بيجو 504 اخضر فسفورى رقم ( ق ر ب - 4396) مسروقة من بنها.......... اليوم الساعة 4:30 فجرا.
هل من اراء للمساعدة؟
عرض للطباعة
بيجو 504 اخضر فسفورى رقم ( ق ر ب - 4396) مسروقة من بنها.......... اليوم الساعة 4:30 فجرا.
هل من اراء للمساعدة؟
يارب تلاقيها الموضوع بتاع البيجو ده زاد اوى عن حده
ربنا يعينك وتلاقيها
بس اشمعنى البيجو ال 504 بالذات؟؟؟؟؟؟؟؟؟غريبة بجد اوى
ربنا يجمعكوا بيها
موضوع البيجو بقى غريب جدا
يا باشا ممكن يغيروا النمر
ممكن تقول حاجه مميزه فيها غير لونها
وان شاء الله هركزلك معاها فى شبين عندنا
على فكره فى واد عندنا اسمه فرافيرو بيشترى العربيات المسروقه من طوخ او بنها
حتى اتعرض عليه عربيه المستشار قنصوه لوسمعت عنها
طبعا سمعت عنها و اعرف المستشار شخصيا . عموما هية لونها اخضر فسفورى و الفرش بيج بتاع البيجو الأصلى , و العجل عادى الطاسة اللى فى وسط الجنط اللى لونها فضى. كلمة بيجو اللى قدام موجود جزء منها. طب الواد ده متعرفش اراضيه... فيها فتحة السقف . و الزجاج الأمامى عليه الاستكر الكرتون بتاع الرخصة هما 3 استكر و متشلوش لانهم لازقين جامد على الزجاج
لا حول ولا قوة الا بالله
ادعى ربنا يردهالك
وحسبى الله ونعم الوكيل اقولها لكل حرامى بيستحل شقا وتعب الناس
ربنا يحرق قلبه زي ما حرق دمك
انا النهاردة على المحور فى اتجاة ميدان لبنان شوفت عربية 504 لونها اخضر الفاتح الى لون الخس كدة مش عارف اقول الون راكنة يمين ومن غير نمر ورا ومقفولة لو عطلانة يبقى مفتوح الكابوت بس كان مقفول انا قولت مثلا عطلانة وصاحبها راح يجيب ميكانيكى مش عارف بس كنا ماشين بسرعة مش عارف بقى الله اعلم
مفيش اى اخبار يا شباب!!!!!!!!!!
السلام عليكم و رحمة الله و بركاته
أنا من رأيى أنك تكسب وقت و تسأل على الأماكن القريبة منك اللى بيتقطع فيها العربيات, لأنى أعتقد أن اللى بيسرق بيجو قديمة اليومين دول, بيسرقها, مش عشان هى عربية مطلوبة لكن لأن قطع غيارها هى اللى مطلوووووووووووبة جدا.
و ربنا ييسرلك الأمور و تلاقيها فى أقرب وقت ان شاء الله.
لا حول ولا قوة الا بالله
اسال الله ان يرد عليكم ضالتكم
--انا لسة سامع امبارح من والدي والله ان في حرامي عربيات ممسوك فالشرطة العسكرية ( في بنها ) وطلع كلام انه متخصص فالبيجو بالذات ( وسيرة البيجو جت لان واحد قريبي اتسرقت منه 504 برده). فروح الشرطة العسكرية ياأسلام اسأل مش هتخصر حاجة. وتبقي تطمنا
ممكن حد يفيدنى باماكن تفكيك السيارات فى مصر ... اللى يعرف اى حتة يقول.
الموضوع انتشر فى بنها جدا . امس تم سرقة سيارة تيوتا كرولا 2010 و قبلها بيومين عربيتين 504 و واحدة مرسيدس 200 ... كلوا ياخد باله بقى و مفيش اى تحرك من جهة الشرطة نهائيا !!!!!!!!!!!!!!!!!!!!!!!!!!!!!!!!
روحت و اخذ رقم العربية و بس على كده ... و مفيش جديد.........
مفيش اخبار حتى الأن:tire:
مفيش اى اراء للمساعدة!!!!!!!!!!!!!!!
ربنا سشترها ويعدى الايام دى على خير
احنا المفروض نشوف مستورد كويس يستورد لينا كلبشات ذي بتاعة الشرطة وكل واحد يكلبش عربيته أو لو حد يعرف حد خراط يخرط الكلبشات دي ويبعها وأظن هتلائي إقبال هائل من الناس وهيكون فيه لقمة عيش حلوة ومبروك علي اللي هيعمل المشروع ده ومحدش ينساني من الدعاء وميمنعش حئي في برائة اختراع الفكرة
فكرة حلوة بس اكيد الحرامية هيلاقو حل ليه!!!!!!!!
لسه مفيش اخبار ..... اعتقد كده تكون خلاص اتقطعت ؟
يا دكتور اسلام
خلي حد من معارف الوالد يكلم ناس في كفر بطا وبطا
فيه هناك ناس اللي سرقت العربيات السوزوكي والموديلات القديمة
وفي ناس في طريق الرملة
اكيد اتباع سيد نتاية اللي لسة ما اتمسكوش
وربنا يكرم والعربية ترجع
وحوال تركن العربة في مكان امين
عربية والدي بيجو 504 اتسرقت من تحت البيت يوم الثلاثاء 15 فبراير
ودي مواصفات العربية :
بيجو 504 لون ازرق ميتالك-لسه مدهونة- الفرش الداخلي لونه كحلي
لا يوجد اي تعديلات عليها من الخارج او الداخل اطلاقا يعني ما فيهاش جنوط ولا فتحة سقف ولا في اي استكير ملصوق علي الزجاج بتاعها
نمرها : ن أ - 2479
علي من يجدها الاتصال ب
0107991127
وياريت اي حد يساعدنا
عدي 3 شهور بالتمام و الكمال و مش لاقييين العربية بعد ما لفينا عليها مصر كلها
يارب عترنا فيها يارب انت القادر علي كل شيء
دة لينك موضوع سرقة العربية:
http://www.nilemotors.net/Nile/203485-a.html (عربية والدي اتسرقت و مش لاقينها خالص ...اعمل ايه انتوا اخر حل لينا)