سيريون مو 2000 ولا هيونداى اكسيل

**moh81** · 16-04-2011 01:21 AM

بسم الله الرحمن الرحمن
السلام عليكم و رحمه الله و بركاته

عايز أسألكم سؤال و يا ريت الخبراء يساعدونى
انا عايز اجيب عربيه فى حدود 35 ألف جنيه .. و و دلوقتى معروض عليا عربيتين
1- دايهاتسو سيريون موديل 2000 ..مانيوال- 1000 سى سى ,, 130 ألف كم .. تكييف -باور - فابريكه -فرشها ممتاز كأنها زيرو .. إستعمال ربه منزل
بسعر 34 ألف جنيه
2- هيونداى إكسل موديل 1998 ..مانيوال- 1500 سى سى ..تكييف - باور - زجاج كهرباء .. بسعر 33 ألف جنيه

إنتوا إيه رأيكم .. بين الإثنين دول .. و إيه مميزتهم .. و عيوبهم .. مع العلم .. إنى عايزها معايا 3 سنين على الأقل قبل ما افكر ابيعها

و شكرا مقدما ليكم جميعا

**أبو عبدالله** · 16-04-2011 03:58 PM

الأكسل عربية سوق يعني قطع غيار وبيع وشراء كويسه جدا
بس المهم حالتها لأنك ممكن تجيبها وتصرف عليها كتير المهم الحالة ومشكلة العربيات السوق في الموديلات القديمة انها هتلاقيها اتهانت كتير جدا ده الغالب يعني

السيريون قطع غيارها مش متوفره في كل حته عند بتوع قطع الغيار الدايهاتسو فقط زي اوشين في الحرفيين وغيره
قطع غيارها هتلاقيها اغلى اكيد من الأكسيل بس معمره يعني العربيه لو حالتها كويسه او هتغيرلها انت قطع غيار مش هتحتاج تغير تاني الا بعد فتره كبيره

والامر يرجع لك انصحك بكثرة الأستخارة لكي ترزق الخير ان شاء الله
ونصيحة في المستعمل اهم حاجه الحالة .............. يعني المهم الحالة علشان متصرفشي كتير في العربيه