السلام عليكم
الجرايد اللى بتركب ع الابواب بكلبسات بكام ال 6 قطع ؟
وشكرا جزيلا
عرض للطباعة
السلام عليكم
الجرايد اللى بتركب ع الابواب بكلبسات بكام ال 6 قطع ؟
وشكرا جزيلا
فعلا الزيت ابو 10 ج ده كارثة انا كنت حطيطه لفترة قصيرة لما غيرت خرطوم الباور و كان لازم احط اى زيت الاقيه عشان الطرمبة ما تبوظش و بعد كده نزلت الزيت ده و حطيت زيت توتال تقريبا اللتر كان 33 ج و ده اللى بستخدمه للفتيس الاتوماتيك عندى
بس مشكلة تقل الباور عندى من قبل ما اغير احط الزيت الرخيص و المشكلة دى بتبان اكتر فى الصيف و عشان كده كنت عاوز اسال عن سعر طرمبة الباور الجديدة و الاستراد
أنا كنت الفترة اللى فاتت كنت ناوى اغير العربية بعربية احدث لكن بصراحة قلبى ما طوعنيش لان الأكسيل بصراحة لما بتكون حالتها نظيفة ما تتعوضش حيث رخص قطع الغيار وكفاءة السحب و الكماليات لعربية تستخدم داخل المدينة لكن نفسي اعمل موضوع الدعامات بتاعت الشاسية عشان احسن الاداء فى شوارع المحروسة المكسرة.
دلوقتى انا استخدمت بنزين 80 بدل 92 لاول مرة و الفرق فى الاداء مش كبير لكن الفرق فى السعر الضعف
و عشان انا بحب اخلى العربية فى احسن حال عملت حسابى و جبت منظف كربيراتير و فلتر بنزين جديد بفرق سعر البنزين فى التفويلة الواحدة و ان شاء الله مع كل تغيير زيت موتور هنظف الكربيراتير و اشيك على الفلتر او اغيره
معلش طولت عليكم بس عندى سؤال تانى
هو فى نواكيل لفوانيس الاكسيل؟؟؟
يا باشا انت تؤمر بس , بالنسبة للشاشات مش عارف صناعتها اية , بس اعتقد ان الصيني بقي مغرق الدنيا , المهم الدرجة بتاعتة اية و دي مش حتعرفها الا اذا كان صاحب المحل ثقة
انا لما كنت بتفرج علي الكاسيتات , صاحب المحل وراني كاسيت صيني بشاشة منة فية ,فية لسان بيطلع لأدام زي السي دي روم و بعد كدة تفتح علي فوق و تبقي شاشة و كان امكانياتة حلوة و عامل 1600 و كان صيني و صاحب المحل شكرلي فية بس هو كان فوق حدود المبلغ اللي انا حاطة لكاسيت .
حضرتك بتقول انك حطيت زيت توتال بتاع الاتوماتيك لباور الدركسيون ؟ طيب دة عادي و لا لازم اجيب زيت الباور مخصوص ؟
بالنسبة لتغيير البنزين , انا برضة لسة مجرب احط نص التانك 80 علي نص 92 كان موجود قبل كدة , عايز نصيحتي , حتحس بالفرق بعد فترة , حتلاقي العربية تقلت و بقت كسلانة اوي , و خلي ودنك مع الموتور علي طول علشان صوت الكركرة حتسمعة كتير و دة بيقصر عمر الموتور , و لو ناوي تستمر علي 80 متنساش تظبط الكهربا بتاعت العربية .
بسم الله الرحمن الرحيم
ركبت البربريز الامامى لونه مخضر بسيط و به شماشة ب 240 جنيها
ابو عاصوم حبيب و جو و حشتونى انا كنت لسه فى اجازه و رجعت سقت بتاع 1000 كيلو و تقريبا اللتر عمل 12 كيلو بنزين 90 وده طريق مفتوح كنت ماشى متوسط سرعه 100 و فجاه المؤشر السرعه قعد يلعب رحت مصوره على الموبايل كأنى ماشى على 160 و حنزله على اليوتيوب ههههههههههه و بعدين راح ناطط من مكانه و نام على جنبه جوه التابلوه احساس رائع و انت ماشى مش معاك rpm و مش عارف انت ماشى على كام و الحمد لله بس فيه مشكله غريبه عند السرعه بين 80 و 90 كيلو الموتور صوته عالى جدا كانى عايز انقل مع العلم ان ده اخر غيار عندى اللى هو الرابع و بعدين الصوت يهدى بعد 90 لدرجه انى كنت بعرف انا سايق على كام من غير ما ابص اكتشفت ان عندى خرم فى الشكمان فى العلبه اللى ورا قى الجزء اللى طالع منه الماسوره واحد قالى دى عايزه ظبط تاكيهات التانى قالى دى عايزه طقم دبرياج اسطوانه و بلى مش عارف مستنى ردكم و شكرا لذوقكم
احمد زيزو ليك حشه و الله و الحمد لله انها جت على قد كده و الف سلامه ليك و متشكر على الرد و نوع الزاز ايه يا ابو حميد الدكتور جريش؟
انا اللى اعرفه ان مفيش زيت باور مخصوص و لو فيه يا ريت حد يقولنا عليه
انا ظبطت كهربه الماتور بعد التغيير لبنزين 80 على طول و ده بعمله بنفسي و عملت علامة على مكان الصاموله لبنزين 92 عشان لو رجعت تانى احط منه. وانا لاحظت ان الرجه على السلانسية زادت بنسبة بسيطة نتيجة ان سرعة الماتور قلت بعد تأخير الكهربا و تم زيادة سرعة الماتور عن طريق مسمار الهوا.
بس انا كمان ملاحظ ان استهلاك العربية لبنزين 80 اقل من 92!!!!!!!!!! عموما هحسب الاستهلاك و اشوف
السلام عليكم يا شباب
طبعا دوخت على عيب تسريب زيت الفتيس من ناحية الكوبلن الطويل ... المهم روحت لواحد بتاع كبالن وغيرى اولسيه وقالى انه ب 30 جنيه لوفلتله ليه انا بغيره ب 10 جنيه بس
قالى حتشوف الفرق ولسه مشفتش حاجة .... الواد اللى عنده ( الصبى ) وهو بيفك الكوبلن عمل قرصة المهم بعدها زيت الباور نزل على الارض وسربت كل الزيت خلص شغل وبعدها بجرب لاقيت العربية شديدة اوى والموتور اعلى من الاول عشان مفيش مكنة باور بضخ زيت لامه مفيش زيت وصوت ونة فى الملفات المهم روحت لعفشجى قالى عايزة اولسيهات علبة دريكسيون وواحد تانى قالى هات سكترا استيراد احسن حتصلحها وتبوظ تانى بسرعة المهم انا قولت اصلحها روحت ادور على اولسيهات العلبة لاقيت واحد بس فى ميدان ابن الحكم ب 75 جنيه الطقم حسيت انه مسكور من جوه قولتله لا مشعايزه روحت لواحد تانى قالى 50 جنيه استغربت اوى فى فرق المبلغ قولت هاته بس بتاع اكسنت قالى يركب عادى رجعت على العفشجى فك العلبة والمفاجاة ان الاولسيهات مش زى بعضها رجعتله تانى قال شوف يا بنى تانى بتاعت اكسيل شاف الواد بس ده واحد تانى غير اللى جبلى اول مرة لاقى الطقم ومكتوب عليه اكسيل وجبته ب 50 جنيه ولسه حركبه بكره والعفشجى قالى مصنعية 120 جنيه على فكرة ده ارخص واحد واحد قال 150 وكده كارمك اوى حروح اركبهم بكره واقولكو النتيجة ان شاء الله