الرد في كلمة واحدة
اكرف البنت تحبك .............انا متجوز ماتفهمنيش غلط
عرض للطباعة
الرد في كلمة واحدة
اكرف البنت تحبك .............انا متجوز ماتفهمنيش غلط
زى ما الاخوه المستشارين قالوا انتا بتحبها وهى بتحب الموتسيكل..
ومعلش هقولك رأيى الشخصى " بنات الخروجات وراك عالموتسيكلات " مش بتوع جواز اوى ولما يجوا يتجوزوا ليهم رجاله معينه برضه (مش شتيمه والله) لو انت من الرجاله دى دوس ومبروك مقدما
طالما نفسك شعرها يطير ويجى على وشك ..بسيطه ياباشا لا ترجع بضهرك ولا حاجه:dirol:
علمها السواقه واركب انت وراها..طبعا هتكون هايص..من الشعر الطاير الى وشك:F_eyeb1[1]:
وكدا يبقى حققت امنيتك واخر الشارع وانزل وسيبنى انا بقى اخد لفه واجرب زيك يا اخى:Oc_sun1[1]:
مساء الخير يا رجاله
انا بس كنت معدى من هنا قلت اسلم عليكم
منور يا ياقوت باشا انت وشنورى وفارما وغازى وكل الرجاله الحاضرين نفر نفر
ناقص بس eng ahmed يقولنا رأيه
ونعرف اذا كانت هى كل ما تشوف البايك تتنح له ومتقدرش تنزل عينها من عليه ولا ايه الموضوع بالظبط
ههههههههههههههههههههههههه ه
دي على التعليقات مش على الموضوع
:crying2:
ودي على صاحب الموضوع
ويا بختك يا عم ودي للموتسيكل
انت يا مان مش قولت انك خاطب قريب ..يبقى عرفت البنت دى امتى ؟؟؟؟
فينك يا عم وسام ؟ مبتظهرش بقالك فتره ... البوست بتاعك ده علي اساس اني دكتور اليكس هيتشنز حلال المشاكل العاطفيه !:grin54: و الله انا تحليلي للموقف ان البنت دي زي معظم البنات حاليا بتاعت خروج و فسح و متنفعش في حوار ارتباط علي الاقل حاليا .
بالنسبه لصاحب الموضوع ... يعني بنت خرجت معاها و و و عايز ترتبط بيها ازاي يعني ؟ :angry06: معلش سؤال غلس بس عشان اعرف بس
رساله الي الحاج الشنوري معنتش تجيب في سيره الجمال تاني لو سمحت :Oc_sun1[1]:
السلام عليكم و رحمة الله
أتمني أن تتقبل رأيي
حضرتك شكلها أصلا مش فارقه معاك بدليل إن حضرتك جبت سيرتها علي منتدي و تسأل أعضاءه النصيحه
و متضايقش نفسك أوي كده و حاول تنسي و أفضل طريه للنسيا إنك متحكيش في الموضوع كتير
دي تبع الموتوسيكل هو ملهوش دعوه
الراجل واسطه خير بس
ماهي المشكله اني بخاف من الموتوسيكلات هههههههههههههه
كمان الشعر بيعملي حساسيه يا كبير ههههههههههههههههههههههههه ههههههههههه
والله عيب تعدي واحنا مش هنا وتمشي من غير ما تشرب حاجه
خدلك شويه فشار ولب طيب قزقز وانت ماشي
ليه بس يا حاج
دا حتي الجمل حيوان صبور
وهو يصبر علي الجوع والعطش اياما ويستعمله البدو في الترحال الخ الخ الخ.....
.................................................. ..................
لقد خالفت القاعدة رقم (9) بند (أ) من قواعد المنتدى
- لقد خالفت القاعدة رقم (13) من قواعد المنتدى لذا يتوجب حصولك على انذار مع وقف
يرجى مراجعة قواعد المنتدى
مشرف ب2
يا باشا انت و خالد بيه و قسم الموتوسيكلات كله علي راسنا من فوق و خالد بنعتبره اخونا عشان كده انا بنهرج معاه و بعدين ياريت تون الكلام بتاعك يكون اهدي من كده شويه عشان احنا كلنا هنا محترمين و مبنتريقش علي حد و لا بنستخف بحد و اظن وصل لخالد بيه الرد بتاع كل عضو ... علي فكره انا عملت موضوع مشابهه و اتعمل عليا بارتي لا زعلت و لا نفسنت من حد عشان كل الليله دي هزار
بلاش هزار
اللى عايز يهزر يهزر فى موضوع تانى
زميل لينا فى مشكلة
نقف جنبه
واللى مش عايز بلاش يشارك
هو احنا مبنعرفش بعض غير لو واحد عايز يركب كاسيت ولا فرش
انا كلامى حاد
بس ده الحق
باشمهندس
ايه فايدة الهزار فى موضوع واحد عامله طالب مساعدة
هيا المساعدة لازم تبقى فى الزيت والجاز
الزيت والجاز سهل تعملهم بفلوسك فى اى مكان
لكن المشاعر والمشاكل الشخصية الواحد بيلجأ فيهم لمين غير اقرب الناس ليه
ياريت تقبل اعتذارى يا جميل على اللى بيحصل ده ومتحطش فى دماغك فى ناس متستحقش يتسمع لهم اصلا
بص يا خالد البنت ديه انت تعرفها من فتره كبيره يعنى اكيد فى تعاملات كبيره بينكو تقدر تعرف بيها شخصيتها
مافيش حد هيقدر يقولك هيا صريحه معاك ولا لأ ؟؟ غيرك انت !! احنا منعرفش عنها حاجة انت اللى تعرفها
لكن كل اللى اقدر افيدك بيه هوا اقولك ازاى ..!!
كل الناس بتعرف بعض لاسباب سواء احبه اصحاب او حتى الاخوات (ده مش عيب يعنى )
بعنى لو سألتك انته بتحبها ليهاكيد هتول اسباب ( زى جميله شخصيه قويه دمها خفيف .....الخ )
وهى برضو اكيد تعرفك عشان حجات كتير مش حاجة واحده ( شخصيتك جريئ انسان مهذب ....الخ وممكن يكون بالاضافه انها يتحب الموتوسيكل ده مش عيب يعنى )
انا قبل ما اجيب البايك بتاعتى كنت بعد اتفرج على اى بايك اشوفها فى الطريق عشان كان نفسى فيها ولما اعرف حد معاه احاول اركب معاه عشان بحبها
ولو فكرت فى صحابك هتلاقى ان كل واحد انته صاحبته كان فى الاول عشان شويه اسباب بسيطه وبعد كده ابتديت تحبه اكتر لما عرفت شخصيته اكتر
المهم : اللى انت خايف منه انها تكون شخصيه انانيه وبتفكر فى مصلحتها بس .. صح !!
انا مختلف معاك فى ده لسبب بسيط ... لما كنت فى مشكله وقفت جنبك واديتك فلوس ومردش ختى تاخد الباقى :16:والانسان الانانى بيفكر طول عمره انه ياخد بس وعلى قد مايقدر كمان وميفكرش يساعد خالص
وبعدين فيها ايه يعنى لما عرفت انك مش خارج باليبايك اعتذرت ده موقف عادى بيحصل مع اى حد فينا
اقولك مثال بسيط : سعات الواحد بيكون خارج مشوار مع حد صاحبك بعربيته وبتكون موافق ولما يقولك انه مش هيقدر يجيب العربيه تحس ان المشوار ثقيل ومش عايز تروح وساعتها ياما تتكسف تقوله وتروح معاه بس بتكون مدايق يأما بتعتذر ويمكن لما تيجى تعتذر تقول عذر غبى :grin54:وتلاقى صاحبك يدايق لانكم كنتو متفقين انكم تروحوا سوا .....
اللى قصدى اوصلهولك ان مش موقف بسيط هوا ده اللى هيخليك تحكم على حد انه سيئ وتنسى كل حاجة عملها كويسه معاك قبل كده
متحكمش عليها بحاجة قبل ما تكلمها واول ماتشوفها اسألها سؤال صريح وقولها انا حسيت لما جيت اخرج من غير البايك اتهربتى من الخروج ليه ؟
ووضحهلها النقطة ديه . ان البايك مهمة فى حياتى لكن مش معنى كده انها كل حياتى
ومن ردها هتعرف نستها ايه بالضبط
انا عارف انها لو فعلا بتحبك هيكون الكلام ده شديد عليها
بس لازم تقولها فى الاخر : انك انسان صريح جدا واحب انى لما يحصل موقف بنا بدل ما الواحد يعد يفكر .. افضل انى اصارحك بيها بدل ما حطها فى دماغى وخلاص ولانك انسانه تهمينى محبش موقف تافه بنا يخلينى متضايق حتى لو حاجة بسيطة
وده هيخليها تحترم صراحتك جدا
ومتنساش ان معاك حق : لما تكون متفق معاها انك تخرج وهى تعتذر من حقك تعرف السبب
ولو فى اى نقطة انا مختش بالى منها قولى عليها .. ممكن نتناقش فيها !!
ومنتظر ردك يا جميل
الاستخفاف واضح والتهريج بقا علنى ولو حد بيقول غير كده يبقى مقرأش الردود أصلا
ياريت متدافعش كده وخلاص انت لو خاطط نفسك مكانه مكنتش هتقول الكلام ده
خالد مش داخل يهرج عشان تعدوا تستخفوا وتتريقوا .. داخل طالب نصيحة ورأى
ولو انته تقبل ان الناس تستخف بيك كدة وتتريق على كلامك... ده رأيك الشخصصى لكن احنا منقبلش
انا مارضيتش اشارك فى الموضوع ده علشان 80% من المشاركات اللى شفتها كلها تريقة وتهريج وخالد أساسا غلطان ان سمح لأى حد يتكلم عليه بالشكل ده .... ياريت اللى يعرف يقول رأى مفيد يقول واللى عايز يتريق يبقى الموضوع ده مش مكانه ... ياريت ياخالد لو سمحت أطلب من الإدارة حذف الموضوع فورا ..
من رأيي حذف الموضوع تجنباً لسوء الفهم والمشاكل التي قد تحدث بين الأعضاء ,
ويكفي ما تم ذكره من النصائح فلن يكون هناك مزيد منها أكثر من ذلك .
غلطان انه يحط موضوع هنا ههههههههههه روح منتدى فتكات بجد حيجوبوك اجابه فيها الشفا هنا حتجيب عربية جديده حتركب كاسيت حتغير جوان او وش سلندر هههههههههههههه
بس انا راي في الموضوع يا خالد وطبعا بهزر معاك عشان اعرفك نوعا ما
ان الحب ده من طرف تالت
الموتوسيكل بيحبها وهيا بتحب الموتوسيكل
وانت بتروح تقعد معاهم هههههههههههه
رايك على عينى وعلى راسى
بس العلاقة بينك وبين صديقك غير العلاقة بينك وبين حبيبتك
يعنى ممكن فعلا لو صحبك عرف انك جاى من غير عربية يعتذر
لكن حبيبتك وبتحبك بجد من قلبها
لو حتى جاى بحصان هتقبلك لمجرد انها نفسها تشوفك وتخرج معك
ولو حتى راكبين تاكسى سواء
هيبقا متعة لمجرد انكم مع بعض هو دة الحب
الى يحبك عشانك وعشان نفسك بمعنى اقرب انك طيب لذيذ امور جدع اى حاجة من دى اهلا وسهلا حبه من قليك وارتبط رسمى فى اقرب وقت
لكن الى يحبك عشان فلوسك ولا عربيتك يبقا ملوش لازمة لان النهردا معك فلوس ومعك عربية بكرة الله اعلم فى ولا لا
الى من النوع دة عند اول ازمة هيبعيك والدنيا كلها ازمات
اللهم ارزقنا بالزوجة الصالحة
واحب اقول لصحاب الموضوع انا اسف لو زعلت من هزارى
صحيح كلامك يا اسلام
بس انا قصصدى منحكمش على واحد حكم تام لمجرد موقف بسيط ممكن يخصل معى اى حد ومش معنى كده انها بتبيعه
طبعا غلطانه فى اسلوبها ده ..!! لانها لازم تراعى مشاعر الانسان اللى بيقدرها وتعمله حساب
بس لما خالد يكلمها ويقولها على الموقف.. من ردها هيعرف هى بتفكر ازاى وكان قصدها ايه !!
ارجع يا خالد
كنا بنهزر معاك
http://www5.0zz0.com/2011/04/15/11/794185796.jpg
صح كلامك مظبوط
بينى وبينك انا اتعقدت خلاص من الجنس الاخر يعنى معيا واحدة بتقولى بجبك وبموت فيك والكلام دة ورغم كدا بتكدب عليا والله
وبتقولى انا عايزك تتغير بقولها ازى قالتها انت بتتعصب عليا لما بعمل حاجة تزعلك مش عايزك تتعصب طب دى ارد عليها ازى دى
مش الاحسن من كدا انها متزعلنيش اساسا ومتكدبش عليا
بامانة والله زهفت والى مخلنى مكمل معها انى اتعودت عليها
والمشكلة بقا ان حاسس ان كل البنات كدابين بنسبة 95% معنديش ثقة من كتر البنات الى اعرفهم وبيكدبوا
طب تسبهم وتعيش من غيرهم متقدرش تستحمل تلاقى نفسك مدايق تعرفهم وتستحمل تلاقى نفسك مخنوق
يعنى بجد حاجة خناقة والله ادعلى لما اتجوز ربنا يرزفنى بواحدة مبنكدبش
طالما نفسك شعرها يطير ويجى على وشك ..بسيطه ياباشا لا ترجع بضهرك ولا حاجه:dirol:
علمها السواقه واركب انت وراها..طبعا هتكون هايص..من الشعر الطاير الى وشك:F_eyeb1[1]:
وكدا يبقى حققت امنيتك واخر الشارع وانزل وسيبنى انا بقى اخد لفه واجرب زيك يا اخى:Oc_sun1[1]:[/QUOTE]
ههههههههههههههههههههههههه ههههههههههههههههه
ههههههههههههههههههههههههه هههههههه
ههههههههههههههههههههههههه هههه:C_laugh[1]:
على فكرة يا شنوري
اوضحلك نقطة بخصوص الشعر
لو فعلا ركبت وراها الشعر الي حيطير في وشك مش حيبقى رومانسي
حتلاقيه بيلسع في وشك وبيدخل في عينك
ههههههههههههههه
خلاص ابعتلى الحل على الخاص و كل اللى عايزة تبعتهلو و كدة يبقى عندك 2 عايزين الحل
و بالنسبة لصاحب الموضوع انا بعتذرلو بالنيابة عن باقى الاعضاء عن الهزار الغير متعمد و فى النهاية الحل زى ما قال باقى الاعضاء هو اخفاء الموتوسيكل و مش تحكم من اول يوم بعد اخفاء الموتوسيكل يعنى اصبر اسبوع اختبار و و كمان حاول تعرف اية سبب رفضها و معلش لو طلعت من محبى الموتوسيكل وخلى بالك بنت تسيبك عشان موتوسيكل الوجع بتاعة اقل بكتيييييييييييييييير من ان صاحبك اللى معاك بقالو سنين يبيعك علشانو
بصراحه انا قريت كل الردود وكل التوقيعات ال تحت كل عضو وطبعا كل احترامى لكل عضو محترم افادنى بوجهه نظره ولاكنى اسف كل الاسف على منتدى كهذا انه للاسف يحوى مجموعه اعضاء للاسف معندهاش اى فكرة خالص عن المشاعر واخهم عضو بيتصل بيا علشان يتريق او يستخف دمه معايا عموما انا متشكر جدا لكل من جاوبنى برايه واسف جدا على حال كل عضو اتريق وده ان دل يدل على شخصيته وال عمره ماقدر انه يعيش موقف زى ده وللاسف انا حزين جدا جدا عل المنتدى انه وصل بيه الحال للدرجه دى للاسف جدا .......سلام يا .........شباب نايل موتورز ال للاسف طلعته وهمين جدا جدا ...أرجو محدش يزعل منى بس لما واحد يدخل يقرا الموضوع ده ويشوف الردود دى اقسم بالله هيبص لينا بصه متسواش وكفايا الفكره السيئة ال هيخدها عن المنتدى وللاسف انتوا كده مش جديرين بالثقه فى المنتدى ده وبردوا ده مش هزار بالنسبه للناس ال بتقول بنهزر هما مايعرفونيش علشان يقولوا بنهزر هما اصلا ميعرفونيش علشان يهزروا معايا وال للاسف انا مينفعش انى اصادق النوعيه ال معندهاش اى احساس بالمسؤليه واو يفقدوا وجهات النظر والسلام ختام ........khaled2010 >>>عضو فنى فى قسم الدراجات النارية ....
لو فاضي وعندك فرصه لغاية الفجر مثلا
ممكن تاخد فكره عن الاجتماعي وترجع لمواضيع من سنه واتنين وتلاته
هتعرف مين هما شباب نايل موتورز الحقيقيين
وهتعرف ايه نوعية المشاكل الي ممكن يفيدوك فعلا فيها وعن طيب خاطر وهيبقي قلبهم علي المشكله اكتر من صاحبها
وهتعرف برضه نوعية المشاكل المرفوض مجرد طرحها في مجتمع نايل موتورز
تقبل تحياتي
A.Yakout
رغم اني ضد كل الكلام إلي في الموضوع الأصلي تماماً ...... بس أنا في نفس الوقت ضد تسفيه الأراء و الحجر عليها
الراجل طرح موضوع في المنتدى إلي مش عاجبه ...... خلاص مايعلقش عليه ...... و هو حينزل لوحده للصفحة التانية
ممكن نحاول ننصحه ..... نكسب صداقته ...... نساعده في تصحيح مساره
لكن نقضيها تريقة و إستخفاف ........ مش صح و أسلوب مرفوض شكلاً و موضوعاً
يا استاذ خالد انا هقول رأيي موضوع انك تتجوزها دا انساااه خالص ليه؟ كذا سبب
١ _انت بتقول انها سافرت معاك اماكن بعيده و دا يدل على إنها متحرره زياده عن اللزوم
٢_لو اتجوزتها طبعا هتغير عليها و ممكن انت تشوف حاجات كتير مكنتش واضحه قدامك فترة الخطوبه عشان انت مبسوط انها موافقه على اي تصرف بتعمله
٣_ اول حاجه تدور عليها في الجواز في البنت الطبع الهادي_ احترامها لنفسها و لمشاعر الأخرين خصوصا الزوج _ و حاجات كتير جدا مش هعرف اكتبها عشان مطولش _
المهم عايز اسئلك سؤال ياريت تجاوبني عليه
لو اتجوزت و ربنا كرمك ب بنت هتوافق انها تسافر مع شاب اماكن بعيده وتركب وراه بايك و يضربها كمان في الشارع؟
لا حول ولا قوة الا بالله
ارحمني يا رب وريحني
احمد باشا ازيك يا رايس
لينا فتره متقابلناش ولا اتناقشنا
انتا عارف ان الاعضاء هنا بيربطهم كل احترام ببعض
والمنتدي نفسه الجو بتاعه مختلف عن جو اي منتدي تاني
اديك شايف المقابلات واخرها عيد ميلاد المنتدي
مش عايز ابعد عن موضوعنا الاساسي
الموضوع مش موضوع تهريج وهزار
غالبا صاحب الموضوع محدش يعرفه من الي علقوا علشان يهزر معاه
انا بتكلم في غرابة المواضيع دي عن جو المنتدي
هترد عليا وتقولي طيب ليه غريبه ما ممكن نتناقش فيها عادي
لا يا احمد باشا صعب المناقشه في المواضيع دي مع كم التجاوزات الي بيكون فيها
مواضيع حبيبي راح وحبيبي جه
وخرجت مع حبيبتي وسافرنا وروحنا وجينا
مش هوا ده الي اتربينا عليه او اتربينا اننا نشوفه
ولو سمحنا بالمواضيع دي
اتفرج هيكون شكل الاجتماعي كمان كام شهر ايه
ومش بعيد وانتا معدي واحد يقولك اتنين ليموت وشجره لو سمحت
ولو نزل موضوع ديني يقولك يا عم ايه الخنقه دي
الشق التاني او النقطه التانيه ان المحتوي نفسه او طريقة طرح المشكله بتكون مكتوبه بطريقه مستفزه
لو كلنا شباب وقعدة شباب مفيش مشاكل
بس لازم ناخد بالنا ان في حريم معانا في المنتدي
هيجي الي يقولي طيب ما التليفزيون مليان والنت والمنتديات التانيه مليانه
لا يا سيدي مجتمع نايل موتورز بيحاول بقدر المستطاع يحافظ علي قيمه الدينيه وطابعه الشرقي
طبعا افكاري مش مترتبه لاني بكتب بسرعه شويه
فمعلش يا احمد بيه اعذرني :)
A.Yakout
http://www.nilemotors.net/Nile/213803-a.html
فصدق رسول الله عليه الصلاة والسلام إذ قال :
( تُنكح المرأة لأربع لمالها , وحسبها , وجمالها , ولدينها فاظفر بذات الدين
تربت يداك) رواه البخاري .
وقال عليه الصلاة والسلام :
( الدنيا متاع وخير متاع الدنيا المرأة الصالحة) رواه مسلم
الموضوع ده يحتوى على وجهتين نظر مختلفين .
وجهة من خلال زميلنا صاحب الموضوع وده كان المفروض يعرض الموضوع فى المكان المناسب تحت مبدأ الموضوع المناسب فى المكان المناسب ... يعنى هنا اجتماعى عام فيه كافة الطوائف الغالبة من طبائع المصريين وهو كان المفروض يعرض الموضوع ده فى اجتماعى خاص بالبايكرز لانهم اكثر من يستطيعون نصحه لتشابه ظروفهم وحياتهم بشكل ما .
اما وجهة النظر الاخرى فخاصة بالغالبية العظمى هنا فى المنتدى الاجتماعى والتى غفل صاحب الموضوع على ان معظم الاشخاص ممكن ان يكونوا كباراً فى السن أو من اصحاب ضغط الدم المرتفع أو السكر أوالقولون العصبى (مش تريقة ) ويستفزهم مثل هذه المواضيع بتفاصيلها لبعدها عن نمط حياتهم كأغلب المصريين الشرقيين ويكون نتيجته ظهور جمل المنتدى المشهور بصبره دائماً .
وخلاصة القول انت حر مالم تضر بمعنى انك من حقك ان تستشير وتعرض مشاكلك كما تشاء بحرية ، ولاكن اذا تسبب هذا العرض لمشكلتك فى استهجان الغالبية العظمى فليكن عرضك فى اطار خاص بك فى قسم البايكرز حتى لا يحدث خلافات حول وجهات النظر المختلفة .
وتقبلوا رأيي ومرورى ... وربنا يهديك الى ما فيه خير وصواب .