صيانة 35000 للام 11 ، الرجاء الافادة

**teha** · 15-04-2011 12:26 AM

السلام عليكم ورحمة الله وبركاته

ان شاء الله انا حجزت صيانة الام 11 في ابو رواش السبت الجاي لل 35000 و كنت بس عاوز استفسر لو حد من الرجالة عمل الصيانة ديه قبل كدة .

ايه يعني المفروض يتتغير و يتتكلف كام مع العلم ان عندي معظم الاصوات اللي منتشرة في الام 11
صوصوة العفشة و زنة الشكمان و تزييق الازاز و ساعات دبدبة قدام .

بصراحة انا طاحن العربية شغل و الحمد لله ربنا يحفظها عجباني ومعظم الحاجات اللي بتطلع مش رئيسية و بتطلع في اي عربية المهم بس ربنا يديمها نعمة و يحفظها من الزوال .

**hemaa_82** · 15-04-2011 06:45 AM

المشاركة الأصلية كتبت بواسطة teha

السلام عليكم ورحمة الله وبركاته

ان شاء الله انا حجزت صيانة الام 11 في ابو رواش السبت الجاي لل 35000 و كنت بس عاوز استفسر لو حد من الرجالة عمل الصيانة ديه قبل كدة .

ايه يعني المفروض يتتغير و يتتكلف كام مع العلم ان عندي معظم الاصوات اللي منتشرة في الام 11
صوصوة العفشة الشحم هو الحل .... ال wd40 مسكن انما الشحم بجد هو الحل .... من 17 ل 25 الف بدون صوصوة بعد التشحيم في الاسكندرية يوم تغيير شربون الدينامو
و زنة الشكمان [color="rgb(46, 139, 87)"]تغيير علي الضمان برغم انها لو رحت لبتاع شكمانات هيظبتك ... بس طالاما حقك و في الضمان خد منهم كل ما تستطيع[/color]
و تزييق الازاز[color="rgb(46, 139, 87)"] دي بقي انا بلاقي ازازي انا بس اللي بيزقزق بس في حالة ان العربية معفنة .... مفيش مرة اتنضفت و عمل صوت ... و بصراحة انا مبنضفهاش غير كل فييييييييييييين و فيييييييين[/color]
و ساعات دبدبة قدام [color="rgb(46, 139, 87)"]دي جديدة .... طب ما قبل ما ترحلوهوم خلي عفشجي يبصلك عليها ... جلب ولا مساعدين...[/color]

بصراحة انا طاحن العربية شغل و الحمد لله ربنا يحفظها عجباني ومعظم الحاجات اللي بتطلع مش رئيسية و بتطلع في اي عربية المهم بس ربنا يديمها نعمة و يحفظها من الزوال .

[color="rgb(46, 139, 87)"]ربنا يبارك لك و للجميع ان شاء الله[/color]

**teha** · 15-04-2011 07:57 PM

متشكرين يا هيما باشا وجزاكم الله خيرا على المعلومات اليبة ديه .

بالنسبة للدبدبدة اللي قدام انا رحت مركز الاهرام في صيانة ال 30000 و قالي المساعد هيتغير على الضمان بس همه معندهمش فقلت اروح انا ابو رواش في صيانة ال 35 يشوفوا ايه النظام.

بس محدش من الرجالة بيعرف بتتكلف كام و بيغيروا ايه .

**ALshahba** · 15-04-2011 08:46 PM

ياريت يا جماعه لو سمحتم نمرة ابورواش علشان احجز

**hemaa_82** · 15-04-2011 09:33 PM

المشاركة الأصلية كتبت بواسطة alshahba

ياريت يا جماعه لو سمحتم نمرة ابورواش علشان احجز

مش المفروض ان الحجز من نمرة توحة العادية المختصرة ؟؟؟

**ALshahba** · 16-04-2011 12:51 AM

اللي هيا كام ؟؟؟؟

**teha** · 16-04-2011 12:59 AM

رقم الحجز :

0128834255

**ALshahba** · 16-04-2011 08:09 PM

^^^^^^^^^^^^^
الف شكر

**teha** · 17-04-2011 01:39 AM

'الحمدلله عملت صيانة ال 35000 في ابو رواش واليكم التفاصيل :
كنت حاجز قبلها و كان ميعادي الساعة 8:30 والحمدلله بعا صحيت من النجمة عشان انا ساكن في التجمع و الطريق طويل شوية
المهم كنت في الميعاد بالظبط طبعا كنت مفكر اني من اول الناس اللي واصلين التوكيل
كان رقمي 1622 لقيت ان الرقم اللي وصلوله كان 1607.
المهم قعدت استنى زي باقي الناس و فجاه كدة على الساعة 9 كدة او اقل شوية ندهوا هوه مين حاجز تاني طبعا رفعت ايدي قلت فرجت و بدات اتكلم مع المهندس على الصيانة بتاعتي و على فكرة انا اللي الحرامي كان كسر الازاز و اخد كل حاجة ليها علاقة بالضمان بس الحمد لله طلعوا محترمين و قالولي مادم معاك فواتير من الصيانة الدورية كدة تقضي الغرض.
طبعا قلتلهم على كل المشاكل و منها ان اللمبة امامي يمين طافية و بصوا لقوا القربة بتاعت المية مرشحة
طبعا ده بخلاف المشاكل اللي انا ذكرتها فوف .
المهم العربية دخلت و فضلت ملطوع لحد الساعة 3:30 و بعجها قالولي كل حاجة تمام ماعدا وصلة الشكمان مش موجودة ممكن تيجي يوم الخميس تركبها
طيب و القربة قالي اتغيرت على الضمان طيب و اللمبة قالي تمام اتغيرت طيب و صوت العفشة قالي اتشحمت و الصوت اتمنع طيب و تزيق الازاز قالي اتعمل بس مكترتش و قلت اجرب و اشوف
المهم كام الفلوس يا باشا قالي 160 جنيه
102 صيانة ا35000
35 لمبة
17 مصنعية
وشوية فكة ضرايب و حاجات مش عارف ايه هيه
بس المهم اخدت العربية فعلا لقيت القربة جديدة والعفشة صوتها مش موجود لحد دولقتي طبعا و صوت التزييق بتاع الازاز قل بنسبة كبيرة و يكاد يكون مش مسموع و اللمبة الامامي شغالة وكله تمام بس صوت زنة الشكمان قل مع انهم لسة ميغيروش الوصلة و يمكن المشكلة فيه انا .
بس كنت في البيت على الساعة 6 المغرب يادوب اقل حاجة يعني 11 ساعة عشان الام 11 حبيبتنا و ايه يعني كلنا فدى الام 11

المهم لحد دولقتي ربنا كرمنا لو في جديد ان شاء الله نوافيكم به.
بالنسبة اني كان عندي مكنة الازاز اللي ورا بايظة رحت لواحد افتكسلي افتكاسة كدة بس شغالة عسل و عملها لاكتر من واحد في الام 11 و كنت دفعت عنده 70 جنيه والى الان المكنة شغالة حلاوة و ربنا يحفظنا و يحفظ جميع اخوانا المسلمين
اسف على الاطالة والسلام عليكم ورحمة الله وبركاته.

**ALshahba** · 17-04-2011 01:11 PM

ميروك عليك الصيانه...وانشاء الله تتحل مشكلة الشكمان قريب جدا
بس ياريت تقولنت ايه هيه الافتكاسه بتاعت الزجاجالخلفي لكي تعم الفائده

بصراحه العربيه مع والدي... وعمري ماسمعتو بيشتكي منها من حاجه ,,, لا صوت تزييق ولا عفشه ولا تعليق ولا حاجات من دي خالص
الحمد لله وربنا يحفظهالو