التكيف عاندى ضعيف فى النوبيرا ناس قالتلى انى عايز اشحن فريون ممكن حد يقولى بيتشحن بكام لانى عمري ما شحنتة قبل كدة
ولو حد يعرف واحد كويس فى طنطا؟
عرض للطباعة
التكيف عاندى ضعيف فى النوبيرا ناس قالتلى انى عايز اشحن فريون ممكن حد يقولى بيتشحن بكام لانى عمري ما شحنتة قبل كدة
ولو حد يعرف واحد كويس فى طنطا؟
شحن التكييف بيكلف من 130 حتى 160 جنية حسب المكان الى تشحن فيه
ممكن توفر وتشتري اسطوانة فريون واحد كيلو من عند بتوع قطع غيار الثلاجات بس تعرف نوع الفريون عندك ايه r12 ولا r134 ودي تمنها لايتعدي 30 جم وروح لبتاع التكيف وقولي اشحنلي التكيف واديله مصنعية من 40 الي 60 جم علي اقصي تقدير وبكده يبقي وفرت لان 60+30 =90 بدلاً من 120 اقل تقدير
انا لسه شاحن يوم الخميس اللي فات ب 150 وقالي ان الفريون غلي والمفروض انه ب 200 بس عشانك وبتاع يبقي 150
مع العلم اني زبونه وهو عارفني وشاحن عنده مرتين قبل كده باقل من كده
الشحن من الفاضى خالص 200-250 ... لو تزويد بس 120-150
اسطوانت الفريون فعلاً غليت بس من 22 جم للكيلو وصلت ل 32 جم للكيلو والعربية لاتحتاج اكثر من ربع لنصف كيلو لو فارغة تماماً
مش فاهم يعني امال احنا بنكع ليه 150 و200
حد يقول نوع فريون كويس وانا اشتريه من شارع كلوت بيه اللي في وسط البلد واروح لاي حد اخليه يشحنلي وخلاص
دي سرقه علني
انا الكباس عندي r12 ولقت نوع جديد 406 هو عبارة عن تركيبة جديدة للحفاظ على البيئة وحطيته والتكييف بقي احسن والله من ال r12
بس انا اشتريت الفريون وفضيت الدايرة خالص من الاول اهم حاجة الزيت اللي جاي معاه
باشا أزيك بص النوع دة كويس بس أنا حب أستطلاع عاوز اعرف أن كان غالى فعلا و لا لآ لان الراجل شحن العربية عندة 900 جرام تقريبا ب 200 جنية هو بيقول ان الاسطوانى دى ب 1360 جنية ممكن التأكد من الموضوع دة و لو فية عبوات صغيرة منها بكام و هاتة لانة كويس بس ابقى قولى بكام
http://img855.imageshack.us/img855/7...0320115276.jpg
أعتقد انى قرأت كذا موضوع للتحذير من فريون 407
بص دة موضوع منقول...............
تحذير من فريون 406 a
رجو من جميع الاخوه مهندسين وفنيين عدم التعامل بفريون 406aوالموجود بالسوق المحلى ذلك لانه يتسبب فى تلف الكباس حيث انه يقوم بتحليل الزيت الموجود به ويحوله الى اللون شديد السواد ويفسد اى لزوجه موجوده به مما يجعله اشبه بالماء وهذا يكون يكون له ابلغ الاثر فى الضرر بالكباس من حيث افساد عزل الاسلاك وتجريح البستم هذا عن اكثر من تجربه وطبعا هذا التحذير مقصود به العبوات الصغيرة الحجم ومعروف عالميا حسب كلام جهاز شئون البيئه ان فريون 406 aلايتم لايتوافر عالميا الا فى عبوات لاتقل ابدا عن 13 كيلو اما الاقل من ذلك فلايتم التعامل معها بتاتا الا قد بلغت اللهم فاشهد
بص المشاركة دى كدة
اليكم اخر الاخبار
رقم الفريون اللى حاطوهولى 604 وده فريون جديد - ومضروووووب وبيبوظ الكمبريسور وده اللى حسيته من ساعه ما اتحط وانا ملاحظ حاجة غريبه فى الكباس
ابتدا يفصل كتير و يبرجل العربيه و حوار كده - و التسقيع بقى اسرع بس لحد مستوى معين بعد كده مايسقعش (كان الاول بيسقع اشد بس متأخر) ده حتى امبارح بليل التكييف كان على الاخر و الدنيا مش حر - ولا الهوا !!
شويه هوا خارجين باردين مش ساقعين حتى !!!
المهم قعدت ادور و اشوف على النت
لاقيت الصدمه
اتفضلو ده انا واخدو كوبى و بست
((((لى كل المختصين بالتبريد السلام عليكم ورحمة الله وبركاته ما رايكم فى الفريون (406)ارجوا الافاده ولكم جزيل الشكر
الاخ الفاضل بعد التحيه بالنسبه لسؤالك عن الفريون الجديد 406 ارجو عدم التعامل معه بتاتا لانه ثبت فشله ويوجد تحذير شديد منه لانه يقوم بحليل الزيت الموجود بالكباس مما يؤدى الى احتراق الكباس اقول هذا عن الفريون الموجود فى اسطوانات نصف كيلو وكيلو وماشابه فانه كله مضروب وعن تجربه واسال شركة ابوسيف للكباسات عنه فقد قامت بكتابة تحذير بالغاء الضمان عن اى كباس يثبت شحنه بهذا الفريون والوحيد المعتمد عالميا منه هو المستورد المعباء فى اسطوانات 13 كيلو ولك جزيل الشكر ))))
(((ارجو من جميع الاخوه مهندسين وفنيين عدم التعامل بفريون 406aوالموجود بالسوق المحلى ذلك لانه يتسبب فى تلف الكباس حيث انه يقوم بتحليل الزيت الموجود به ويحوله الى اللون شديد السواد ويفسد اى لزوجه موجوده به مما يجعله اشبه بالماء وهذا يكون يكون له ابلغ الاثر فى الضرر بالكباس من حيث افساد عزل الاسلاك وتجريح البستم هذا عن اكثر من تجربه وطبعا هذا التحذير مقصود به العبوات الصغيرة الحجم ومعروف عالميا حسب كلام جهاز شئون البيئه ان فريون 406 aلايتم لايتوافر عالميا الا فى عبوات لاتقل ابدا عن 13 كيلو اما الاقل من ذلك فلايتم التعامل معها بتاتا الا قد بلغت اللهم فاشهد ))) ده من منتدى تكييفات
(((إذا كان هناك مكيف سيارة طراز قديم مصمم اساساً للعمل مع فريون 12 وتم شحنه اكثر من مرة بفريون 406 لدى أكثر من متخصص لكنه يعطى تبريد ضعيف والجميع قرروا ان حالة الضاغط جيدة فهل نستطيع القول ان المشكله تكمن فى الفريون 406 و يجب الرجوع لاستعمال الفريون 12 و إذا كانت الاجابة نعم فهل يجب عمل تفريغ للدورة بشكل عميق أم يكفى التفريغ للصفر ثم بدء عملية شحن جديدة حيث لا تتوافر لدى الان اداة لعمل فاكيوم للدورة و شكراً
ان المشكله يا صديقى لا تكمن فى الفريون 406 لانه صنع من قبل اناس منخصصين ولكن المشكلة الاساسية هى فى تكنيك وطرق الشحن .
ان فريون 406 يجب ان يشحن على شكل سائل وليس على شكل غاز كفريون 12 .
و يجب عمل تفريغ للدورة بشكل عميق ثم الشحن ))) طبعا الكلام ده محصلش !!
دورت واتاكدت ان التكييف بياخد 134 وادى صوره
اضغط هنا لمشاهدة الصورة بالحجم الطبيعي.
المهم بقى دورت على مصدر الفريون لاقيت احسن حد وبيشكرو فيهم قوى اخوان رزق
وده موقعهم Rizk Brothers Co.
و اتصلت بيهم قالى العبوه 1 كيلو ب 75 جنيه لل 134
ودى صوره المنتج باحجامه
اضغط هنا لمشاهدة الصورة بالحجم الطبيعي.
روحت للبزينه الصبح و كلمت المدير قالى تعالى بعد 11 و خليه يغيره - مع انى عارف انها نصبايه خلاص
على العموم هاروحله بعد الشغل و نشوف ايه اللى هايحصل
ودى شويه معلومات تانيه مهمه هتفيدكم
ان فكرة وجود غاز بديل بمنع استخدام الفريونات القديمه بعد اجراء اتفاقية مونتريال التي تنص علي ذلك وذلك للحفاظ علي طبقة الاوزون حيث تحتوي المركبات القديمه لمادة الكلور المدمره لطبقة الاوزون
وتستخدم الفريونات الاتيه بديل عن فريون 12
r 134a
r 413a
r 406a
وتستخدم الفريونات الاتيه بديل لفريون 22
r 407c
r 417a
r 404a
ولكن دعنا نتكلم عن ضيف الشرف لهذا الموضوع r 406a
يتكون r 406a من
r 22 55%
r 142b 41%
r 600a 4%
حيث تم استخدام فريون r 406a كبديل لفريون r12 بعد ملاحظة زيادة تكلفة فريون r134a في عملية التصنيع حيث ان r134a ينتمي الي العائله الهيدروفلوروكربونيه
وهذه العائله هي البدائل الاولي للعائله الكلوروفلوركربونيه حيث تم الاستغناء عن مادة الكلور المدمره للاوزون وتم الاستعاضه عنها بمادة الهيدروجين وكانت له مميزات
كثيره عن فريون r12 وهي ان فريون r134a لا يختلط بزيت الضاغط ولكن مع زيادة تكلفة انتاجه بشكل ملحوظ قام المصنعين بنتاج فريون اقل تكلفه في تصنيعه وهو فريو r 406a
وتعتمد فكرة الفريون البديل علي تقارب الخواص الكميائيه فنجد مثلا ان فريون r 12
عند ضغط bar 3.086 يكون عند درجة حراره صفر مئوي
فريون r134a عند ضغط bar 2.928 يكون عند درجة حراره صفر مئوي
فريون r406a عند ضغط bar 2.527 يكون عند درجة حراره صفر مئوي
وللعلم انا افضل r 134a كبديل لفريون r12 لتقارب الخواص الكميائيه بشكل ملحوظ بل لتفوق r 134a علي فريون r12 في كثير من الخواص
تسلم يا باشا و تعيش بص هو أنا عارف أنة أخد فلوس مش قليلة بس عمل الشغل الى أنا عاوزة كلة بالميلى و من غير فزلكة صنايعية بالعكس هو حريص جدا و شاطر بياخد فلوس و بيديلك شغل كويس . بس عاوز اعرف أن كان سعر الاسطوانة ال 13 كيلو دى فعى 1360 لحلوح و لا كلام هجص و كيلو الزيت نفس النوع قالى ب 83 جنية تقريبا
انا شحنت النوبيرا بتاعتى من حوالى شهر تقريبا فى طنطا وغسل التلاجه لان الهوا كان ضعيف واتكلف 200 جنيه عند واحد على طريق اخناواى اسمه اليابانيه
راجل شغله كويس وتحس انه فاهم
فيه واحد تانى فى شارع سعيد قبل البغل بس ده اسمع انه غالى جدا وبتاع اشتغالات بس ممتاز يعنى يفيدك اكتر لو عندك مشكله الناس مش عارفه تحلها بس طبعا هتدفع
فيه واحد فى شارع بطرس قريب من ولعتين اسمع انه ممتاز بس الصراحه مجربتوش لو محتاج اسمه اكلم اخويا اجيبهولك
بس الاول اللى فى طريق اخناواى ده اكتر واحد حسيت انه فاهم هو بعد ما تدخل الطريق بحوالى 500 متر قدامه قاعه افراح
لو المشكله شحن بس انا رحت لواحد قبل كده فى العجيزى جبت له الفريون وشحن العربيه (هو ممكن يشتريه بس انا كان واحد صاحبى شغال فى الموضوع ده وادانى انبوبتين من نوع ممتاز شحنت عربيتى وعربيه واحد صاحبى) واخد 60 جنيه تقريبا من سنتين
هو مكانه فى العجيزى هتدخل ميدان ستوته وتعدى مزلقان شبين وتكمل فى الشارع هتلاقيه رابع او خامس شارع من اليمين
لو محتاج رقمه واسمه ممكن اجيبهولك الاسبوع الجاى اما انزل طنطا يوم الجمعه