عزيزى جيمينو
كان نفسى من زمان افهم صورة توقيعك
رب صدفة خير من الف ميعاد ... :rolleyes:
عرض للطباعة
ب اتمني اني احظي بقابله رئيس المخابرت عن قريب لما يجي المحله :)اقتباس:
اقتباس:
أرسل أصلا بواسطة hazem_khidr http://www.nilemotors.net/Nile/image...s/viewpost.gif
كفااااااااايه
بس مكنتش ضاربه شعرها في الخلاط كان عادي و كنت في شكري مش في محب يا احمد بيه :)
انت مراقب
انت بتتعامل مع أذكي جهاز مخابرات في العالم ......
عارفتوف أدون حازم
الفتوف يا ادون احمد
:eek:
مين قال بس يا onna إن الخوف غريزة فى البنت
ربنا مخلقش البنت ضعيفة ....... إحنا بتصرفاتنا اللى خلناها ضعيفة .... تربيتها على إنها أقل من أخوها و إعتبارها كائن لا يحسن التصرف و و و ...... خلاها تفقد الثقة فى نفسها .... و بقت عايشة طول عمرها طفلة محتاجة وصى عليها
لكن عمر ما الخوف كان غريزة فى البنت
تحياتى :)
تفسيرى للحصل معاك يا أستاذ سبعاوى
أولاً إما الست دى شكلها وحش .... فبتبقى عندها شعور بالنقص ... و تحس إن كل الناس بيعاكسوها
أو حد عاكسها قبل كده و سبب لها مشكلة .... فبقت مرعوبة و هى ماشية و خايفة من أى حد بيبصلها
و على فكرة معظم الستات فى مصر بقوا كده بيخافوا من أى رجل .....
يعنى مرة كنت راكب مينى باص و جنبى واحدة قد أمى يمكن و لا أكبر ..... المهم كان كتفى لازق فى كتفها لأن الكراسى ضيقة ....... بس أنا مكنتش واخد بالى من الموضوع ... عادى يعنى ..... لقيتها بعد شوية عمال تلزق فى الشباك مش ناقص غير تنط بره الأتوبيس و عماله تقول توء و أوفففف
أنا مفهمتش بصراحة .... فكرتها إتأخرت على شغلها و لا حاجة ..... بس فجأة لقيتها بتقوللى ممكن تبعد شوية !!!! :eek:
أنا إتصدمت بصراحة ..... مش عارف ليه الناس بقت مرعوبة من بعضها
طبعاً وشى إحمر و إخضر ..... و لقيت نفسى لا إراديا بقولها ... أنا أسف لو كنت ضايقتك بس إنتى زى والدتى و مش عارف إيه اللى خلاكى تفكرى كده ..... طبعاً هى إتكسفت.... و نزلت من الأتوبيس قبل محطتى عشان مسببلهاش إحراج ...
بس طبعاً هى معذورة .... الشباب و الرجالة فى مصر بقى تفكيرهم وحش قوى و سلوكهم زى الزفت. :mad:
بصراحة يا جماعة البنات و الستات في مصر نظرتهم للجنس الآخر نظرة أحتقار و لا يوجد فيها إحترام
و ده راجع لأسباب كتيرة منها
قلة أدب الشباب ..................... موديلات 2008 على رأي حبيبنا شيكو
و هي على فكرة مش قلة ذوق من البنات أكتر منها قلة ادب الشباب
بس في مواقف بتبقى زيادة عن اللزوم رد الفعل فيها
بس حبيبنا المهندس سبعاوي وقع في واحدة غبية
-----------------------------------------------------------
في موضوع سابق كنت حكيت موقف حصل لي مع واحدة راكبة هيونداي ماتركس .......... و هي سايقة ناحيتي و أنا ببص على العربية لقيت حاجة بتحك في الأرض و مدلدلة من الموتور
فشاورتلها ......... فوقفت
فقلت
الموتور فيه حاجة بتحك في الأرض
راحت قالت
ما أنا عارفة ( بكل برود مع نظرة أحتقار )
و هوب
داست بنزين و طارت و كأني بعاكسها ........ مع إني كنت مع مراتي !!!
و لا قالت شكرا .......... و لا ابتسامة بريئة .......... و كل ما جنيته
أنني تم أحتقاري :D :D :D :D :D :D :D
و تحيا المهلبية و البالوظة
.................................................. .................................................. .......
ايه يا اخوانا؟ هو انت اما صدقتوا و لا ايه؟ :eek:
خفوا شوية على البنات و السيدات يا سادة الله يكرمكوا عشان انتوا أصلا يا رجالة سبب الرعب اللي احنا فيه ده اللي ساعات بيسبب لنا أعراض بتسموها انتوا غباء مستحكم و عته مغولي :o
انتوا ما تعرفوش الواحدة و هي في الشارع بتتعرض لإيه من الرجال.. طبعا مش باقول ان حد من اللي هنا بيعمل كده.. انما برضه لو الستات في الشارع جالها هسهس من اي حركة من أي راجل فهو بالتأكيد مش من نفسها.. و لا ايه؟ :rolleyes: