الموضوع: اول موضوع ليا هنا فى القسم

المشاركة الأصلية كتبت بواسطة احمد المصرى

الموضوع واضح وضوح الشمس يا صديقى مش محتاجه نقاش ومعلش هل انت هتتجوز بنت سفرت معاك سفريات بعيده حتى لو محترمه انا اسف انى دخلت فى النقطه دى بس انت طلبت النصيحه من اخواتك الاكبر سنا ولازم انصحك


الحل حاليا انا الموتوسيكل يختفى شويه وانك مش معاك فلوس الايام ال جايه لاى سبب وشوف هتعمل ايه وبعد كدا قرر بس واضح جداااااااااااا هيا هتتصرف اذاى

بس فى حاجة هيا عمرها ماطلبت منى اى حاجة خالص واحنا مع بعض يمكن مثلا طلعنا السخنه فى مرة المهم دخلنا مطعم نتغدى مرضيتش تاكل اصلا لانها بتخاف من اكل الشارع ....يعنى تقريبا عمرها ماعرفت انا معايا فلوس ولا ايه .......... وتفتكر لو خفيت الموتوسكل ده يظهر اذا كانت فعلا بجد ولا بتتسلى معايا ولا اقولها بعته وخلاص .........ولو حسيت انها مش تنفع تكمل معايا انساها ازى ..........انا تقريبا بحلم بيها والله ....المشكله انى حبتها بجد فعلا انا عارف ان بيبقى المنظر مش لطيف خالص وهيا راكبه معايا الموتوسكل ده بس مش عارف اقرر اعمل ايه بجد انا عايز منكم النصيحه بحكم انكم اكبر منى سننا بجد انا محتار جدا

ده فى مرة كانت فى ناس فى الشارع حوالى 7 او 8 شباب اتريقوا علينا واحنا راكبين الريس وعملت مشكله جامده جدا بسببها بس انا مش عارف اعمل ايه بجد ........اتعامل مع الشخصيه دى ازاى

المشاركة الأصلية كتبت بواسطة yascro

دايما البنات بتجري ورا الشاب الرو ش ولما تخلص مصلحتها يتخلع

بس انا جيت معاها جد وكنت دايما بحافظ عليها كنت تقريبا معتبرها اختى الصغيرة وعمرى ماضايقتها .......اه يمكن فى مرة ضربتها فى الشارع بسبب موقف صدر منها بس تقريبا صالحتا تانى وعمرى ماشفت منها حاجة انها عايزة منى حاجة .........يمكن فى مرة الفيبر اتكسر بتاع الموتوسكل ادتنى حوالى 400 جنيه اصلاح للفيبر مع انه مننتكلفش اكتر من 150 جنيه ومرضيتش تاخد الباقى قالتلى خليه للبنزين

اعمل ايه ياجماعه انا تقريبا تفكيرى كله فى الموضوع ده انا كنت مكلم والدتها تقريبا انها لما تخلص يبقى فى مشروع جواز وكده .........اكلم والتها واعتذر ليها ولا اجرب ال قولتولى عليه الاول ولا اعمل ايه انا مش متخيل ان حاجة زى دى تحصل معايا انا