بسم الله الرحمن الرحيم
بص يا باشا بالنسبة لموضوع المروحه ده حصل معايا كنت غيرت الردياتير (القديم كان مخروم فغيرته نظافه) و اشتريت طبعا ثرموستات جديد المفروض ان البياع قايللي انه كوري اصلي بتاع بلاده ب50 جنيه او اقل شويه المهم كان بيخلي المروحه تشتغل من بدري جدا (من عند اول مشوار الأبيض للعداد بتاع الحراره ) وبتفضل شغاله كتير جدا بعد ما العربيه تطفي فخفت على البطاريه و كنت بشيل الكتاوت بتاع المروحه كنت فاكره هو السبب لغايه ما ربنا هداني على اني اخد ثرموستات استيراد واجربه وطلع تمام التمام و ساعتها رجعت الثرموستات التاني للراجل ومرضيش ياخده استعوضت ربنا فيه وفي الأفترا والجشع بتاع الناس اللي بتجيب قطع غيار مغشوشه
اما بالنسبه لموضوع التنتيش والفرقعه شوف السلوك بتاعه البوجيهات كويسه ولا لأ و شوف الأسبيراتير كويس ولا لأ
لو ينفع تاخد واحد على تجربه ساعه لما تكون العربيه بتعمل معاك كده من عند واحد من بتوع الأستيراد وتجربه
انا صاحبي اللي اشتريت منه العربيه قبل كده العربيه مكانتش بتسحب وبتنتش لما ييجي يجري بيها وطلع العيب في المشط الالكتروني (هم بيسموه كده ) بتاع الاسبيراتير
جرب وقولنا العيب كان فين علشان كلنا نستفيد