ارجو المساعدة من فضلكم وبسرعة

السلام عليكم ورحمة الله تعالى وبركاته

انا لسة عضو جديد فى المنتدى بس محتاج مساعدة باقصى سرعة

انا لسة جايب عربية نيو سبارك 2011 من اسبوع واحد ولما سالت التوكيل عن التليين قالى امشى على طول لان العربية متلينة فى المصنع فمش لازم تلينها

فعندى سؤالين مهمين ارجو الاجابة عليهم باقصى سرعة

1- هل لازم التليين ؟ وما الخطورة لا قدر الله اذا ما عملتش التليين ؟ مع العلم انى اقصى سرعة ليا 60 كم لانى لسة جديد على السواقة والعربية عاملة لغاية دلوقتى 260 كم

2- لو لازم اعمل التليين ما هى الطريقة بالتفصيل لانى بصراحة مش عايز حد غيرى يسوقها !!!!

3- هل فعلا بعد 1000 كم لازم اروح اغير الفلتر والزيت بالرغم ان التوكيل قالى بعد 5000 كم تعالى واحنا هنغيرلك الزيت والمياه ونكشفلك عليها

4- عايز كتالوج للعربية دى من فضلكم لان التوكيل قالى العربية لسه جاية جديد ومش عنده الكتالوج فياريت لو حد يعرف يجيبلى الكتالوج يبقى مليون شكرا ليه


واخيرا ارجو الافادة بسرعة متشكر جدا على مجوداتكم فى هذا المنتدى الرائع http://www.nilemotors.net/blog/wp-.....ew-spark_2.jpg

أولاً : ألف مبروك عليك العربيه يا باشا .

ثانياً : فعلا لازم تتلين أول 1000 كيلو ( الـ rpm ميعديش الـ 3 ، ومتحرقش على العربيه ، بلاش تشغل التكييف ).

ثالثاً : فعلاً أول صيانه عندنا إحنا فى الأوبترا هى صيانة الـ 5000 كم ، وممكن برضه تكون فى السبارك كده ، وأكيد حد من حبايبنا فى القسم هنا حيأكدلك المعلومه دى .

الف مبروك عليك العربية وربنا يديك خيرها إن شاء الله..هي العربيات الجديدة بتيجي بموتور متلين اصلا، لكن من الافضل ان تبقى براحة على العربية في الأول زي باسم باشا ما قال لحضرتك..
اما عن الصيانة فحسب ما كتيب الضمان بيقول..اعتقد بيقول كل 5000 كيلو او اربعة شهور (ايهم اقرب) لكن طبعا انت ممكن تحط زيت 10000 بس تروح لهم كل 5000 برضه لزوم الصيانات التانية مش الزيت فقط..انا شخصيا بافضل اروح لمنصور مش لمركز معتمد
اما بالنسبة للكتالوج..خلليك وراهم..انا برضه استلمت الكتالوج بعد ماجبت العربية ببتاع شهرين مثلا
واخيرا..هات لفة :-))))))

اقتباس:

---

المشاركة الأصلية كتبت بواسطة bassem raafat

أولاً : ألف مبروك عليك العربيه يا باشا .

ثانياً : فعلا لازم تتلين أول 1000 كيلو ( الـ rpm ميعديش الـ 3 ، ومتحرقش على العربيه ، بلاش تشغل التكييف ).

ثالثاً : فعلاً أول صيانه عندنا إحنا فى الأوبترا هى صيانة الـ 5000 كم ، وممكن برضه تكون فى السبارك كده ، وأكيد حد من حبايبنا فى القسم هنا حيأكدلك المعلومه دى .

---

انا متشكر جدا على ردك يا باشا

وبالنسبة لل rpm فعلا عندى مش بيعد عن 3000 بل بالعكس اقدر اقولك انه مش بيعدى عن 2000

اقتباس:

---

المشاركة الأصلية كتبت بواسطة ecybrarian

الف مبروك عليك العربية وربنا يديك خيرها إن شاء الله..هي العربيات الجديدة بتيجي بموتور متلين اصلا، لكن من الافضل ان تبقى براحة على العربية في الأول زي باسم باشا ما قال لحضرتك..
اما عن الصيانة فحسب ما كتيب الضمان بيقول..اعتقد بيقول كل 5000 كيلو او اربعة شهور (ايهم اقرب) لكن طبعا انت ممكن تحط زيت 10000 بس تروح لهم كل 5000 برضه لزوم الصيانات التانية مش الزيت فقط..انا شخصيا بافضل اروح لمنصور مش لمركز معتمد
اما بالنسبة للكتالوج..خلليك وراهم..انا برضه استلمت الكتالوج بعد ماجبت العربية ببتاع شهرين مثلا
واخيرا..هات لفة :-))))))

---

مشكور يا باشا على الرد الجميل :Oc_sun1[1]:

بالنسبة للزيت انا ناوى انى مش هغير الزيت بتاعها الا فى التوكيل ولا اية رايك ؟

بس فى معلومة واحد قالهالى عايز اتأكد منها

هل فعلا لازم بعد 1000 ك لازم اغير فلتر العربية ؟؟؟؟

بالنسبة للكتالوج انا واهم بس نفسى لو موجود على النت (واعتقد انه اكيد موجود ) ياريت حد يلحقنى بيه عشان لو فى حاجة الحقها بسرعة

بالنسبة بقى للفة :oops1: بعينككككككككككك
ههههههههههههههههههههههههه ههههههههه

لا طبعا ده انت تشرفها بس تعالالى بورسعيد بقى !!!!!!!!!!!

اجدع ناس البورسعيدية على فكرة...بالنسبة لفلتر الزيت فهو فعلا بتغير كل 10000 كيلو..يعني لو حطيت زيت 5000 هاتغير فلتر بعد مرتين تغيير زيت..ولو عطيت زيت 10000 هاتغير فلتر مع كل تغير زيت...ما تفلقش هم في الصيانة فاهميين الحاجات دي كويس

اقتباس:

---

المشاركة الأصلية كتبت بواسطة ecybrarian

اجدع ناس البورسعيدية على فكرة...بالنسبة لفلتر الزيت فهو فعلا بتغير كل 10000 كيلو..يعني لو حطيت زيت 5000 هاتغير فلتر بعد مرتين تغيير زيت..ولو عطيت زيت 10000 هاتغير فلتر مع كل تغير زيت...ما تفلقش هم في الصيانة فاهميين الحاجات دي كويس

---

ربنا يخليك على زوقك يا باشا :hlopaet_prv:

انت كده خليت قلبى يطمن شوية ادعيلى بقى ربنا يسترها معانا :biggrin2::biggrin2::biggrin2:

عامة موضوع التليين اول 1000 كيلو مكتوب في الكتالوج لعربيات الشيفروليه بنفس الطريقة اللي شرحوها باقي الأعضاء و ده في كل موديلات شيفروليه و ده بغض النظر عن ان الموتور اتلين في كوريا

هي دي نصائح شيفروليه و بعد ال 1000 كيلو هتحس بأداء احسن و اسرع من الموتور

اقتباس:

---

المشاركة الأصلية كتبت بواسطة ecybrarian

اجدع ناس البورسعيدية على فكرة...بالنسبة لفلتر الزيت فهو فعلا بتغير كل 10000 كيلو..يعني لو حطيت زيت 5000 هاتغير فلتر بعد مرتين تغيير زيت..ولو عطيت زيت 10000 هاتغير فلتر مع كل تغير زيت...ما تفلقش هم في الصيانة فاهميين الحاجات دي كويس

---

انا في كل صيانة بيغيرولي فلتر الزيت و انا بحط زيت 5000 (ده حصل في صيانة ال 5000 و ال 100000)

الف مبروك ......و ربنا يحميهالك و يكفييك شرها........اهم حاجة امشي بيها براحة و متشغلش التكييف اول 1000 كم.....

تاني حاجة و ديه الاهم......احنا عايزين منك تقرير عن استلامك للعربية و تصورهالنا ...عشان انت اول واحد هنا يقولنا انه جاب نيو سبارك.....:-))