بيجو 307 مانيوال ولا 406 مانيوال ولا استرا 2004 اوتماتيك

قدامي تلت عربيات ومحتار فيهم البيجو 307 مانيوال و406 باردو مانيوال واوبل استرا 2004 اوتماتيك
الناس بيحظروني من البيجو وقطع غيارها واعطالها الكتير وبسمع كمان ان الكاسيت بتاعها او اي حاجه فيها باظت الكمبيوتر بتاعها مش بيدور العربيه تنصحوني ب ايه؟؟؟

ال 3 عربيات محترمين .. بس ال 406 من غير مناقشه وكلام كتير هيه الافضل ...

بالنسبه لقطع الغيار عن ال 3 معرفش .. بس انا بتكلم من حيث الاداء والفخامه وكل حاجه

ال 406 موديل كام مقولتش؟ لان اللى فيها مشاكل فعلا هيه ال تقريبا موديل من 96 - 99 فى الفتيس الاوتوماتيك .. دى اللى معروف عنها المشاكل

واللهي انا مش فاكر هي موديل كام بالظبط بس هي يا 2001 يا2003 بس هي مانيوال وسعرها 51000

ومتشكر اوي علي رد حضرتك

يا باشا العربيات ال 406 في منها 2000 و في منها 1600
نصيحة لو دي 1600 يبقى خليك في ال 307 احسنلك

البيجو صيانته صعبه و الصنايعيه بيعكوا الدنيا فيه ده غير ان قطع غيارها اسعارها حراقه و مش موجوده في كل حته

الاوبل مقرفه بصراحه عندنا 3 منها في العيله و كله بيشتكوا من استهلاك بنزين لعشفه بتتبهدل لطرمبه بنزين بتتغير زي زيت الموتور

متشكر لاهتمامكوا بس هي 2000 سي سي موديل 2003

ياريت يا جماعه ال يعرف اكتر عن العربيات دي يفيدني ارجوكم

45 مشاهده ومحدش بيرد

ما دام 2000 سي سي اشتري يا باشا وانت مطمن
هي اصلا تعتبر فئة اعلى من العربيتين التانيين

متشكر ليك اوي

لو الاوبل بيستهلك بنزين عالى يبقى دي مش اوبل ياباشا
وطالما حضرتك ف مصر ابعد عن الاوبل عشان مفيش حاجه اسمها اوبل ف مصر عشان توكيلها السئ

انا مش فاهم انت تقصد ايه يا باشا بس ياريت لو حد يعرف امثله لاسعار قطع غيار كل واحده

البيجو 307 حلوة بس لو استعمال نضيف اوى

انا ارشحلك البيجو
وخصوصا ال307
لان قطع غيارها منتشرة اكتر والصنايعية بيفهمو فيها اكتر من ال406
والعربيتين ركوبة بجد
بس انتا عارف ان الاوروبى كله بتبقى قطع غيارها غالية
خد لفة فى قسم بيجو وهما هافيدوك اكتر

عملت موضوع في قسم بيجو محدش عبرني