عتريس يريد تركيب الزينون ---- الافادة مطلوبة

**Atrees** · 15-04-2011 06:29 PM

صباحكم فل يا رجالة

انا طبعا نفسي اركب زينون بس رافض تماما اللون الابيض والازرق - وقعدت ادور علي زينون 4300 اللون الاصفر شهور لحد ما لقيتة اخيرا و 3 اطقم للسيارة كلها

تفيدوني بقي علي اسا المعلومات اللي حقولها اذا كنت اركب ولا لا

1- الجهاز صيني - ضمان سنة شامل اللمبات
2- اللون اصفر مبييض
3- التركيب كلة فيش مفيش تقطيع في الاسلاك خالص

انا كنت عايز الاصفر بالذات لسببين

ان لونة يمشي مع لون عربيتي الشامبين - وان نورة مش مزعج زي الابيض وكمان بيفرش اكتر لان لونة اصفر

الطقم ب 400 جنية شامل كل حاجة

**abdoelshazly** · 15-04-2011 06:41 PM

يعنى ايه 3 اطقم للعربيه كلها ؟؟ هو مش قصدك على الفلاش بتاع الفوانيس

**Mshawky** · 15-04-2011 08:20 PM

مبروك ياعتريس بس خد بالك الصينى فىا لسيراتو مشاكله كتير يعنى لازم تجرب كل حاجه وانت واقف بعد التركيب وتفتح الفوجات والكاسيت وتشغل الفلاشه وكل حاجه لان العربيه حساسه اوى مع الزينون الصينى ده

وربنا يكفيك شره ويرزقك خيره باذن الله ومبروك عليك مره تانيه يابوب

**Atrees** · 15-04-2011 09:14 PM

المشاركة الأصلية كتبت بواسطة mshawky

مبروك ياعتريس بس خد بالك الصينى فىا لسيراتو مشاكله كتير يعنى لازم تجرب كل حاجه وانت واقف بعد التركيب وتفتح الفوجات والكاسيت وتشغل الفلاشه وكل حاجه لان العربيه حساسه اوى مع الزينون الصينى ده

وربنا يكفيك شره ويرزقك خيره باذن الله ومبروك عليك مره تانيه يابوب

حبيبي يا شوقي - ازيك :)

بص انا لفيييييييت علي الماني او امريكي في مصر مش لاقي - وانا متردد بس عشان صيني - انت عارف انا مبحبش اجيب حاجة مش 100% تمام حتي لو اتكلفت الضعف

بس المشكلة ان مفيش غير الصيني في السوق - ولو لقيت حاجة نضيفة ما الاقيش الاصفر

عموما انا حدور تاني يمكن الاقي

انا فاكر انك كنت بتجيب الحاجات دي بس مش عارف لسة تقدر تفيدني في الموضوع دة ولا لاء :)

**Mshawky** · 15-04-2011 09:22 PM

لو ليك حد بره ممكن ابعتلك اللنك على الخاص انا جيب زينون يابانى اصلى من امريكا لانه بينزل للسوق الامريكى بس جبته لحسام اوبتراوى وروحنا استلمناه من dhl سوا اساله على الزينون ده عامل ازاى وكان 6000 وحاجه ملهاش حل المهم لو ليك حد بره يجبهولك انا ممكن ابعتلك اللنك لو عايز لانى مشغول فى حوارات تانيه ومش بستورد دلوقتى اكسيسوريس خالص الفتره ديه

**VTEC** · 15-04-2011 09:56 PM

كلم توكيل فيليبس يا باشا
حتلاقى عندهم 4300 فيليبس حاجه نضيفه بس حتفرق فى السعر عن الصينى بكتيييير

**Atrees** · 15-04-2011 10:36 PM

المشاركة الأصلية كتبت بواسطة vtec

كلم توكيل فيليبس يا باشا
حتلاقى عندهم 4300 فيليبس حاجه نضيفه بس حتفرق فى السعر عن الصينى بكتيييير

نمرته كام يا باشا - ودة للزينون ؟؟؟؟

اصل انا اول مرة اتعامل مع التكتنولوجيا :)

**Ahmed R08** · 15-04-2011 11:36 PM

المشاركة الأصلية كتبت بواسطة mshawky

لو ليك حد بره ممكن ابعتلك اللنك على الخاص انا جيب زينون يابانى اصلى من امريكا لانه بينزل للسوق الامريكى بس جبته لحسام اوبتراوى وروحنا استلمناه من dhl سوا اساله على الزينون ده عامل ازاى وكان 6000 وحاجه ملهاش حل المهم لو ليك حد بره يجبهولك انا ممكن ابعتلك اللنك لو عايز لانى مشغول فى حوارات تانيه ومش بستورد دلوقتى اكسيسوريس خالص الفتره ديه

طيب بعد اذن حضرتك ممكن تقولى على اللينك
انا نفسى فى زينون محترم وليا صديق عايش فى امريكا

**VTEC** · 16-04-2011 01:23 AM

المشاركة الأصلية كتبت بواسطة atrees

نمرته كام يا باشا - ودة للزينون ؟؟؟؟

اصل انا اول مرة اتعامل مع التكتنولوجيا :)

22870845
22742770

دول نمر التوكيل بتاع فيلبس (هاشم باص) وده الزينون طبعاً

**EZABY** · 16-04-2011 05:25 PM

عتريس باشا
الزينون الأصفر 4300 ده احسن زينون من كذا ناحيه زي مانت قلت بالظبط
أشيك وخصوصا مع العربيات اللي لونها فاتح
بيفرش احسن وفي نفس الوقت مش مؤذي لعين اللي مقابلك زي الـ6000 والـ8000

بالنسبه لموضوع صيني وضمان سنه الصيني حضرتك مليون فئه مختلفه في الجوده لنفس المنتج من نفس المصنع فهنا الضمان يفرق فعلا لأن الضمان ده ضمان من المستورد او المحل اللي بيبعلك ولو عارف انه جايب حاجه تعبانه مش هيدخل نفسه في حوارات ومشاكل مع الناس
فانا رائي لو المحل محترم ومتجرب وقاللك ضمان سنه يبقى اتكل على الله وركب عنده

بالنسبه للتركيب كله فيش وده الطبيعي مفيش زينون محتاج قطع وتوصيل في الضفيره والكلام ده كله فيش والموضوع بسيط جدا وانا مركبه بنفسي مرتين

بالنسبه لموضوع ان في حاجات بتهيس في السيراتو زي الـusb فده مقدرش افيدك فيه بصراحه

الزينون اللي عندي فيليبس اللي مستورده الوهاب بتاع الأوتوبيسات اللي في 6 أكتوبر وهو من الأخر صيني بس شغال زي الفل الحمد لله بقاله عندي سنتين ونص وكنت واخده مستعمل من عربية عضو هنا في المنتدى ولسه شغال زي الفل

الموضوع: عتريس يريد تركيب الزينون ---- الافادة مطلوبة

LinkBack

أدوات الموضوع

عرض

عتريس يريد تركيب الزينون ---- الافادة مطلوبة - انشر الموضوع فى :

-

-

-

-

المواضيع المتشابهه

كيف يتم تركيب الزينون في السيراتو

عتريس يريد تركيب الانذار - بمناسبة المظاهرات الفئوية

تركيب كتاوت مع الزينون......!!!!

تنبيه لكل من يريد شراء شبيه الزينون...!

ارجو الافادة بخصوص الزينون

الكلمات الدلالية لهذا الموضوع

المفضلات

المفضلات

ضوابط المشاركة