http://img860.imageshack.us/img860/3...26299small.jpg
http://img847.imageshack.us/img847/2082/smallm.jpg
http://img806.imageshack.us/img806/2082/smallm.jpg
عرض للطباعة
انا شايف ان الموضوع مش مستاهل كل دة التابلو شكلة خرافي وجميييييييييل جدا ويمكن اكتر حاجة بتشدني في العربية التابلوة
علي فكرة تابلوه اللانسر مش بالبشاعة الفظيعة ده.
ا/ الباز شكرا موووت على المشاركه اللطيفه دى
اولا احب اوضح ان اللانسر فعلا تابلوها جميل بدون مبالغه ممكن يكون محتاج شويه اضائه ازيد بس هوا ممتاز
بالنسبه لورق العدادات الى حضرتك اتكلمت عليه يا ريت توضح اكتر هوا شكله ايه وبيتجاب منين وتمنه كام وليه لمض لوحدة ولا بيشتغل على لمض العربيه لان اصلا عندى لمضه اتحرقت وطبعا محتااار موووت ومش عارف اعمل ايه او لو ينفع اغير نور العدادات كله اجيب لمض منين عشان دى عامله زى المخدرات طبعا انا عارف انى مش هلاقيها بالغطا الازرق بتاعها بس المهم القى المقاس ويا سلام لو فى الوان ابيض او احمر مثلا دى تبئه هايله
- انت كلامك سليم هو فعلا التابلوة شكلة حلو لكن فعلا مشكلتة فى الاضاء مهو انا كلامى كلو عن الاضاءة بدليل انى اتكلمت عن اضاءة العدادات واضاءة زراير التكييف واضائة الكاسيت الاوريجينال يعنى انا كلامى كلو ياجماعة عن الاضاءة فقط لكن التابلوة انا عارف ان شكلو جميييل لكن هيزداد جماال مع تحسيين الاضاءة
- بالنسبة لورق العداد انا شفتة فى الحرفيين كتيير وبالنسبة لاضائتة هو بينور ممتاز لوحدة من غير لمض اكيد هو فية لمض لكن مش باينة خاااالص واضائتة بتكووون تحفة وسعرة 300 جنية
- بالنسبة للمض دى مشروع فاشل لان اضائتها ضعيفة لو عايز نفس اللمبة اللى اتحرقت عندك بالكاوتش الازرق اللى عليها روح هاتها من الحرفيين استيراد تمنها 10 جنية لكن موضوع الاحمر والابيض دة مش هينفع عندنا للاسف لان اللمض اللى فى السوق كلها ماتركبش عندنا الا اذا لقيت واحد بتاع استيراد عندة اللمض اللى عليها كاوتش احمر بدل الازرق ودى بتنزل فى العربيات المكنة بتاعتها 2000 او 2400 سى سى وغالبا مش هيرضى يبعهوملك وبردو اضائتهم بتكون ضعيييييفة
اتمنى انى اكون قدرت افيدك وافيد الاعضاء
شكرا جدا على الافادة
بس يا ترى الحرفيين حد هناك هيرضى يبيع لمبه لوحدها يعنى هيقولى انا هبوظ العداد
ويا ريت لو تعرف حد هناك يبئه عملت فيا خير
وبعدين موضوع الورقه دى هيا جامد اوى بس غاليه موووت يعنى هوا العداد كله استيرا يعمله اد ايه لو هجيب بتاع المكنه ال2000
وانت قايل انك عامل العدادات احمر زى البى ام انت مغير ورقه العداد ولا دى لمض بردو
- بالنسبة للمبة هتلاقيهم بيبيعوها عادى هناك
بالنسبة لورق العداد هو فعلا فااجر
- بالنسبة للعدادت بتاعة العربية اللى هى مكنة 2000 او 2400 سى سى واللى نازلة بشكل ولون لمض مختلفة سألت عليها مرة فى الحرفيين الراجل قالى 700 جنية وماكنش راضى يفاصل نهائى
- انا ماقلتش انى عامل نور العدادات عندى احمر ممكن يكون عضو تانى
الف شكر يا باشا
هنزل الحرفيين اناردة اسال على الورقه واللمض
طب قولى سوال تانى هوا ينفع اركب تارة 2007 على ال2003 انت عارف الشكل مختلف عندى فى ال2003 شكل التارة عامل زى المكوة كدة اما ال2007 التارة بتاعتها جميله مع العلم انى معنديش اير باج وال2007 فيها
وكمان الدركسيون عندى حاسس انه تقيل شويه وبعمل صوت عالى لما باجى الف يمين او شمال دة يكون ماكينه الباور؟ وبتتصلح ولا بتتغير مع العلم بان الزيت كامل ومبينقصش
وايه انضف نوع زيت احطه للفتيس وهل ليه مصفه او فلتر وبيتنضف ولا بيتغير ؟
وعندى نتشه كدة بتحصل فى الفتيس اول اما بمشى بس الصبح بس تقريبا وتكاد تكون مش ملحوظه هل الزيت ليه تاثير فى الموضوع دة مع العلم بانى مغيرتش اى حاجه من ساعت ما جبتها وعرفش الى قبلى غير الزيوت امته ولا اصلا مغيرهاش
معلش اصلى لسه جايبها جديد وعرفش فيها حاجه