يا جماعه انا أحييكم علي الترابط الجميل ده لاجمل سيارة كوري وده من وجهه نظري الشخصيه:Ta_clap[1]:.
انا معايا إكسيل موديل 94 بموتور 1500 اوتوماتيك
بس فيه كام مشكله كده عايز اعرف حلهم:confused:
1- الأوتوماتيك:36_1_2[1]: مطلع ومكفر أيماني صارف عليه 3000 جنيه ومافيش ميكانيكي بيفهم فيه حتي إلي بيقولوا انهم صناعيه اوتوماتيك محترفين...حتي التوكيل هو كمان كان بيعك وبيفتي فيها لحد ما الاوتوماتيك بقه علي رمان بلي مش اوتوماتيك
مش هنا المشكله بس انا سلمت خلاص لقضاء ربنا
المشكله بقه انا عايز اقلب العربيه دي تكون مانيوال يعني أشيل فتيس الاوتوماتيك واحط فتيس المانيوال هل فيه مشاكل من الناحيه دي ولا لأ ؟؟ وياريت لو حد يعرف تكلفتها كام؟
2- عايز اغير لها العفشه لانها تعبانه يعني عايز اغير المساعدين والكبالن الداخليه
المشكله هنا بقه عايز اعرف لو فيه عفشه قويه وتكون ناعمه احسن من عفشتها الأصليه ياتري تكون بكام ونوعها ايه ؟
3- العربيه في الصيف لما بشغل التكييف بتبقي بتغلي نار والحراره بتبقي عاليه جدا مع اني لسه مغير الرادياتير وحاطط ميه خضرا...عايز اعرف ايه السبب ؟ وكمان بالمره عايز اعرف سعر الكومبريسور بتاع التكييف والثيرموستات بتاعته الأصلي بكام ؟
4- من حوالي سنتين كده حصلت حادثه صغيره.طلعت علي رصيف عالي بعد ما العربيه زحلقت مني بسبب بقعه زيت في الأرض وحصل أن علبه الإسكترا اتكسرت هيه وغطاء الكارتير بتاع الزيت المهم.غيرت الاتنين بس لما غيرت الإسكترا جبتها أستعمال وقالوا انها ميه ميه وسليمه المشكله بقه اني لما بلف الدركسيون يمين بترجع معايا عسل لكن لما بلف شمال بيها لازم ألفها بإيدي زي العربيه الفيات ولا كأن فيها باور من أساسه.....عايز أعرف ايه حل المشكله دي ؟
علي فكره المشاكل دي كلها تراكمت علي مدار ال 15 سنه إلي فاتت من ساعه ما إشتريتها زيرو....يعني بجد أصيله بكل ما تحمل الكلمه من معني
وللعلم العربيه دي لحد دلوقتي لا رشت بره ولا جوه والخبطات كانت بتترد علي البارد يعني من الأخر جوهره بالنسبه لموديلها
ياريت لو حد ألاقي عنده اجابه للمشاكل دي