عرض للطباعة
السلام عليكم
كان عندى سؤال
انا دلوقتى شفت فى كذا عربية و من ضمنهم الماروتى ناس بتركب حاجة اسمها "شريطة ليدات" و هوا عبارة عن حبل لمض بالبلدى كدا بيتحط جوا التابلوه و بيدى منظر احسن و رؤية اوضح للعدادات و خصوصا فى الماروتى علشان نور العدادات دا خانقنى جدا
فياريت لو حد عارف حاجة عن الحوار دا يدلنا من ناحية
التكلفة
كيفية التركيب
كانت ف عربيه صاحبي بس نصيحه لما تركبهك لكبهم وشهم لجوا عشان ينوروا التابلوه جوا و مش يضربوا نورهم ف وشك و يضايقوك زي ما بشوف ناس كتير عامله
ودا شكلهم بيكون حلو ولا عامل زى شغل التكسيات والتكاتك
هوا لو العملية دى اتعملت صح بيبقى شكلها جامد و اللمض مش بتبقى باينهاقتباس:
المشاركة الأصلية كتبت بواسطة micromoud
لكن لو اتعملت اى كلام هتبقى شايف اللمض قدام عينك و كمان هتزغلل عنيك
هنا يبرز سؤال مهم، حد فك عدادات الماروتى قبل كدة؟ لو حد فكها يقول لنا بتتفك ازاى لأنى محتاج الموضوع ده علشان عايز اشحم تروس عداد السرعة لأنها ابتدت تكركر
طيباقتباس:
المشاركة الأصلية كتبت بواسطة sab3aawy
بالنسبه لنور التابلوه هوا عندي متغير بشريط ليدات وفعلا معمول من جوه بحيث ينور العداد مش ينور في وشي انا
بالنسبه للفك
هتخلع زرارين التكييف اللي عاليمين المدورين ده اول خطوة
تاني خطوة هتلاقي 4 مسامير ماسكين الفريم الاسود
هتشوفهم علطول لو بصيت عالقطعه السوده دي من ناحيه العدادات من فوق
المسمارين الباقيين هتلاقوهم في الفريم الاسود من تحت
وخدو بالكم وانتو بتطلعو الفريم الاسود ده لانه خفيف وممكن يتكسر وتمنه غالي ده لو لقيته
اعتقد كده هتفكو الاطار الاسود بالفريم البلاستيك الشفاف وهتبقى العدادات قدامكم
ده اللي انا اعرفه
لو حد عنده معلومه تانيه يقولنا
تحياتي
شكرا ليك يا جميل على مجهودك و على شرحك الوافىاقتباس:
المشاركة الأصلية كتبت بواسطة hm414
و يا ريت لو حد يعرف حاجة تانى يقولنا
انا كدا عندى تخيل شبه كامل عن عملية التركيب
بس ناقصنى موضوع الكهرباء هاخدها منين و لا من اى لمبه من لمض التابلوه اللى موجوده بالفعل؟
خلى باللك من البلاستيك الاسود لانه لو انكسر هتروح تجيبة مستعمل من عند رامى ب75 جنية
و تفك المسمارين اللى تخحت الاول و بعدين اللى فوق
و يكون معاك مفك قصير علشان يعرف يفك المسمارين اللى فوق
و بالمرة تنظف كميات التراب اللى هتلاقيها لما تفكه
السلام عليكم
دلوقتى انا فكيت المسمارين اللى فوق و اللى تحت لكن معرفتش افك البكرتين بتوع الهواية
يا ريت حد يفيدنى فى طريقة فكهم
السلام عليكم
ارجو الافادة يا جماعة علشان الموضوع عاجل
و على فكرة شريط الليدات انا نزلت التوفيقية جبته من هناك
مسافة 60 سم و ب 10 جنيه
بعد التجربهاقتباس:
المشاركة الأصلية كتبت بواسطة alking_2006
افضل طريقه لفك العدادات
هي الآتي
افصل البطاريه
فك وش الكلاكس
اخلع الطاره
فك الفبرتين اللي فوق وتحت
فك المسامير اللي وضحناها فوق
البكرتين هتشدهم للخارج باتجاه اليمين يعني هتمسكها وتخلعها
هتفك الاطار الاسود هتلاقي العدادات في وشك
فك الكابلات اللي داخله العداد من ورا
في مكان مخصص في العداد لوضع الليدات فيه في الاعلى
الشريط المطلوب لايزيد طوله عن 20 سنتي بأي حال لا المكان المخصص صغير
خدله توصيله من اي لمبه في التابلوه
انتهت العمليه
اعد تركيب كل حاجه كما كانت
تحياتي
السلام عليكم
انا حاولت اشد البكرتين لبرا علشان اخلعهم لكن مع الاسف مرضيوش
مش عارف يمكن علشان دى اول مرة يتخلعوا فيها؟