صوت خروشة بيروح لما أدوس دبرياش !!

عندى صوت خروشة عامل زى حاجات بتخبط فى بعضها .. لما بدوس دبرياش الصوت يروح


الميكانيكى قالى زيت الجيربوكس روحت زودته كان ناقص لتر تقريبآ الصوت راح تمامآ اول يومين بعد كدة ابتدى يرجع تانى لنفس المستوى تدريجيا خلال اسبوع او 10 ايام


وانا لسة عامل عمرة يعنى ظابط الماتور من جوة و مغير طقم الدبرياش (اسطوانة و دسك و بلية) و الصوت بعد العمرة سعات بيكون قلييل خالص و سعات بيكون موجود عادى

وبالنسبة لاداء الفتيس: فيه عضة فى الاول و الثانى (لما اجى اجبهم العصاية بتاعت الفتيس تيجى عند نص المسافة و تروح يمين شوية فاضطر اجبها تانى شمال و اكمل حركة الغيار)


المشكلة كدة من ايه ؟؟ هل ممكن يكون فيه تسريب للزيت ده مثلا بس مفيش اثر لزيت تحت العربية !!

ولا ممكن تكون مشكلة غوايش او اى حاجة جوة او كله عايز يتغير ...... علما بانى معنديش خبرة فى التعامل مع الفتيس لان ديه اول مشكلة لية معاه ..


وشكــــرآ

السلام عليكم , ازيك يا باشا
انا كان عندي حاجة شبة كدة برضة بس في عربيتي الفيورا و كانت بسبب نقص الزيت من الجيربوكس
و مكنش بيبان الزيت تحت العربية الا في الاول , يعني لما ببقي لسة مزود زيت
و بعد مايفضي لمستوي معين جوة الجيربوكس , الاقي الصوت عالي بس مافيش حاجة تحت العربية ,
حاول تبص عليها و انت لسة مزود الزيت في الجيربوكس ,انا كنت بنزل جنب عامل البنزينة و هو بيزود الزيت لغاية ما اكتشفت الموضوع دة و شفتة بينقط من الاورسيل الداخلي و هو لسة مليان في الاول .
و موضوع عضة الفتيس ممكن يكون بسبب مشوار الدبرياج عايز يتظبط ,ساعات الكبل بيريح و بيحتاج يتشد تاني من فترة للتانية .
دي معلوماتي المتواضعة بخصوص الموضوع دة ايام الفيورا , بانتظار رد خبراء المنتدي لأني عايز اعرف برضة الحل النهائي علشان ناوي علي فيليشيا ان شاء الله .

انا متابع معاك استاذ احمد
حضرتك لما بدوس دبرياج بيكون على انى وضع
الوضع الاول لما بتكون العربيه بدون حركه و الموتور شغال على السلانسيه بيبقى موجود الصوت ولما بدوس دبرياج الصوت بيروح من غير ماتمد ايدك على الفتيس و العربيه واقفه فى مكانها

الوضع الثانى لما بتكون العربيه شغاله وتيجى تدوس على الدبرياج وتيدى الغيار الاول الصوت بيروح
ممكن حضرتك توضح بالظبط علشان اقدر افيدك لانى انتا عارف حضرتك احنا بنحلل على الكلام و قلى بنقراه
لانى عاوز اعرف الصوت ده من الموتور وله من مجموعة الجر قلى هى الدبرياج و البليه و الديسك و له من الفتيس
فايريت حضرتك توضح الجزئيه بتاعتى
متابع معاك باهتمام زى موعد حضرتك

اقتباس:

---

المشاركة الأصلية كتبت بواسطة typhoon_gr9

السلام عليكم , ازيك يا باشا
انا كان عندي حاجة شبة كدة برضة بس في عربيتي الفيورا و كانت بسبب نقص الزيت من الجيربوكس
و مكنش بيبان الزيت تحت العربية الا في الاول , يعني لما ببقي لسة مزود زيت
و بعد مايفضي لمستوي معين جوة الجيربوكس , الاقي الصوت عالي بس مافيش حاجة تحت العربية ,
حاول تبص عليها و انت لسة مزود الزيت في الجيربوكس ,انا كنت بنزل جنب عامل البنزينة و هو بيزود الزيت لغاية ما اكتشفت الموضوع دة و شفتة بينقط من الاورسيل الداخلي و هو لسة مليان في الاول .
و موضوع عضة الفتيس ممكن يكون بسبب مشوار الدبرياج عايز يتظبط ,ساعات الكبل بيريح و بيحتاج يتشد تاني من فترة للتانية .
دي معلوماتي المتواضعة بخصوص الموضوع دة ايام الفيورا , بانتظار رد خبراء المنتدي لأني عايز اعرف برضة الحل النهائي علشان ناوي علي فيليشيا ان شاء الله .

---

معلش يعنى ايه مكنش بيبان الزيت تحت العربية الا فى الاول ؟؟ ويا ريت توضح اكتر معلش موضوع بيبان امتى و امتى لأ و الاورسيل الداخلى ؟

وشكرا ليك يا باشا

اقتباس:

---

المشاركة الأصلية كتبت بواسطة engahmedsayed

لما بدوس دبرياج بيكون على انى وضع
الوضع الاول لما بتكون العربيه بدون حركه و الموتور شغال على السلانسيه بيبقى موجود الصوت ولما بدوس دبرياج الصوت بيروح من غير ماتمد ايدك على الفتيس و العربيه واقفه فى مكانها

الوضع الثانى لما بتكون العربيه شغاله وتيجى تدوس على الدبرياج وتيدى الغيار الاول الصوت بيروح

---

فى الوضعين لما ببقى واقف ممور و ادوس دبرياش يروح الصوت و لما ببقى ماشى على السلانسية بيبقى الصوت مش عالى وبيروح لما ادوس دبرياش و بحس بيه فى المطبات اكتر علشان ببقى مهدى جامد

وشكرا على اهتمامك بالموضوع

اقتباس:

---

المشاركة الأصلية كتبت بواسطة a_hmed

معلش يعنى ايه مكنش بيبان الزيت تحت العربية الا فى الاول ؟؟ ويا ريت توضح اكتر معلش موضوع بيبان امتى و امتى لأ و الاورسيل الداخلى ؟

وشكرا ليك يا باشا

---

انا لسة ماجبتش الفيليشيا علشان كدة مش عارف هيا زي الفيورا ولا لأ ,
انا اللي اقصدة ان لو انا لسة مزود زيت الجيربوكس و مالية علي اخرة لما بمشي بالعربية ضغط الزيت بيعلي جوة الجيربوكس و الاورسيل الداخلي بتاع الجيربوكس مكنش محكم علي الاكس اللي طالع للكوبلن فالبتالي كانت بتنطر الزيت (الاورسيل الداخلي للجيربوكس هو الكاوتشة اللي مغطية الاكس اللي طالع من الجيربوكس وواصلة للكوبلن)
بعد فترة لما مستوي الزيت بيقل جوة الجيربوكس لأن اللي وقع منة كتير , مكنتش بلاقي زيت تحت العربية بس صوت الجيربوكس بيعلي
و برضة انا غيرت غويشة جيربوكس قبل كدة بسبب صوت خروشة و عضة في النقل علي التاني , و بعدها بفترة رجعت الخروشة علشان مشوار الكبل بتاع الدبرياج عايز يتظبط لأن الصامولة بتاعت الكبل كانت ريحت شوية و كان لازم ادوس بالجامد علي الدبرياج علشان صوت الخروشة يروح و انقل من غير عض في الفتيس
فالموضوع ممكن يكون حاجة من دول علي حسب خبرتي المتواضعة
اعتقد ان المهندس احمد السيد ممكن يفيدك اكتر مني في الموضوع دة .

انا كان عندى الصوت دا فى الاكسنت ومهما تغير ديسك وبلية مش هيروح لان الصوت دا جوه علبة التروس نفسها ومابيروحش الا لما تعمل عمرة للفتيس وتغير الاجزار اللى تأكلت نتيجة نقص الزيت ودا طبيعى فى المانيوال عموما المهم الزيت لما بينقص بتلاقى منشع على الموتشة بتاعة الكوبلن الداخلى مش هتلاقية ينزل على الارض لانه هو زيت تقيل هتلاقيه حوالين الكوبلن او الاويل سيل بتاع الكوبلن بايظ

على يدىىىىىىىى الحوار دا حصل معايا بالتفصيل المملل

بص يا زعيم انا حشرح لك الى كان عندى ولو زيك اعمل زى ما عملت

صوت الغروشه دا اول ما تدور العربية وهى بارده تسمع شخششخشخشخ اول ما تدوس دبرياج يروح تسيب يرجع

العربيه تمشى عشرا كيلو وتسخن وتبقى حلاوه يروح الصوت سواء سايب او دايس دبرياج

بص يا حبى نزل زيت الفتيس كله لو هو 140 وحط زيت 90 وحط على الاخرررررررررررر متسبش ولا لتر ناقص ومش حتسمع حاجه

لانى عملت كده وراح والحمد لله

اقولك بالمره ليه حصل كده اساسا

لان زيت 140 تقيل شويه عبال ما يسخن ويمشى فى الفتيس ويشحم البليه بياخد وقت علشان كده وهى بارده تسمع الصوت لانها مش متزيته لان الزيت لسه ماسك اما ال90 مش بياخد وقت وبيزيت بسرعه ومش تقيل

كان عندى نفس المشكلة فى السويفت .. و كنت أغير زيت الفتيس المشكلة تروح يومين و بعدين ترجع تانى .. و فى الاخر بعت العربية على كدة.

اقتباس:

---

المشاركة الأصلية كتبت بواسطة typhoon_gr9

انا لسة ماجبتش الفيليشيا علشان كدة مش عارف هيا زي الفيورا ولا لأ ,
انا اللي اقصدة ان لو انا لسة مزود زيت الجيربوكس و مالية علي اخرة لما بمشي بالعربية ضغط الزيت بيعلي جوة الجيربوكس و الاورسيل الداخلي بتاع الجيربوكس مكنش محكم علي الاكس اللي طالع للكوبلن فالبتالي كانت بتنطر الزيت (الاورسيل الداخلي للجيربوكس هو الكاوتشة اللي مغطية الاكس اللي طالع من الجيربوكس وواصلة للكوبلن)
بعد فترة لما مستوي الزيت بيقل جوة الجيربوكس لأن اللي وقع منة كتير , مكنتش بلاقي زيت تحت العربية بس صوت الجيربوكس بيعلي
و برضة انا غيرت غويشة جيربوكس قبل كدة بسبب صوت خروشة و عضة في النقل علي التاني , و بعدها بفترة رجعت الخروشة علشان مشوار الكبل بتاع الدبرياج عايز يتظبط لأن الصامولة بتاعت الكبل كانت ريحت شوية و كان لازم ادوس بالجامد علي الدبرياج علشان صوت الخروشة يروح و انقل من غير عض في الفتيس
فالموضوع ممكن يكون حاجة من دول علي حسب خبرتي المتواضعة
اعتقد ان المهندس احمد السيد ممكن يفيدك اكتر مني في الموضوع دة .

---

تمام يا باشا شكرا على التوضيح

ان شاء الله لما اجى اعمل الموضوع ده

هبص على الكاوتشة ديه علشان حاسس انه موضوع بسيط ميستحقش عمرة فتيس و فكه

اقتباس:

---

المشاركة الأصلية كتبت بواسطة ruicosta

انا كان عندى الصوت دا فى الاكسنت ومهما تغير ديسك وبلية مش هيروح لان الصوت دا جوه علبة التروس نفسها ومابيروحش الا لما تعمل عمرة للفتيس وتغير الاجزار اللى تأكلت نتيجة نقص الزيت ودا طبيعى فى المانيوال عموما المهم الزيت لما بينقص بتلاقى منشع على الموتشة بتاعة الكوبلن الداخلى مش هتلاقية ينزل على الارض لانه هو زيت تقيل هتلاقيه حوالين الكوبلن او الاويل سيل بتاع الكوبلن بايظ

---

شكرا يا باشا على اهتمامك و التوضيح :)

اقتباس:

---

المشاركة الأصلية كتبت بواسطة abo_marem

على يدىىىىىىىى الحوار دا حصل معايا بالتفصيل المملل

بص يا زعيم انا حشرح لك الى كان عندى ولو زيك اعمل زى ما عملت

صوت الغروشه دا اول ما تدور العربية وهى بارده تسمع شخششخشخشخ اول ما تدوس دبرياج يروح تسيب يرجع

العربيه تمشى عشرا كيلو وتسخن وتبقى حلاوه يروح الصوت سواء سايب او دايس دبرياج

بص يا حبى نزل زيت الفتيس كله لو هو 140 وحط زيت 90 وحط على الاخرررررررررررر متسبش ولا لتر ناقص ومش حتسمع حاجه

لانى عملت كده وراح والحمد لله

اقولك بالمره ليه حصل كده اساسا

لان زيت 140 تقيل شويه عبال ما يسخن ويمشى فى الفتيس ويشحم البليه بياخد وقت علشان كده وهى بارده تسمع الصوت لانها مش متزيته لان الزيت لسه ماسك اما ال90 مش بياخد وقت وبيزيت بسرعه ومش تقيل

---

هو نفس ذات الموضوع بالميلى و ان شاء الله هجرب الموضوع ده و شكرا ليك

بس انت لما حطيت ال 90 الصوت رراح خالص ولا رجع بعديين ؟؟

اقتباس:

---

المشاركة الأصلية كتبت بواسطة kareemz

كان عندى نفس المشكلة فى السويفت .. و كنت أغير زيت الفتيس المشكلة تروح يومين و بعدين ترجع تانى .. و فى الاخر بعت العربية على كدة.

---

هههههههههههه انت اخترت اسهل حل :)

الصوت راح ولحد الان مرجعش بس بقى فى صوت بسيط اوى لمدة دقيقتين بس اول ما ادور وغالبا هو الدقيقتين دول الى بيزيت الزيت فيهم

جرب مش حتخسر حاجه غير بتاع حاجه وستين جنيه
بدل ما تعمر عمره وتفك وتدفع اضعفهم

اشترى زيت اسوو 90 بتاع التروس وروح للميكنيكى بتاعك وقول له نزل الزيت الى فى الفتيس كله وحط ليا الزيت دا

الاعراض ده تتشابه مع بعضها

لكن الاكيد ان ده صوت بلية الدبرياج

هتحتاج تغيير

خلى بالك ماتحطش زيت بزيادة لانة هيعمل مشاكل وهيضربلك الاويل سيل بتاع الكوبلن انا كنت بعانى من الموضوع دا بس زى ما قال اخونا حط زيت 90 بتاع شيل دا تحفة وحطوه وانت فى بنزينة شيل وهما هيظبطلك المقاس والعضة اللى فى الغيارات دى هتروح وهتلاقى الفتيس والنقلات انعم

بلية عمود الدريك عايزه تتغير ( داخل الفتيس )
مفيش منها مشكله لو مغيرتهاش

اقتباس:

---

المشاركة الأصلية كتبت بواسطة abo_marem

الصوت راح ولحد الان مرجعش بس بقى فى صوت بسيط اوى لمدة دقيقتين بس اول ما ادور وغالبا هو الدقيقتين دول الى بيزيت الزيت فيهم

جرب مش حتخسر حاجه غير بتاع حاجه وستين جنيه
بدل ما تعمر عمره وتفك وتدفع اضعفهم

اشترى زيت اسوو 90 بتاع التروس وروح للميكنيكى بتاعك وقول له نزل الزيت الى فى الفتيس كله وحط ليا الزيت دا

---

تماام هو الى هحتاج اعمله 2 لتر زيت تقريبآ و اورسيل الفتيس الى واصل بأكس الكوبلن صح كدة ؟؟

شكـــــرآ يا جماعة على الردود

اقتباس:

---

المشاركة الأصلية كتبت بواسطة ahmed_h_g

بلية عمود الدريك عايزه تتغير ( داخل الفتيس )
مفيش منها مشكله لو مغيرتهاش

---

قصدك ديه الى عاملة الصوت و لا العضة و لو مغيرتهاش هتفضل مشكلتها حتر بعد مأحط زيت ؟