ما عيوب ومميزات السيارة "فيات سيينا "2001 ؟ وسعرها كام فى مصر كمستعمله طبعا؟
ما عيوب ومميزات السيارة "فيات سيينا "2001 ؟ وسعرها كام فى مصر كمستعمله طبعا؟
العربيه ممتازة بكل المقاييس كانت معايا موديل 2001 1400 سى سى
العربيه موتورها اكتر من ممتاااااااااااااااااز وعفى جدا وبيستحمل بشكل رهيب والصالون حلو جدا ومريح اوى والفتيس اكتر من رائع وثبات ممتاز فعلا والله العربيه ممتازة جدا جدا
عيوبها مكان التانك بتاعها زباله لان العربيه مش عاليه فعلى طول بيتخبط وكمان مراياتها تعبانه اوى وبتبوظ بسرعه وغير كدة الميكانيكيه بيكرهوها جدا عشان الكابوت صغير وضيق (بالذات ال 1600) بس دى كلها مش مشاكل فى العربيه مؤثرة بس والله العظيم العربيه دى اكتر من رائعه
بس نصيحه هات حاجه ماشيه قليل يعنى فى رانج من 60000كم ل 80000 كم وسعرها فى السوق يتراوح بين ال 35 ل 38000
لو بتفكر توكل على الله من غير تفكير والله وكمان السيفتى بتاع العربيه ممتاااااااااااز (وعن تجربه) وفراملها ممتازة بجد العربيه رائعه
شكرا على الرد يا استاذ محمد
_______________________
في ناس كتير بتقول انها خشنه ايه راي حضرتك في النقطه دي
_______________________
و لو سمحت عايز رايك في حاجه
في فيات سيينا 2001 و 1400 سي سي و عامله 120000كم و معروضه علييا ب 33 الف
خشنه؟؟؟؟ اقتل اللى قاللك كدة
وكمان العربيه عفشتها اكتر من ممتازة وعمرى ماشتكيت منها فعلا واعطالها نادرة فى العفشه بالذات..
بس بصراحه 120000 كم دة بدايه الصرف ووجع الدماغ فى العربيات عموما
وكمان ياريت تحاول تجيب العربيه فابريكه برا وجوا عشان تطمن نفسك من موضوع الحوادث وخلافه
عربيه تحفه معايا وزي الفل وافضل بمراحل من الكوري اللي في نفس فئتها
ربنا يبارك لكل الى عندهم سيينا
بس انا قريت هنا فى المنتدى ان التكييف ضعيف شوية
يا ريت اصحاب العربية يفيدونا
العربية شكلها حلو
وكنت بحبها
بس فيها عيب قاتل بالنسبة ليا لما ركبتها فى الكنبة الخلفية خلف السائق طلعت روحى يومها طول الطريق مطاطى راسى وظهرى اتقطم بسبب ان السقف ضيق وجاى بميل خاصة انى طويل ... مع انى ركبت عربيات تقريبا فى حجمها ومحستش بالخنقة ديه
ركبت كيا برايد وافيو وركبت شاهين وسكودا فليشا وغيرهم فى الكنبة الخلفية كنت قاعد مرتاح
طبعا هذا لا يعيب السيارة ... هو عيب خاص بيا أنا واللى فى طولى
طولى حوالى 180 سم مش فاكر بالظبط كام
عربيه تحفه وجميله جدا معايا زي الفل ومهما تقسو عليها تفضل جنبك
ممكن حد يفيدنى و يقول لى من السيناوية افك فلتر تكييف السيينا ازاى
انا بصيت تحت الطابلوة ملقتشى مكان اشوف أو أفك فلتر التكييف
ومديت ايدى من تحت التابلوة تحت الدرج لقيت حاجة خشنة معرفش هو دة فلتر التكييف ولا لأ
برجاء توضيح المكان بالظبط وكيفية الفك للتنظيف
وشكرا مقدما
وجزاكم الله خير
انا معروض عليا 2001 بردو ب 33 بس عداد 120,000اقتباس:
المشاركة الأصلية كتبت بواسطة mohamedmmm2
بدايه الصرف ازاى هتفتح بقها بردو :Ka_che1[1]:
يعنى الطبيعى ان اى عربيه بعد 100000 كم بيبتدى تفتح بقها بس 33000 سعر كويس عليها بس انت اعمل حسابك انك هاتحتاج تغير حاجات مثلا زى طقم الدبرياج لو ماكانش اتغير قبل كدة.. ممكن تلاقى سنسور باظ مثلا.. كدة يعنى
بس انت لو عاوز حاجه كويسه فعلا ممكن تدور على واحدة 50 او 60000 كم على كونتاكت وهاتلاقى وتاخد العربيه بخيرها وهى لسه عروسه :-) بس هاتلاقيها اغلى شويه اكيد فى حدود 37000 جنيه