السلام عليكم أعضاء الرابطة الكرام .......
أذيك يا زيزو طمنا عملت اية في المرور ربنا ييسر لك الاحوال ان شاء الله .......
انا يا سيدي لسة طالع من الحوار دة بس من كرم ربنا عليا خلص ..
.طبعا بعد المعاناه وخطواته كألاتي
عشان ماجد باشا هيعمل نقل ملكية والخطوات كألاتي ...
رخصة العربية من مد ينة نصر رحت مرور مدينة نصر
وسألت عشان انقل ملكية اعمل اية قالولي
اعمل شهادة مخلفات ..براءة زمة يعني عملتها ودبسوني في 100 كسر اشارة فين قال ايه قصر النيل الحتة اللي من ساعة الثورة مليانة عربيات كبدة وشاي وبطاطا قلنا بسيطة دفعنها كدة خلصنا حوار مدينة نصر ...........
نيجي بقي لمرور مدينة السلام وما ادراك مرور السلا
م يعني تقدر تقول أوس ؟؟؟؟؟
طبعا عرفتو مرور ممكن تشوفو لانة بيه حوالي 7 او 8 مناطق مرورهم
فية المهم قلت روح شوف نظام الورق وخد فكرة واشتري بكرة عشان كانت الساعة 12 الظهر ومش ممكن هلحق حاجة بس قلت اجرب وكل خطوة تتعمل هتوفر عليا رحت سألت قالولي اشتري اوراق فحص وبصمة وتجديد ونقل ملكية ووصل الكفاية وهقلوكم المصاريف مفصلا اشتريت الورق
ورحت مكان الفحص والبصمة وعملت البصمة وقعد ادور المهندس ولاقيتة وكشف علي العربية تمام والكفاية قالي غيرها عشان الصلاحية رحت كشك بافاريا واشترتها وادوني علم مصر هدية لعاصم ههههه كدة خلصنا البصمة والفحص والطفاية
رحت الشباك قالولي روح أمن التامين الاجباري لاقيت كام شركة ارتحت لاسم المصري السعودي هو كله زى بعضه والمضمون واحد انها فيردة وبلطجة بتتدفع وخلاص المهم عملتها ورحت الشباك حيث الزحااااام ومختلف انواع البشر الي كويس واللي تشوفه تكره نفسك وجيت أسال موظف الهلاك ايوة الهلاك مش الشباك عشان
كان شكل امه غلط ومنفسن اخر نفسنا عشان طبعا الرش وقف
بعد الثورة نوعا ما وبقوله انا خلصت كل الورق ياريت حضرتك تقدرلي رسوم الضريبة قالي لا بكرة أوبا ااااااااا
الكلمة المعهودة قلتله حضرتك سيادتك يا فندم يا باشا يا بركة يا يا يا يايا ااااا وهو مصمم طيب قدرلي الرسوم وادفع بكرة مفيش برضة قلت كدة كويس انا مكنتش ضامن اعمل حاجة وبعدين داخل المرور الظهر كويس اللي اتعمل دة وكانت الساعة داخلة واحدة ونص الظهر ونويت امشي
قلت ابص علي الشباك التاني لاقيت واحدة ست كدة سبحان الله فيها شئ يريح حكيت ليها القصة وقالتي برضة بكرة قالتلها يهديكي يرضيكي انا عايز اخلص عشان خاطر ظروف شغلي ومفيش اجازات قالتلي هقدر لك الرسوم بس تتدفع بكرة وتجيلي قلتلها ماشي اهو نكسب خطوة قدرت الرسوم
اللي هقلكو عليها في الاخر هههههه
معلش والف معلش انا مطول عليكم قوي قوي بس والله من فرحتي ان ربنا يسرلي الاحوال وجيلكو في الباقي احنا وقفنا عند تقدير الرسوم المفروض اروح انما ازاي وقفت في طابور الخزانة وعلي اخر 5 اشخاص الشباك قفل أوبااااا دة معناه نفس الشئ بكرة بكرة قعدنا نخبط علي الشباك لحد ملقينا رائد محترم جاي يزعق ينفع كدة قولنا له احنا واقفين من بدري راح منادي واتفتح شباك علي بابا ودفعت الرسوم والضريبة الحمد لله كدة وقفة اني اروح للحاجة اللي قدرت الرسوم بس اكسفت منها عشان وعدها ان اجي بكرة وعشان شكلي ميبقاش وحش ونويت الرحيل وخلاص جيت امشي لاقيت الظابط الرائد العسول بيكلم الست العسولة الله يباركلها قولو امين وبيقولها معلش خلصي التلات اشخاص دول وخلاص قالتله ماش يا باشا روحت نازل بالبراشوت بتاعي عليهم وقلت مجاتش من الرابع دة
الله يخليكو وترحو الحج راحو ضاحكين
والست بتاعة الشباك قالتي مش قلت بكرة يا استاذ هتيجي قلتها معلش طامعنين في كرمك اخدت الدوسية وظبطط الاوراق وتقولي صورة بطاقة اديها صورة رخصة اديها رقم بطاقة الكالك القديم اديها قولتلها
لو عايزة شهادة ميلادي وقسيمة الجواز موجودة
معايا قعدت تضحك والناس اللي واقفة خلصت وقالت استنو تحت التانتة المظله يعني وهياندو عليكم رحت وانا مش مصدق وقلت اكيد الرخصة هتبقي بكرة كنت بخاف قوي من كلمة بكرة الراجل خرج كام مرة ومعاه الرخص ويخش يجيب رخص تاني لقيت اسمي بيندهو علية رحت واخدتها مؤقتة لحد ما الدوسية بتاع العربية يجي
من مرور مدينة نصرلمرورالسلام
وعمولها ب3 شهور بقيت مش مصدق نفسي وهعيط من الفرحة
ولقيت اذان العصر بيأذ ن قولت
اللهم لك الحمد والشكر كما ينبغي لجلالك وعظيم سلطانك ان يكون
وصليت في مسجد المرو واتكلت علي الله وانا مخلص والحمد لله
ولحد دلوقتي مش مصدق
ركبت عربيي ورميت الورق والرخصة جانبي وقلت في نفسي
اللقاء بعد 3 سنوات 2014
المصاريف كالأتي
ترخيص 3 سنوات 665 جنية اكسيل 1500 موديل 95
التامين الاجباري المصري السعودي 330 ال3 سنين
طفاية الحريق 121 +علم مصر هدية مش ناسي هههههه
ورق الفحص والتجديد والدمغات كله حوالي لل3 سنين 60 جنية
النمر ميغرتهاش عشان المرور القديم والجديد داخل القاهرة بس الاول كانو بيغيروها عشان يلهفو120 جنية
وبراءة الذمة كانت مدتها 30 يوم بقت 15 دلوقتي
وعلي فكرة انا رخصتي كان فاضل فيها شهر لسة وناس ربنا يكرمهم هما اللي قالولي انقل ملكية وارخص وهي سارية عشان مخشش في تصريحات مؤقتة والكلام دة وكمان الميعاد كان في رمضان يعني كنت هروح اقول السلام عليكم والمدفع يضرب هههههههههههه
والسلام عليكم ورحمة الله وبركاته
ومحدش يدعي عليا الله يخليكو عشان الاطااااااالة بتاعتي
بس قلت من باب العلم بالشئ
وتستفادو مني انكم لما ترحو المرور ترفعو شعار نحن لا نهزم النصر او الشهادة هههههههههه
المفضلات