حادثة بالأمس فى سوق السيارات_وتحذير مهم جدا جدا لكل مالكى ”الماروتى”

إمبارح كنت فى السوق انا وصاحبى انا بدور ليا__وكان هو بيبيع ماروتى 2007_وجينا مروحين وقدام بنزينة كارجاس_بنت راكبة بيكانتو سودا_فى الشمال وصاحبى فى اليمين_راحت رامية عليه جاااامد_كان قدامن على بعد 30 متر عربية صف تانى_نيسان صنى 84 تقريبا_هو داس فرامل _والعربية كلبشت وزحفت ومش راضيتة تقف!_زحفت 20 متر!_ورزعت جاااامد فى الصنى_والخسائر فى الماروتى_كانت فانوسين_وشبكة_وكابوت إترفع_وإكصدام إتبهدل_ورفرف شمال إتعجن_والصدر بالشنب إتكبس_ومش عايزة تدور كمان_ومروحة الريدياتير مش بتلف_ربطناها فى إكصدام نص نقل_وشديناها جامد_الصدر إتعدل هو والشنب_والمروحة إشتغلت_وكان فى فيوز إتحرق_غيرناه_ودارت_وأخدتة عندى على أحمد حلمى_إشترينا الحاجة_ووديتها لسمكرى معرفة_وربنا يسهل بقى_نصيحتى لكل مالك ماروتى_ماتجريش بيها لأن العربية وزنها خفيف جدا جدا_وبتزحف_ولازم تجنطها 13 وكاوتش اعرض_هاتفرق كتير_لكن كدة غلط جدا__وربنا يستر على الجميع

السلام عليكم و رحمة الله
حمدا لله علي السلامه
و قدر الله و ما شاء فعل
هو حضراتكم بتجروا و لا علي سرعه عاديه

كان ماشى حوالى 60-70 كيلو_وكان لسة بينقل من التانى لل3 !

حمدلله ع السلامة ..

حمد الله عل السلامة

اقتباس:

---

المشاركة الأصلية كتبت بواسطة nistelrooy

حمدلله ع السلامة ..

---

الله ياسلمك ياباشا_وربنا يستر طريقك

اقتباس:

---

المشاركة الأصلية كتبت بواسطة bishoo33

حمد الله عل السلامة

---

ربنا يخليك يا باشا ويستر طريقك

اقتباس:

---

المشاركة الأصلية كتبت بواسطة i_am_legend

كان ماشى حوالى 60-70 كيلو_وكان لسة بينقل من التانى لل3 !

---

قدر الله و ما شاء فعل
و حاولو تحسنوا من أداي الفرامل في العربيه دي بأي شكل

حمدلله علي سلامتك يا باشا

وفي المواقف اللي زي كدا

اضرب فرامل وسيب واضرب تاني

بس بسرعة هتلاقيها وقفت احسن ان شاء الله
وربنا يعوضكم خير عن الخساير

الف حمد لله على سلامتكم

العربية إتعملت يا جماعة_وإتكلفت 500 بقطع الغيار

واحد صاحبى كان جايبها زيرو بعد شهرين اتقلبت بيه بسبب طوبه على الطريق وهو مسافر والتأمين اخدها توتال لوس

العربيه فعلا خفييييييييفه جدااااااااااااااا

وكان فيه اخ فى المنتدى هنا قبل كده برضه قال انها اتقلبت بيه وكان راكب معاه ناس

قدر الله وما شاء فعل

حمدا لله علي سلامتكم

اقتباس:

---

المشاركة الأصلية كتبت بواسطة i_am_legend

إمبارح كنت فى السوق انا وصاحبى انا بدور ليا__وكان هو بيبيع ماروتى

---

انت بعت عربيتك ولا ايه؟

بس كدا لو العربية ماشية على 60-70 و تفرمل تزحف 20 متر يبقى فرامل العربية فيها حاجة أو الأرض كان فيها رمل مثلا

اقتباس:

---

المشاركة الأصلية كتبت بواسطة kareemz

انت بعت عربيتك ولا ايه؟

---

أه يا كيمو انا بعتها من اسبوع كدة_وصدقنى زعلان جدا عليها

اقتباس:

---

المشاركة الأصلية كتبت بواسطة أبومريم

بس كدا لو العربية ماشية على 60-70 و تفرمل تزحف 20 متر يبقى فرامل العربية فيها حاجة أو الأرض كان فيها رمل مثلا

---

ربنا يخليك يا ابو مريم وشكرا لسؤالك عليا_بس علشااان خاطرى الماروتى اللى عندك جنطها 13_وحياة مريم ياشيخ_يا إما تبيعها _انا سقت الماروتى ساعتين_عايز اقولك عربيتى التوب بالنسبة لها افضل من كل النواحى_ثبات_وفرامل _بس السحب لصالح ماروتى طبعا_وأتمنى اشوفك على خير إن شاء الله

اقتباس:

---

المشاركة الأصلية كتبت بواسطة karim_mohy

حمدا لله علي سلامتكم

---

تسلم ياكريم_وربنا يستر طريقك

اقتباس:

---

المشاركة الأصلية كتبت بواسطة د.محمود صلاح

قدر الله وما شاء فعل

---

ربنا يخليك يادكتور محمود_وربنا يستر طريقك

اقتباس:

---

المشاركة الأصلية كتبت بواسطة misoalex

واحد صاحبى كان جايبها زيرو بعد شهرين اتقلبت بيه بسبب طوبه على الطريق وهو مسافر والتأمين اخدها توتال لوس

العربيه فعلا خفييييييييفه جدااااااااااااااا

وكان فيه اخ فى المنتدى هنا قبل كده برضه قال انها اتقلبت بيه وكان راكب معاه ناس

---

اقتباس:

---

المشاركة الأصلية كتبت بواسطة i_am_legend

ربنا يخليك يا ابو مريم وشكرا لسؤالك عليا_بس علشااان خاطرى الماروتى اللى عندك جنطها 13_وحياة مريم ياشيخ_يا إما تبيعها _انا سقت الماروتى ساعتين_عايز اقولك عربيتى التوب بالنسبة لها افضل من كل النواحى_ثبات_وفرامل _بس السحب لصالح ماروتى طبعا_وأتمنى اشوفك على خير إن شاء الله

---

هي عموما العربية بتاعة اختي بس انا بركبها اكتر منها و العربية فلا خفييييفة جدا وربنا يسترها معانا جميعاً والحمد لله على سلامتكم

خمد الله على سلامتكم
بس للدرجه دى 60-70 سرعه تعمل كل ده

السلام عليكم
الحمد لله قدر الله وماشاء فعل الحمد لله لم يحدث خسائر فى الارواح

المهم حمدلله علي السلامة وربنا يستر طريقنا جميعا

انا مش مقتنع باللي حصل لان باختصار العربيه معانا وعمرها ما عملت حاجه كده خالص
ياترى هوه عامل كام كيلو واخبار تيل الفرامل عنده ايه؟؟؟


تحياتي

اقتباس:

---

المشاركة الأصلية كتبت بواسطة hm414

انا مش مقتنع باللي حصل لان باختصار العربيه معانا وعمرها ما عملت حاجه كده خالص
ياترى هوه عامل كام كيلو واخبار تيل الفرامل عنده ايه؟؟؟


تحياتي

---

حضرتك انا مش هاكدب يعنى_والعربية عاملة 46 الف كيلو_والتيل كويس جدا_لان العربية قفشت ال4 عجلات_ووقفت فى خط مستقيم_وفرامل ورا ممتازة_لان العربية مستحيل تتحرك وهى مشدودة_لأنا سقتها بنفسى بعد الحادثة_وانا بركن جربت فرامل اليد_وقفشت جاااامد_ومن غير ما أشدها للآآخر_العربية خفيفة_وانا نقلت التجربة دى لأنى خايف على ركابها منها_ مش أكتر

اقتباس:

---

المشاركة الأصلية كتبت بواسطة gade2

خمد الله على سلامتكم
بس للدرجه دى 60-70 سرعه تعمل كل ده

---

قارن السرعه بالوزن
العربيه وزنها خفيف جدا
60 70 فى عربيه زى ال 131 او اى فيات قديم سرعه ممكن تلم العربيه فيها فى مسافه 3 او 5 متر بالكتير

إزاي يعني ماروتي 800 سي سي و على 60-70 كم وكان بينقل من التاني للتالت؟

اقتباس:

---

المشاركة الأصلية كتبت بواسطة ahmed_aly_78

إزاي يعني ماروتي 800 سي سي و على 60-70 كم وكان بينقل من التاني للتالت؟

---

العربية تعتبر لسة زيرو_وموتورها جراى جدا_وهو كان بيشد بصراحة_هو قالى إنة كان لسة ناقل لل3_انا بصيت كان العداد 70 تقريبا_كل دة حصل فى 3 ثوانى_أكيد ماحدش فاكر حاجة

اقتباس:

---

المشاركة الأصلية كتبت بواسطة i_am_legend

حضرتك انا مش هاكدب يعنى_والعربية عاملة 46 الف كيلو_والتيل كويس جدا_لان العربية قفشت ال4 عجلات_ووقفت فى خط مستقيم_وفرامل ورا ممتازة_لان العربية مستحيل تتحرك وهى مشدودة_لأنا سقتها بنفسى بعد الحادثة_وانا بركن جربت فرامل اليد_وقفشت جاااامد_ومن غير ما أشدها للآآخر_العربية خفيفة_وانا نقلت التجربة دى لأنى خايف على ركابها منها_ مش أكتر

---

ياباشا مش قصدي
حمد لله عالسلامه طبعا
لكن اللي اقصده ان العربية لان وزنها خفيف جدا التيل بيكون فعال جدا معاها
بالذات تيل الفبريكا
بالنسبه للسرعه على التاني
العربية ممكن تجيب عالتاني لحد 65 كم\ساعه لكن ده على آر بي ام 6.5 وده مدمر لماتور العربية لانها كربيراتير ومبتفصلش زي العربيات الانجكشن
فهوا اكيد كان نقل عالتالت من زمان واكيد السرعه كانت اعلى من 70
وللعلم بالشئ هوا لو كان سقط نقله بس كان كلبشها في مكانها في ثانيه
عموما الحمد لله انها جت على قد كده
وربنا يستر طريقنا جميعا
وفي حاجه كمان
بالنسبه لهوا الكاوتش قوله يظبطه على 27 ولا اكتر ولا اقل لانه ده اللي مكتوب في الكتالوج والرقم ده بيدي اعلى ثبات للعربيه
بتوع الكاوتش للاسف بيظبطولها على 30
مع سخونة العجل بتوصل 35 و 40 كمان وده بيخلي عرض الكاوتش والمساحه المعرضه للاحتكاك قليله جدا جدا وده بيأثر جامد على اداء الفرامل

يعني دي شوية حاجات بسيطه لتفادي اي مشاكل تانيه باذن الله

تحياتي

اقتباس:

---

المشاركة الأصلية كتبت بواسطة hm414

ياباشا مش قصدي
حمد لله عالسلامه طبعا
لكن اللي اقصده ان العربية لان وزنها خفيف جدا التيل بيكون فعال جدا معاها
بالذات تيل الفبريكا
بالنسبه للسرعه على التاني
العربية ممكن تجيب عالتاني لحد 65 كم\ساعه لكن ده على آر بي ام 6.5 وده مدمر لماتور العربية لانها كربيراتير ومبتفصلش زي العربيات الانجكشن
فهوا اكيد كان نقل عالتالت من زمان واكيد السرعه كانت اعلى من 70
وللعلم بالشئ هوا لو كان سقط نقله بس كان كلبشها في مكانها في ثانيه
عموما الحمد لله انها جت على قد كده
وربنا يستر طريقنا جميعا
وفي حاجه كمان
بالنسبه لهوا الكاوتش قوله يظبطه على 27 ولا اكتر ولا اقل لانه ده اللي مكتوب في الكتالوج والرقم ده بيدي اعلى ثبات للعربيه
بتوع الكاوتش للاسف بيظبطولها على 30
مع سخونة العجل بتوصل 35 و 40 كمان وده بيخلي عرض الكاوتش والمساحه المعرضه للاحتكاك قليله جدا جدا وده بيأثر جامد على اداء الفرامل

يعني دي شوية حاجات بسيطه لتفادي اي مشاكل تانيه باذن الله

تحياتي

---

يا باشا انا بشكر حضرتك جدا جدا_على موضوع ضبط هواء الإطارات_نصيحة مفيدة فعلا_انا هاتصل بيه اقولهالة_لأنة أكيد مايعرفهاش_لأنة معاه سيفيك 84_ومتعود عليها