اخوانى الاعزاء
بعد رحلة كفاح طويلة جدا فى البحث عن البريليانس fsv فى الفترة الاخيرة اللى بقت عاملة زى الابرة فى كوم القش وبعد ما مسحت النت وبرة النت على ارقام وعناوين المعارض والسؤال عن السيارة اللى مش موجودة عند حد خالص واللى لو لقيت واحدة منها تلاقى سعرها خيالى (بتكلم عن احمد موتورز 80,000 جنيه)
كانت الحكاية امبارح بالليل وانا قاعد عالنت بقلب فى المواقع على المعارض واتصلت بعشرات المعارض وبردو مش موجودة وكنت خلاص بدأت افكر فى البديل بجد خلاص كنت نويت اشوف حاجة بديلة وزهقت من البحث من غير امل حتى كنت بدأت اقلب فى ال byd والجاك بى والاسبرنزا m11 لكن اثناء تصفحى لموقع لقطة دوت كوم لقيت عرض (منتهى الصلاحية) من معرض اسمه الفا موتورز فى مدينة نصر فقولت اجرب مش هخسر حاجة وكلمته فعلا قاللى موجودة وعاملة 74,000 جنيه وسألته على الالوان قاللى فيه اسود وفضى (انا عاوز الفضى والمدام عاوزة الاسود) فروحت طاير النهاردة الصبح على المعرض وحجزتها (اللون الاسود طبعا لازم كلام الحريم يمشى) ولو انى مش معترض على الاسود غير فى حكاية النضافة بس ولكن الاسود على العربية بجد تحفة انا مقدرش انكر واللى شفعلى كمان انهم قالولى ان فيه واحد متكلم على الفضى فقولت خلاص الخيرة فيما اختاره الله
باقى بس اجراءات البنك والاستعلام والكلام ده يخلص ويارب ينجزوا هو قاللى ممكن الاسبوع الجاى نخلص وتستلم (البنك الوطنى للتمنية اللى هو ابوظبى للمعاملات الاسلامية)
ياريت تدعولى استلم على خير يا شباب وبشكر اى حد تعاون معايا فى الرد على اى استفسار من استفساراتى بخصوص العربية والمعارض وكده وياريت لو اى حد عنده نصيحة ليا ينصحهالى وانا بتم عملية استلام العربية ميبخلش عليا
المفضلات