنى بتتكلم فى بتاع اكتر من 40 فرده مثلا بس كان بيحصل فيهم مشاكل فى السلك و بيعمل عالى و واطى بس كنت بقول الطرق المصريه هيه السبب

و فى يوم عربيه والدى اتسرقت و لاقيناها متنفضه تماما، المهم جبنا هانكوك عشان نوفر و نلم المصيبه دى بس المفاجأة امه طلع ممتاز جدا و مافيهوش اى مشاكل و الصوت اوطى كمان

برضو الانوش فيها كومهو بدون مشاكل

بس بكرر تانى خد بالك من تاريخ الانتاج

أحمد بيك أنا عندى فى العربية دلوقتى الكمهو ماكس بارو 967 وعامل بية 40 إلف والنقشة زى ما هيا - والصراحة بفكر أضحى وأجيب البريدج ستون اليابانى بعد ما سمعت الأراء علية أنت أية رايك أو على الأقل أجيب زى نادر My-01