:::::الصيادلة يـــــــريــــــــــــدون :::::

**A7MED_PHARMA** · 16-04-2011 10:17 PM

السلام عليكم

أنا مش هتكلم عن مطالب الصيادلة في زيادة الرواتب أو تحسين الأوضاع .أو معاملة التفتيش الصيدلي معانا ..أو ...أو.....أو.............
أنا عاوز أتكلم في نقطة أساسية جدااا في العلاقة الثلاثية بين (الطبيب)و(المريض)و(الصيدلي)
الشئ المشرتك بين الأشخاص التلاتة هــــــــو
الروشتة

أنا مش هعمم كلامي على الأطباء ..أطبائنا فيهم كتير جدا محترمين
بس
لما تجيلي روشتة فيها أيموكس(أموكسيسيللين)..وقدرا مكنش موجود وطلعت مكانه هايكونسيل(أموكسيسيللن)
المريض يرجع بالروشتة..ويقولي الدكتور بيقولك ماتعملش نااصح وتطلع بديل
طيب أعمل إيه
أطلع من هدومي
والكلام مش مقتصر ع النوع ده.الصيادلة عارفين معنى كلامي
مثال تاني
مادة فعالة زي(ديكلوفيناك صوديوم)...عندنا في مصر تقريبا 50 إسم تجاري فيهم المادة دي
والمطلوب مني كصيدلي..لازم أجيب الــ50 نوع دوووول
علشان ماطلعش بديل
والمفروض طبعا إن نصهم هيطلع عندي إكسباير..إلا لو بقا لزقت الأدوية دي لأي حد تحت مسمى الــotc
طيب الحل إيه؟؟؟
حسب منا عارف بره..مطلوب منك في صيدليتك توفر المواد الفعالة..وملكش دعوة بالإسم التجاري
لكن تقول إيه بقا
والمأسأة دي بيشارك فيها عدد من الأطباء معدومي الضمير الهمني .. والأخلاق
طبعا على صورة تعاقدات مع شركات بعينها لكتابة أصناف بعينها..ونسبة وأرباح على كمية التوزيع والمبيعات
وللأسف أطباء غير محترمين كتير..بيكتبوا صنف معين لكل مريض يدخل عنده سواء محتاجه أو مش محتاجه
والعداد بيعد ..والحسابة بتحسب
أنا مش بعيب في جانب الأطباء..جانب الصيادلة كمان فيه حتت سودااااااا بلاش نتكلم عنها دلوقتي
أنا بس بقول
من مصلحة الأطراف الثلاثة
إن الروشتة تكون بإسم المادة الفعالة
ساعتها الصيدلي مش هيتحرق دم إلي جابوه من كلمة ناقص..أو بديل..أو إكسباير
ساعتها المريض مش هيلف كعب داير على صنف مايلاقيهوش
ساعتها الطبيب مش هيحتار يكتب إسم شركة إيه..يكتب إسم المادة الفعالة وبس
والأهم
ساعتها دخلاء المهنة في الصيدليات مش هيعرفوا يشتغلواااا خالص
علشان لازم تكون صيدلي....وصيدلي متمرس كمان علشان تعرف تطلع روشتة بإسم المادة الفعالة
والله المستعان

**tito_1980** · 16-04-2011 10:33 PM

كلام صحيح

**A7MED_PHARMA** · 16-04-2011 10:37 PM

بجد ياشباب ..حاجة غبية
ليه مادة فعالة..تلاقي لها مليون نوع
والمفروض من الصيدلي يجيب المليون نوع دول..ونصهم بيطلع إكسباير
+
نواقص السوق..لها بدايل كتير متوفرة..لكن المريض لازم يلف ويدوخ..ويدوخنا معاه علشان نجيبله النوع الفلاني
مع إن النوع الفلاني له مليون أخ عندك..بنفس المادة الفعالة..ونفس التركيز..والميزة إن السعر مختلف
يعني مريض عاوز نوع معين..لكن مش معاه فلوس..ممكن يخد نوع بالسعر إلي يقدر عليه..وتبقا هي هي نفس المادة الفعالة
يعني المريض مش هيحتاج مثلا يجيب نوع دوا بــ90 جنيه..طالما فيه نوع زيه بالظبط بــ 12 جنيه

**A7MED_PHARMA** · 16-04-2011 10:51 PM

المشاركة الأصلية كتبت بواسطة drmsadek1979

الله يفتح عليك
انا فيه دكتور في السنبلاوين اسمه ولا بلاش
بيكتب طلاسم علشان ابنه فاتح صيدليه
والتاكاتك تحت العيادة تاخد المريض من ايده لحد باب الصيدليه اجباري
لما بيجيلي روشتة من عنده باخد الروشته واروح لابنه اقوله فسرهالي
وناهيك بقى عن الاصناف الخزعبلية

موضوع الروشتة المتشفرة دي أساسي..وبنشوفه كتير
والتكاتك أو العامل بالعجلة..إلي يروح مع المريض للصيدلية يصرف الدوا ويرجع للدكتور تاني..علشان يتأكد إنه صرفها من الصيدلية إلي تبعه...ونسبة على الروشتات وهيصة
والأصناف الخزعبلية(زي مانت سميتها)..إلي الصيدلي بيجيبها .. ويتفق مع الدكتور يكتبهاله..في مقابل نسبة طبعا
أنا نفس المهنة دي تتظبط وتمشي زي الناس..ولمصلحة الناس
علشان الصيدلي أو الطبيب عديم الزمة..مايعرفش يعمل حاجة

**Ralliart** · 16-04-2011 10:55 PM

والله عندك حق
بس في دكاترة كتير بيبقى مجرد فهلوة مش أكتر مش علشان يعمل ارباح
يعني انا اعرف دكتور قريبي مررة تعبت وكلمته في التليفون وقالي على سبروباي
نزلت الصيدلية لقيت عنده نوع تاني سبرو برضو بس مش سبروباي وطبعاً الصيدلي انسان دارس وفاهم وباين حتى من الاسم انه نفس المادة الفعالة
فلما الدكتور كلمني يطمن عليا بقوله على اسم الدوا قعد يزعقلي وقالي انزل رجعه للحمار اللي اداهولك ولما اقولك سبروباي يبقى سبروباي مش اي حاجة تانية
اهو دا دكتور من محافظة تانية غير اللي انا فيها والدوا بالتليفون من غير روشتات ومصر ان كلامه يمشي
والله انا بيصعب عليا الصيادلة تحس انهم فاتحين سوبر ماركت مش صيدلية ولا كأنهم طلع عينهم في كلياتهم

**A7MED_PHARMA** · 16-04-2011 11:04 PM

ماهي دي مشكلة يادكتور ميدو
واحد معاه 100 الف ..يقوم يروح يعبي منتج جديد..لاهيزود ولاهينقص في السوق...وينزل مندوين ويعمل دعاية على صنف مالوش لازمة
وغالبا إلي بيعمل كده..بينزل الدوا ده بسعر عاااالي..وينزله للصيادلة بخصم عاااااالي جدااااااااا..ويدي نسبة للطبيب علشان يكتبه
يعني بتبقا عملية تجارية..والمريض هوا إلي بيبقا الضحية في النص
============
رالي باشا
تعرف
مش عارف ليه بعض الأطباء البشريين بيعتبروا إن لو الصيدلي طلع نوع غير الي الروشتة(بس نفس المادة الفعالة)بيعتبرها إهانة شخصية له
وكتير من الأطباء مايعرفوش نواقص الأدوية في السوق
وتلاقي مثلا طبيب بيكتب صنف كل يوم في روشتاته..وهوا أصلا ناقص من السوق من شهور
أتصل بيه وأقوله...برضووو يكتبه تاني
لاحول ولاقوة إلا بالله

-

-

-

الموضوع: :::::الصيادلة يـــــــريــــــــــــدون :::::

LinkBack

أدوات الموضوع

عرض

:::::الصيادلة يـــــــريــــــــــــدون ::::: - انشر الموضوع فى :

-

-

-

المواضيع المتشابهه

استفسار الي السادة الصيادلة و الأطباء بالمنتدي

السادة الصيادلة

يرجى افادة الاخوة الصيادلة و موزعى الادوية و كل من له راى

أخبار تهم جميع الصيادلة .. (برجاء الانتباه)

مساعدة مطلوبة من زملائى الصيادلة

الكلمات الدلالية لهذا الموضوع

المفضلات

المفضلات

ضوابط المشاركة