مشكور بجد يا باشمهندس سبعاوى للشرح الوافى و ربنا يباركلك فى العربية
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
أمبارح غيرت زيت الفتيس للماروتى لأنى لاحظت انه ابتدا يسود، ودى ظاهرة غريبة جدا معناها إما ان الزيت أتأكسد او اتحرق بسبب حرارة التشغيل، لأن المفروض ان زيت الفتيس لونه ميتغيرش
الأدوات اللى احتجتها كانت 3 جاحات:
أول حاجة هى جركن زيت جيربوكس يدوى معامل لزوجة 90 ، جبته من مصر للبترول ب 44 جنيه (4 كيلو، لكن العربية بتاخد 2 كيلو بس، عموما هو صلاحيته 5 سنوات، يعنى ممكن ينفع غيارين)
تانى حاجة هى قمع بلاستيك علشان صب الزيت
أما تالت حاجة وهى اللى كانت اصعبهم فهى مفتاح الطبة، ودى كانت شغلانة، لأن الطبة مجوفة زى تجويف الألانكيه لكن التجويف مربع، وعلشان ادور على مفتاح يدخل فى التجويف ده كان قدامى حلين، إما انى اخد العربية لحد بتاع العدد وأقلبهاله جوة المحل علشان اوريه مكان الطبة ، ودى مسألة كانت صعبة شوية، او انى ادور على وسيلة اخد بيها طبعة للطبة، وده اللى انا عملته، جبت اللحام المادتين اللى على شكل صباع( مش اللى فى انبوبتين لأنه سايب ومكانش هينفع) وعجنت حتة منه ورحت حاشرها فى الطبة خدت شكلها وبعدين شلتها وسبتها تنشف، ورجت واخدها ونازل شارع الجمهورية عند بتوع العدد، وريتها لواحد فى محل قاللى دى طبة زيت بيجو؟ قلت له لأ هى طبة زيت بس يابانى، المهم نادى على الولد جوه قال له هات لى مفتاح بيجو 8-10 ، الخلاصة ان المفتاح طلع معروف فىالسوق باسم مفتاح بيجو او مفتاح طبة زيت بيجو، والراس المربعة مقاس 10 مم ، اشتريت المفتاح ورجعت البيت
فكيت الطبة ونزلت الزيت، لما عبيت الزيت اللى نازل فى قزازة بيبسى 2 لتر علشان ارميه بشكل آمن لا يلوث الصرف كان منظره جوة القزارة متفرقوش عن لون البيبسى بالظبط،
بعد كدة قفلت الطبة ، وحطيت القمع مكان مقاس الزيت ابو غطا بلاستيك ومليت الفتيس، نزل منى شوية زيادة لأنى لما قست لقيت الزيت على جداَ فى المقاس، فلقيت فيه طبة تانية فى جانب الفتيس بتتفك بمفتاح 14(العربية دى كلها ممكن تفكها وتركبها تانى بمفتاح 14-تقريبا اللى صممها كان مواليد 14-14-سنة 1914) ، بس الطبة دى تصلح لانقاص المستوى شوية فقط وليس لتفريغ الزيت لأنها فتحتها ضيقة جدا ومستواها اعلى من مستوى قاع الفتيس والطبة نفسها عبارة عن مسمار طوييييييييييل، اطول من الليلة السودا، قعدت ييجى 5 دقائق الف فيه بايدى علشان افكه وزيهم علشان اربطه، المهم فكيتها ونزلت منها شوية لحد ما المستوى اتظبط وربطتها تانى، وبعد ما قست مستوى الزيت واطمنت انه مظبوط قفلت كل حاجة وجربت العربية، فرق أوى فى نعومة الغيارات وصوت الجير
بس بصراحة بعد ما شفت حالة الزيت لما نزل انا مش هقعد الزيت فيها كدة تانى، هنزله من 15-20 ألف ، خاصة انه رخيص
سبعاوى
_______________________________________________
رقم العضوية : 63111
تاريخ التسجيل : 23Feb2010
المشاركات : 1,245
النوع : ذكر
الاقامة : -
السيارة: -
السيارة[2]: -
دراجة بخارية: -
الحالة :
مشكور بجد يا باشمهندس سبعاوى للشرح الوافى و ربنا يباركلك فى العربية
رقم العضوية : 53356
تاريخ التسجيل : 18Nov2009
المشاركات : 208
النوع : ذكر
الاقامة : التجمع
السيارة: ماروتى
السيارة[2]: لوجان
دراجة بخارية: لا
الحالة :
الف شكر على الموضوع الجميل
كده ممكن الموضوع ميخدش اكثر من 30 دقيقه فقط بعد الشرح ده
الف شكر
رقم العضوية : 64564
تاريخ التسجيل : 08Mar2010
المشاركات : 515
النوع : ذكر
الاقامة : Faisal - Giza
السيارة: Gen 2 - 2013
السيارة[2]: Suzuki Maruti 2010
دراجة بخارية: -
الحالة :
ماشاء الله لاقوة إلا بالله
ربنا يباركلك في علمك ومشاركتك
انا ان شا ءالله ناوي اغيره على 20000 كم
بس سمعت ناس كتير بتقول زيت شل
وناس أكتر بتقول زيت إسو
ياريت نعرف رأي حضرتك في الأنواع دي
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
أنا كنت قبل كده مزود زيت فتيس والراجل حط لى كمية كبيرة وفاضت وغرقت الدنيا وبعدين قعدت أدور على طبة زيت الفتيس وماعرفتش أوصل فاضطريت أجيب سرنجة حجمها أرفع من بق الغطا اللى بنحط من عنده زيت الفتيس وفضلت أشفط أشفط وأقيس ,اشفط وأقيس لغاية ما وصلت للعلامة المحددة على المقياس والزيت بطل يطلع
فكرة وطلعت فى دماغى مش عارف صح بقى ولا غلط .
والدنيا ماشية
لما كلكم عاوزين تبقوا فتوات أمال مين إللى حينضرب
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
نا لسا مغيره من 2000 كيلو وفرق فعلا بس ملمستش الفرق الا بعد 1000 كيلو
انا حطيت زيت موبيل وانا جبت اتنين لتر بالظبط عشان محطش زياده
انا طبعا معنديش مكان اشتغل فيه فخدتها على واحد اعرفه في بنزينه قريبه وغيرهولي وبراضيه بأي حاجه وزي الفل الحمد لله
ونويت اغيره كل 20 ألف...
تحياتي
don't judge a car unless you have driven it
hm414 سابقا
رقم العضوية : 8870
تاريخ التسجيل : 13Apr2008
المشاركات : 2,132
النوع : ذكر
الاقامة : cairo
السيارة: Suzuki ALTO
السيارة[2]: BMW 325
دراجة بخارية: Soon isa
الحالة :
معلش سؤال يا جماعة الألتو نفس الكلام بردو ولا اية لأنى دورت على مقياس زيت الفتيس ملقتش حاجة أو بمعنى أصح مش عارف شكلة عامل أزاى أو محطوط فين ياريت حد يعرفنى وشكراا جزيلا .....
وشكرا للبشمهندس سبعاوى على تجربة زيت الفتيس
BB code
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
لحقيقه ياعزيزي انا كل اما اسأل على تغيير زيت الفتيس ألاقي الناس تقولنا احنا عمرنا مغيرنا زيت الفتيس المانيوال خالص
وانه ملوش لازمه تغييره وكلام كتير كده ملوش لازمه
لو فكرت فيها بشكل تاني
ان زيت الفتيس ده زيه زي اي زيت له عمر افتراضي وانه لازم يتغير كل فترة
بما ان الضغط على زيت الفتيس اقل من زيت المكنه ومعامل اللزوجه اكبر في زيت الفتيس فده بيخلي عمره اطول شويه
وبالتالي اعتقد انه لو اتغير كل 20 ألف هيبقى ممتاز جدا جدا ...
اعتقد ان في الألتو نفس الكلام بالظبط وهتلاقي التفاصيل في كتالوج العربية
تحياتي
don't judge a car unless you have driven it
hm414 سابقا
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
الزيت بعد فترة بيشيل رايش من تآكل الأجزاء المعدنية، وهذا الرايش يقوم بعمل صنفرة تؤدى الى مزيد من التآكل وبالتالى تقصير عمر الفتيس، ولذلك لابد من تغيير الزيت كل فترة، الحاجة التانية ان زيت المانيوال مالوش تبريد زى زيت الأوتوماتيك ، وبالتالى فى ظروف التشغيل الصيفية والأحمال العالية عندنا يسخن الزيت بشدة مما يعرضه للأكسدة وبالتالى فقد اللزوجة، علشان كدة لابد من تغيير زيت الفتيس كل فترة ، تختلف بحسب جودة الزيت وحسب حرارة اجواء التشغيل وحسب قابلية معدن الفتيس للتآكل ، بالنسبة للماروتى اكتشفت ان 30 ألف كيلومتر كانوا كتير، وكان لازم يتغير قبل كدة
سبعاوى
_______________________________________________
رقم العضوية : 7018
تاريخ التسجيل : 06Mar2008
المشاركات : 6,388
النوع : ذكر
الاقامة : Cairo
السيارة: Mercedes C200
السيارة[2]: Golf MKII
دراجة بخارية: Honda CBR 400 FireBlade
الحالة :
بس بالنسبة لعربيتى مكتوب فى الكتالوج .. لا داعى للتغيير.
القران الكريم بجودة صوت عاليه جدا
http://www.nilemotors.net/Nile/230790-a.html
المفضلات