بيجو 504 مسروقة من بنها : مطلوب المساعدة

**ahmed2y** · 17-04-2011 10:06 PM

انا النهاردة على المحور فى اتجاة ميدان لبنان شوفت عربية 504 لونها اخضر الفاتح الى لون الخس كدة مش عارف اقول الون راكنة يمين ومن غير نمر ورا ومقفولة لو عطلانة يبقى مفتوح الكابوت بس كان مقفول انا قولت مثلا عطلانة وصاحبها راح يجيب ميكانيكى مش عارف بس كنا ماشين بسرعة مش عارف بقى الله اعلم

**eslamsubaru** · 18-04-2011 12:28 AM

المشاركة الأصلية كتبت بواسطة ahmed2y

انا النهاردة على المحور فى اتجاة ميدان لبنان شوفت عربية 504 لونها اخضر الفاتح الى لون الخس كدة مش عارف اقول الون راكنة يمين ومن غير نمر ورا ومقفولة لو عطلانة يبقى مفتوح الكابوت بس كان مقفول انا قولت مثلا عطلانة وصاحبها راح يجيب ميكانيكى مش عارف بس كنا ماشين بسرعة مش عارف بقى الله اعلم

انت شوفت العربية الساعة كام؟؟؟؟؟؟ ممكن تكون هي بجد
ممكن تبعتلى رقمك او تكلمنى ضرورى 0124464468

**eslamsubaru** · 18-04-2011 09:14 PM

مفيش اى اخبار يا شباب!!!!!!!!!!

**MASERATI** · 18-04-2011 10:29 PM

السلام عليكم و رحمة الله و بركاته

أنا من رأيى أنك تكسب وقت و تسأل على الأماكن القريبة منك اللى بيتقطع فيها العربيات, لأنى أعتقد أن اللى بيسرق بيجو قديمة اليومين دول, بيسرقها, مش عشان هى عربية مطلوبة لكن لأن قطع غيارها هى اللى مطلوووووووووووبة جدا.

و ربنا ييسرلك الأمور و تلاقيها فى أقرب وقت ان شاء الله.

**hemalotfy** · 18-04-2011 11:04 PM

لا حول ولا قوة الا بالله

اسال الله ان يرد عليكم ضالتكم

**mr_vampire** · 18-04-2011 11:06 PM

--انا لسة سامع امبارح من والدي والله ان في حرامي عربيات ممسوك فالشرطة العسكرية ( في بنها ) وطلع كلام انه متخصص فالبيجو بالذات ( وسيرة البيجو جت لان واحد قريبي اتسرقت منه 504 برده). فروح الشرطة العسكرية ياأسلام اسأل مش هتخصر حاجة. وتبقي تطمنا

**mr_vampire** · 18-04-2011 11:11 PM

المشاركة الأصلية كتبت بواسطة abumoh2000

...........
على فكره فى واد عندنا اسمه فرافيرو بيشترى العربيات المسروقه من طوخ او بنها
حتى اتعرض عليه عربيه المستشار قنصوه لوسمعت عنها

طب مايخدم العدالة ويعمل حاجة كويسة في حياته قبل مايتمسك قصدي قبل ما يموت ويبلغ عن اللي سرقها عالاقل صاحبها يفضي للقضايا الاهم اللي في ايده.

**abumoh2000** · 19-04-2011 12:15 AM

المشاركة الأصلية كتبت بواسطة mr_vampire

طب مايخدم العدالة ويعمل حاجة كويسة في حياته قبل مايتمسك قصدي قبل ما يموت ويبلغ عن اللي سرقها عالاقل صاحبها يفضي للقضايا الاهم اللي في ايده.

يا ريس ماهو ده اللى حصل وعرفوا عن طريقه العيال اللى سرقوها والعربيه جت

**mr_vampire** · 19-04-2011 12:51 AM

المشاركة الأصلية كتبت بواسطة abumoh2000

يا ريس ماهو ده اللى حصل وعرفوا عن طريقه العيال اللى سرقوها والعربيه جت

طب تمام والله. عقبال كل اللي عربيته مسروقة ترجعله ان شاء الله.

**eslamsubaru** · 20-04-2011 12:05 PM

ممكن حد يفيدنى باماكن تفكيك السيارات فى مصر ... اللى يعرف اى حتة يقول.
الموضوع انتشر فى بنها جدا . امس تم سرقة سيارة تيوتا كرولا 2010 و قبلها بيومين عربيتين 504 و واحدة مرسيدس 200 ... كلوا ياخد باله بقى و مفيش اى تحرك من جهة الشرطة نهائيا !!!!!!!!!!!!!!!!!!!!!!!!!!!!!!!!