عرض للطباعة
السلام عليكم
انا معايا اكسيل هاتش ياك cc1300 اشتريتها من حوالي 4شهور وشفت معاها الويل (عمرة كاملة , عفشة ) وكانت بتاكل بنزين بغباء 150 كيلو للصفيخة حليت الكربراتير غيرتلو بيكات واكسين وبابين صرفت عله 240 جنيه وبرده ماتظبطش في الآخر اشتريت كاربرتير استيراد 1500 كهرباء بـ 500 جنيه وطلع عين المكانيكي لما العربية قابلتو .(ركبلي فيه بيكات اوسع من اللي كانت في الآخر)
السحب اتغير للاحسن طبعا
معدل البنزين 200 كيلو للصفيحة ( يعتبر مش حلو لل1300 )
بقيت احط بنزين 80 للاقتصاد شوية
على فكرة العربية بعدها بقت مريحاني وهي عربية تعتبر حلوة وخاصة قي مصاريفها رخيصة جدا بالنسبة للعربيات التانية بس انا قدامي عربية النترا 98 معاقين وحابب اغير فلو حد عندو فكرة عن العربية دي بالنسبة لقطع غيرها متوفرة ولا لأ ياريت يقولي عليها علشان بناءا عليها هاشتريها إن شاء الله وشكرا لكم وبالأخص م/ نادر
الالنترا 98 قطع غيارها مش منتشرة وهتدوخك معاها، ممكن لو عاوز عربية في نفس فئتها فكر في كيا سفيا.
شكرا جزيلا يا أخ نادر
السلام عليكم اخوكم خالد صادق عندى اكسيل 1300 94 كورى الموتور خفيف شوية يعنى اخره 130 اعمل ايه اعمر ولا اعمل طقم شنبر ولا اجيب موتور استيراد احسن افيدونى
الاخ العزيز حاتم : كل عام وانت بخير - عديت على مركز صيانة هيونداى فى الحرفيين واختبرنا العربية انا والمهندس وحدد صوت الخشونة بلية الفتيس واختار الحل الاصوب وهو تركيب فتيس استيراد واير وليس باكم لان اللى باظ واير - ارجو من الاخوة الاكسلاوية يشاركوا برأيهم - وانا هناك قابلت اخواننا الفيرناوية بيعملوا صيانة 1000 وصيانة 10000 وشكروا في المركز جدا ومديره مهندس احمد الشحات وبناء عليه قمت بعمل صيانة 1000 للفيرنا بتاعة المدام هناك - المركز مفيهوش ديكور ولا بهرجة بس بتاخد شغل صح وانصح كل اخواتنا الفرناوية يروحوا هناك ويريحوا دماغهم - اخوكم عادل .......
بدون تفكير موتور استيراد - ارجوك موضوع العمرة فاشل وهترمى فلوسك - اشترييه من البلبوشى فى اول الحرفيين ناس محترمة وبتخاف ربنا وهما اللي يركبووه عن طريق الميكانيكى بتاعهم - اخوك : عادل
السلام عليكم
عندي سؤال صغير
لو عاوز اركب باور لعربيتي ال 1300 هيتكلف كام (و المصنعية ) و هل يا ترى هيبقى كويس على العربية ولا لأ و ياريت تنصحوني اجيب من القاهرة او بورسعيد ولا المنصورة مع العلم اني من المنصورة
اقتباس:
المشاركة الأصلية كتبت بواسطة khaledsadek
مش هتقدر تحدد بدون ما الموتور يتفتح.
اقتباس:
المشاركة الأصلية كتبت بواسطة vbshar
في حدود 500 جنية بالمصنعية بس هتشتري الحجة استيراد،
يفضل من بورسعيد علشان تكون جاية استيراد من الخارج ومش
متفكة من عربية هنا ومتصلحة.