سؤال في البنزين

**SYD** · 15-04-2011 08:28 AM

السلام عليكم ورحمة الله وبركاته
انا اشتريت ابيزا 99 جديد من حوالي شهر
السيارة تكييف (متركب) وباور وجميع الكماليات
المهم..
انا عربيتي 1000 سي سي انجيكشن واستهلاكها استهلاك 1600 كاربراتير بمعني انها بتستهلك 20 لتر لكل 200 كيلو اي كل 10 كيلو متر تستهلك 1 لتر بنزين
ارجو النصيحة في كيفية تعديل استهلاكها مع العلم اني سألت وعرفت انها بتستهلك 25 لتر لكل 420 كيلو اى 16.8 كيلو متر لكل 1 لتر بنزين
وكمان انا مغير فلتر البنزين وعدلت في البوابة وخليتها علي 8. ار بي ام
ومش بشغل تكييف ومنظف انجيشكشن ومغير رشاشات وبوجيهات (بووش الماني اصلي)
ومش بحرق علي الغيار (بنقل علي 20 ار بي ام) وبستعمل بنزين 92 من موبيل او شل، وعلي فكرة بمون بليل مش الظهر.
فكرت احط علي التفويل موبيل بوزيتف هل هينظف ويقلل الاستهلاك ولا مش هيفرق؟؟؟
وعلي فكرة الجنوط 13 بتاعتها وبظبط ضغط الأطارات 28
وغالبا بكون لوحدي او بحد اقصي انا وحد جمبي ونادرا لو حد ازيد من كدة ركب معايا
ودايما بمشي علي الدائري ومسافة لا تتعدي ال 5 كيلو في البلد عشان اوصل للدائري لأن بيتي جمب الدائري وشغلي جمب الدائري والسرعة لا تتعدي 90 كم / ساعة
ارجو الافادة لأني متحير جدا جدا جدا

ملاحظات في غاية الاهمية....
اولا عايز اعرف ، هل عندي تنك احتياطي؟؟؟
2- مؤشر البنزين في التابلوه احيانا بعد ما اركن واجي ادور تاني يوم الاقي مستواه ارتفع كأن البنزين رجع تاني ودة سبب سؤالي عن التنك الاحتياطي، هل البنزين بيرجع من البوابه ولا من التنك الاحتياطي، وكمان بينزل مرة واحدة مش واحدة واحدة ، تقريبا حركته بمقدار 1/4 التنك.
3- لظروف عملي مع الاسف مش انا الي مغير الرشاشات ، فهل ينفع يركب رشاشات اي ماركة اخري وليكن الانترا 1600 علي السيات 1000 ؟؟؟؟
4- البوجيهات مش جديدة هي خلع باسات لسة جديدة نوفي
5- نظفت فلتر الهوا لأن حالته مش بطالة

**behman** · 24-04-2011 04:18 PM

متابع

**ashoub** · 24-04-2011 07:23 PM

حوار استهلاك البنزين ده كبير جدا ممكن يكون عندك خرطوم بيسرب بنزين راجع على كل الوصلات الى عندك
وممكن يكون ظبط الرشاشات مش مظبوط ممكن تكون البوجيهات وحشه او طرمبه البنزين او حساس الحراره الموضوع كبير جدا فمن الاخر روح لرشاد فى الحرفيين خليه يكشفلك عليها كمبيوتر ممكن تكون محتاجه ظبط وربنا يوفقك

**windofchange** · 25-04-2011 05:58 AM

حوار تنك احتياطي فهي فيها تنك احتياطي...مؤشر البنزين احتمال العوامة مش سليمة لأن عندي معملش كده قبل كده(حاليا بايظة وعايز اغيرها) والاستهلاك عندك عالي طبعا.....ويعني ايه عدلت فالبوابة وخليت ال rpm ,8 ممكن توضح؟ واعتقد العيب من الرشاشات والله اعلم اهم شيء هي زي الاصلية ولا لأ؟ عندي رشاشات ال1000 سي سي لو عايزهم تواصل معي وان شاء الله العيب يتحل

**ehab_mansour** · 25-04-2011 02:23 PM

السلام عليكم
بخصوص موضوع استهلاك البنزين والسيرفس الخاص بالسيارة فتم الرد عليه في هذه المشاركة
http://www.nilemotors.net/Nile/214148-2001.html

اما بخصوص مؤشر البنزين وبيرتفع وينخفض ويتحرك حركة غير منضبطة فده سببه استخدام بنزين به شوائب او اقل في الأوكتان وده حصل معايا أكتر من مرة ولو عايز تحل الموضوع ده حاول تمشي بالعربية لحد ما تقريبا التنك يقرب ينتهي نهائيا و يوصل للشرطة الحمراء اللي في نهاية المؤشر وبعدها مباشرة غير فلتر البنزين و فول السيارة بنزين للأخر وان شاء الله هتنتهي القصة دي نهائيا وعن تجربة اكثر من مرة

وعارف انك هتقول انك بتفول العربية بنزين 92 ومن بنزينات محترمة دايما بس ده مش لازم يكون منك ممكن يكون من مستخدم أخر قبلك ومتراكم وممكن أيضا اي بنزينة من المحترمين دول فيها رشح مياة او سقوط مياة خفيفة في اي من تنكات اي بنزينة

ولو فيه اي سؤال أخر تحت أمرك

**SYD** · 26-04-2011 03:23 AM

الف الف شكر يا جماعة علي اهتمامكم بالموضوع
وفعلا زي ما الباشمهندس ايهاب قال
انا فعلا مصمصت التانك علي الاخر وفولت وحطيت موبيل باور بوزيتيف، بطلت موضوع اللخبطة في القراءة
غيرت فلاتر (هوا وبنزين) ظبطت اخر حاجة علي الطريق والطلعة
انا لسة حالا كاتب مشاركة في موضوع تجربتي مع استهلاك البنزين
انا العربية بتعمل 5 لتر لكل 100 كم
بس المشكلة جوا البلد والزحمة والأشارات بتعمل اكتر من 9 لتر لكل 100 كم
مع العلم عربيتي عاملة 117 الف كم بس المشكلة انها معمرة قبل كدة وفي شواهد كتير علي كدة منها ان وش التقسيمة عندي سايح من كتر السخونة (يبدو انها ضربت جوان)
والله المستعان
وبجد متشكر جدا للجميع علي اهتمامكم وحلولكم الجميلة

**SYD** · 26-04-2011 03:35 AM

المشاركة الأصلية كتبت بواسطة windsofchange

حوار تنك احتياطي فهي فيها تنك احتياطي...مؤشر البنزين احتمال العوامة مش سليمة لأن عندي معملش كده قبل كده(حاليا بايظة وعايز اغيرها) والاستهلاك عندك عالي طبعا.....ويعني ايه عدلت فالبوابة وخليت ال rpm ,8 ممكن توضح؟ واعتقد العيب من الرشاشات والله اعلم اهم شيء هي زي الاصلية ولا لأ؟ عندي رشاشات ال1000 سي سي لو عايزهم تواصل معي وان شاء الله العيب يتحل

بص حضرتك
انا غيرت رشاشات الأنجيكشن ، بعدها لقيت الموتور صوته عالي جدا وبقت وهي واقفة، علي 1.2 ار بي ام
المهم
روحت عن ورشة كهربائي عنده كمبيوتر اعطال
لغي كام عطل عندي زي الأنجيكشن والايدل والتكييف والباور
العربية هديت شوية بقت علي 1 ار بي ام
قالي البوابة عندك فيها مشاكل
بسأل عليها بالتليفون لقيتها عاملة حوالي 450 لوحدها من غير حساسات ولا المانافول
المهم قالي طب انا هحاول اظبطها
فعلا خلع البوابة وأخخر الترس الي بيفتح ويقفل البوابة (أخخر يعني رحل الترس بتاع البوابة من مكانه بحيث يقفل ويفتح قبل المكان الي بيقفل ويفتح فيه)
بعد ما عمل كدة العربية هديت اكتر وبقت علي 8 ار بي ام واحيانا 9 ار بي ام
ولما بشغل التكييف بتعلي علي 1 ار بي ام
بس مشكلتي انها بتركن ، يعني بعد لما بتطفي التكييف بتفضل علي 1 ار بي ام ومش بترجع غير لما بزود بنزين واسيب.
اتمني تكون الصورة وضحت دلوقتي