عرض للطباعة
السلام عليكم.
أنا عضو جديد معاكو و بصراحة مبسوط بروح المجموعة الجميلة دي.
ممكن ترشحولي عربية تناسب استخدامي؟
انا باسافر 160 كيلو 3 مرات في الأسبوع. و بالمشاوير الطارءة باعمل حوالي3000 كيلو في الشهر.
نفسي في عربية فيها تكييف (و ياريت باور) وقطع غيارها مش غالية و تكون ما بتسخنش.
وكل اللي معايا 30الف!!
ينفع ولا الكلام ده احلام؟و لو لازم أزود يبقي أزود كام؟
أفيدوني أفادكم الله.
ممكن سكودا فليشيا بس في حدود 35000 هتبقي موديل 95 او 96
و ربنا يوفقك
ممكن حاجة تانية غشان اخويا قاللي بتسخن؟ (كانت معاه سنة)
هو الموضوع محير فعلا والاختيارات قليلق جدا
ممكن لو هتزود شوية وتشوف بولو أو ابيزا 94
جزيل الشكر ليكم جميعا.
ممكن لو حد عنده حاجة بيبيعها او يعرف حد بيبيع يقوللي عليه؟
ممكن سويفت بس في حدود 35 الف فيها كل اللي عاوزه بس من غير باور لكن دريكسيونها حلو.
او ممكن ريجاتا برضه كويسه في نفس الحدود اللي بتتكلم فيها.
لكن بشرط الحاااله السليمه بالنسبه للعربيتين لانها لو نص نص حتقرفك
حاول توصل ل 34
وتشوف هيونداى اكسيل 94 كورى كاملة تعملها من 33 الى 35 حالات كويسة .
بيهتيألى انسب حاجه لحضرتك
ال FIAT UNO
هتلاقيها فى نفس الرينج دا
وبتستحمل وقطع غيارها متوفره ورخيصه
والله اعلم
ممكن لانسر صفيه موديل 88 _ 92
uno او ريجاتا
100000000000000000%اقتباس:
المشاركة الأصلية كتبت بواسطة FLYINGPEUGEOT
الف شكر يا رجالة. بصراحة انا ما فكرتش في Uno خالص لكن مادامت طلعت بتستحمل كده تبقى هى الحل.
ألف ألف شكر للرأى و التعاون
بس يا جماعة هي الاونو اللي بموتور 1000 سي سي بيبقي فيها تكييف ؟
انا راى خليك فى النوفا ريجاتا عن تجربة لان فى السفر و السرعات العربيات ذات السعة اللترية الكبيرة افضل بالاضافة ان دريكسيونها هاف باور و بها تكييف جيد.
تسلمولى واحد واحد. ربنا يبارك فيكم. ممكن بقى اعرف نوفا ريجاتا تبقى موديل كام عشان افرق بينها و بين الريجاتا العادية؟
النوفا ريجاتا ابتداء من 1987 و بتختلف فى الشكل الخارجى فى مقابض الابواب و المرايات والاكسدامات يوجد بها شريط من النيكل
https://www.nilemotors.net/Nile/21367-a.html
شوف اللينك دى
شكرا لكل الردود. الحمد لله رينج الفلوس ارتفع شوية و جاري البحث عن لانوس 99 او اكسنت 1500