الموضوع: محتاج ميكانيكى كويس وعايز رأيكم معايا

ياجماعة الصراحة انا زهقت من العربية بقالى زيادة عن 9شهور بعانى من الاويسيلات الكامة والبلوك
مغيرهم اكتر 4مرات بالظبط .
مرة اجيبهم ايطالى ومرة اروح مركز خدمة لدايو واجيب الاويسيلات بتوع العربية الكورى الاصلى ....... وبردو مفيش فايدة فترة واجى اكشف على الزيت الاقية نقص اروح ارفع العربية فى البنزينة وانا بغسلها القيها جايبة زيت من منطقة تحت حافظة زيت الكاتينة تحت الاويسلات وعلى الحال دة لحد ما زهقت .
انبارح كنت بغسل العربية لقيت الدنيا تحت كلها زيت واللى غطى وزاد لقيت زيت تحت الغطا بتاع المتور من عند جوان التكيهات .
مش عارف بقى العيب من الميكانيكى اللى بيغير الاويسلات ولا العيب من الاويسلات اللى بجيبها ولا العيب من المكنة نفسها ........ انا من كتر ما سعات الزيت بينقص وانا مش واخد بالى واروح اغيرة او ازودة بقيت اسمع صوت تكتكة وانا ماشى اشبة بصوت التكيهات مش دايما بسمعة بس موجود النهاردة بقى لما زلت للعربية اخويا دور وانا كنت بمسح العربية لقيت دخنة دقايق وراحت لونها ابيض يا ازرق مقدرتش احدد اوى ... خليتة يمشى وتابعت العادم مفيش دخنة ركبت عربيت صحبى ومشيتة قدامى بالعربية ملقتش دخنة مع المشى ..
ياترى اية اللى حصل قلة الزيت قصرت بالسلب على اية واية اللى ممكن يكون فى المكنة مش عارف وخلاص قفلت من العربية .

ياريت الاخوة من الاسكندرية يدلونى على ميكانيكى كويس وامين عشان انا فقدت الثقة فى الميكانيكى بتاعى وحاسس انة بدأ يخرف من ساعة ما عمل فيها بية وبقى يشغل الصنايعية اللى عندة اعملوة كدة وكدة وبعدين يبقى يتابع الشغلانة .... انا ساكن فى سيدى بشر عايز حد قريب منى عشان ضيق الوقت بس .
واسف على الاطالة وربنا يعمل اللى فية الخير .... اخوكم سامع