الموضوع: د.محمد فؤاد أبو العز يكتب: هيا بنا نرجم البرادعى

ممكن جواب مقنع ليه عمل كده...........أيه دوافعه القوية ألي خلته يدخل عش الدبابير؟

زية زي أى حد ، نفسة بلدة تبقى بلد مُحترمة ، الراجل نفسة قال إنة كان بيصعب علية نفسة لما بيقول إنة مصري فى المؤتمرات العالمية ويلاقي ناس مش عارفة فين مصر دي ، هو زية زي ناس كتير قالوا للنظام لأ

وألا يثير تساؤلات أن محدش أعترضه ولا أعتقله ولا رصاصة طائشة؟

أرجع حضرتك لأرشيف الأهرام والأخبار والجمهورية فى موضوع التشوية ، شوف حضرتك مقالات الكاتب فهمي هويدي اللى كانت بتتكلم عن منع البرادعي من الظهور فى الأعلام المصري حتى على القنوات الخاصة والمعارضة ، اما بخصوص الإعتقال والقتل ، فحضرتك ده معاه نوبل وقلادة النيل ، ده لما كان قاعد مع طنطاوي كان قاعد قبل رئيس الوزراء لأن اللى معاه قلادة النيل بيقعد قبل رئيس الوزراء ، يعني اللى أقصدة إنة مش مُعارض عادي ، هو مُعارض كل وسائل الإعلام مُهتمة بية ، بجد ده أكتر مُعارض إتبهدل ، كفاية بجد موضوع حرب العراق وإن الناس لسة فاكرة إنة السبب فية ، بجد إتظلم جدا

ألي يستحق التحية في نظري هم من وقعو له في 2008 وتعرضو بعدها لتعذيب ومضايقات من أمن الدولة
وأنا لست مع أهانة أي شخص البرادعي أو أصغر طفل في الدولة
بس دي نقرة والتصويت له كرئيس نقرة تانية.........أنا عن نفسي لن أرشح البرادعي

انا الحمد لله كنت من الناس اللى وقعوا لية (ومكدبشي إني كنت إتخنقت منة أول كام يوم فى الثورة) بس للحق الراجل ده مُختلف عن الكل ، وصعب أقول هديلة صوتي ولا لأ ، لأني لسة معرفشي باقي المُرشحين اللى هيرشحوا نفسهم

المشاركة الأصلية كتبت بواسطة tamer_a7

للاسف كلمه حتي الان هيه الزريعه التي استخدمت من قبل الامريكان لتبرير الاحتلال
ول قال لم نعثر علي انشطه نوويه بدون حتي الان لما تمكن بوش من الحصول علي الدعم من الداخل الامريكي
مجرد وجهه نظر
وفي النهايه البردعي راجل محترم احترمه ممكن انتخبه لا اعتقد

بالفعل زي ما الأستاذ حبيكو وضح ، فهو مكنشي يقدر ينفي نفي قاطع (لأن المهاة لم تكتمل وكان فاضل كام شهر) وفي نفس الوقت هو قال إن العراق مُتعاون ، فلو كان قال مفيش وخلاص كانوا هيتهموة بالمُحاباة لأنة لم ينتظر باقي المدة ، وكده كده القيادة الأمريكية كانت عايزة تدخل العراق للتواجد بقوة بجوار إيران ، وكان فى ناس كتيرة فى الداخل مُعترضة ومحدش قدر يتكلم