انا عايز اشتري عربيه بـ 70 ألف و مهدفع مقدم ان شاء الله 2خ ألف عايزكوا تساعدوني و تدلوني على معارض و بنوك ممكن تمشي معايا بالرينج ده و كمان عايز اسأل على نظام دفع القسط سنوي ياعني ادفع كل سنه مش كل شهرالي عنده فكره ممكن الاقي الحاجات دي كلها متوفره في انهي بنك و انهي معرض ياريت تدلوني لإني عايز اشتريها قريب جدا و ياريت يكون الأماكن دي في الدقهليه او طنطا او دمياط ولو في اماكن تانيه ارجو برضوا انكم تقولولي عليها و شكرا
للاسف موضوع الدفع ده لازم يكون شهري في جميع البنوم لان لازم تكون في علاقه بين العميل والبنك شهريا حتى يقيس حجم التعامل ومدى الالتزام لانه بياخد اجراء قانوني ازا تاخر العميل لمده 3 شهور
طيب دلوقت حضرتك انا شغال فى شركة قطاع خاص ومفيش علاقة ليا بالحكومى ومفردات مرتبى كلها شغل خاص ليس لختم النسر او الحكومة اى تدخل فيها .. هل ممكن اشترى عربية تقسيط من كونتاكت كارز او ابو ظبى الاسلامى بضمان مرتبى فقط ؟؟ ارجو الافادة مع العلم انى عاوز عربية m11 وهى سعرها حوالى 72 الف ومعايا مقدم من 20 ل 25 الف على 60 شهر يبقى هتعامل ازاى شهريا ؟؟ ووجزاكم الله خيرا
كونتكت عامة من أتعس الشركات وأصعبها في طلب التقسيط ونصيحة لوجه الله تعالى أنا معايه 3 عربيات قسط ولفيت كل بنوك القسط والشركات التي تدعي أنها إسلامية وإكتشفت إن أحسن بنك في التقسيط وناس محترمة هو بنك عودة بمقدم 40 % وبعديه على طول بنك بلوم بمقدم 50% بالنسبة ل m11 عربية كويسة طبعا بس لسه قليلة في السوق بس أنا ركبتها ومنزلش منها أوتوماتيك خالص ونرجع لموضوع القسط قمينفعش غير شهري وممكن تتأخر بكبيرك شهرين أو تلاتة عالبنك نيجي لموضوع شركتك لازم شركتك تديلك إش آر يعني مفردات مرتب متقلش مثلا عن 3500 جنيه شهريا وأهم حاجة يكون وصل النور بتاع بيتكم تمليك بالنسبة لكونتكت بالنسبة لعودة وبلوم ممكن إيجار قديم أو جديد بس لازم بقالكم فترة هناك ساكنين وبالنسبة للفايدة يا صاحبي فهي تتراوح في البنوك كلها من 8% إلى 11% في بعض البنوك بس إنت تخليك في رينح ال 9.5% سنويا يعني المقدم في عربيتك اللي إنت طالبها ميقلش لازم عن 30 ألف في بنك عودة وعن 35 ألف في بنك بلوم وبعد كده المبلغ الباقي تضرب الفايدة السنوية في عدد السنين والمبلغ الناتج تضربو بالمبلغ اللي فاضل عليك من تمن العربية الأساسي حيطلع رقم تروح مقسمو على عدد الشهور اللي إنت قررت تقسط عليها وعند الإستلام حتدقع تأمين تقريبا 1900 جنيه وبعد كده حترخص حسبة 800 جنيه
وقسطك تقريبا 900 جنيه شهريا وربنا يسهلهالك يا راجل يا طيب
ونصيحة من خبير تقسيط في مصر خد عربية كسر زيرو عليها أقساط للبنك ممكن توفر في جيبك من 10 إلى 15 ألف من ثمن العربية وحسب العربية وربنا يسهلها على الجميع نزل إعلاناتك بالطريقة دي ولو منجحتش نزل مرتين تلاتة بالوسيط لو ربنا موفقكش على طول إتجه للبنوك ومن تجربتي بالنسبة لك إنسى كونتكت أو الشركة الدولية أو عبد اللطيف جميل وكل الشركات الإسلامية آه وإفتكرت هناك تقسيط مباشر من المعارض بس بيبقه 15% سنويا وأقصاه لمدة 30 شهر عند أبو حته تقريبا وبيقسط حتى ميكروباص تويوتا أرجو كده أكون نفعت الأخوة الأعضاء الجداد في موضوع القسط وأجري على الله والسلام ختام .
أنت راجل محترم....شكرا على نقل تجربتكاقتباس:
المشاركة الأصلية كتبت بواسطة saddam