كنت عاوز اسئل ايه اللي يخلي العربيه تسخن غير اليماه تكون ناقصه و غير الريدايتير و غير المروحه
كنت عاوز اسئل ايه اللي يخلي العربيه تسخن غير اليماه تكون ناقصه و غير الريدايتير و غير المروحه
التاكيهات لو مقفوله تخلي العربيه تسخن
او علبه البيئه لو اتكتمت
من الأفضل توضح مشكلتك بجميع ظروفها علشان نقدر نفيدك لو نقدر :)
دلوقتي انا شايل الترموستات..(اللي هي شبه السوسته اللي موجوده في الماسوره اللي بين الريداتير و الماتور) علي شان
كانت مش شغاله و بتخلي العربيه تسخن.....و لسه مغير الريداتير و حاطط مياه خضراء....و النهارده اول يوم حر...ماشي بالعربيه
الاقي العربيه بتسخن....مع انها المفروض ماتعملش كده خالص......الريداتير سليم...شايل الترموستات يعني المياه علي طول واصله للموتور..... المروحه شغاله....و برضوا العربيه بيتسخن
هو مين العبقيري اللي قال لحضرتك شيل الترموستات :untitled 1:
ومين قال انها تسخن العربيه وهي موجوده
ياباشا بالعقل كده الترموستات دي يا قافله يا فاتحه حاجه من الاتنين
نيجي بقي لأستنتاج حضرتك ان مدام الترموستات اتشالت يبقي كده المياه ابلارده توصل علي طول وتبرد المكنه
ده طبعا استنتاج خاطي
لأن كده معدل سريان المياه زاد وده يخلي المياه لما تعدي علي الرداتير متاخدش وقتها في التبريد
فا اولا ياريت حضرتك ترجع الترموستات تاني
وعني ان كل حاجه تمام والعربيه بتسخن يبقي في حاجه غلط فا هنحتاج حضرتك تراجع علي طرمبه المياه (ليها عمر افتراضي)
وهل المياه بتنقص ؟!!!
والعربيه بتسخن ازاي يعني المؤشر بيطلع شويه ولا بيفضل يطلع والمياه تغلي في الرداتير ؟!!!
انا سئلت في التوكيل علي موضوع الترموستات دا..قالي مافيهاش مشكله لما تشيلها.....لانها لما بتبوظ بتتسد
فا مش بيتخلي المياه توصل للموتور.....تاني حاجه هي الحراره مش بيتعلي قوي بيتيجي فوق النص بحاجه بسيطه قوي
و بعد كده بيتنزل و بعد كده تعلي تاني و هكذا......ثالث حاجه المياه مش بيتنقص
هي طرمبه المياه ممكن تخلي العربيه تسخن؟؟
1- جوان وش السلندر ممكن يخلى العربيه تسخن و ايضا قربة المياه لو فيها اى شروخ او تلف يخلى العربيه تسخن ..