الموضوع: سرقات السيراتو كتير لييه أكيد في سبب

الاول حمدلله على السلامة يا نورمال ليك وحشه يا راجل

ثانيا ناس كتير كانت عارفه مشكلتى اللى كانت فى العربية اللى كنت كتبت تفاصيلها
هنا فى المنتدى .....ومن ضمن التفاضيل دى حكاية سقوط كود العربية وبالتالى المفتاح مش هيدور العربية غير لما يتكود من جديد ....

فى حاجتين عربية فيها ايموبلايزر وعربية مفيهاش .
العربية اللى مفيهاش ايمو سهل انك تدور العربية من خلال كنترول يونت ( ecu )
توصله بالعربية وبالتالى اللى بيجيب الكنترول بيجيب برضه معه مفتاحه

طيب هيوصله ازاى ؟؟ هيكسر الازز ؟ طب الناس بتقول مش بتلاقى ازز فى الارض !!
فى ماكينة بتفتح الازز على شكل دائرى ( زى بتوع الافلام كده ) ويفتح الباب ويدخل
يفتح الكبوت ...ويوصل للكنترول الموجود ويشيله ( سهل عبارة عن فيشة كده او كبل زى بتاع الهارد ديسك ) ويركب اللى معاه ......يفتح كنتكت ......العربية دارت فى خلال دقيقه ( والحل الامثل للموضوع جهاز انذار )

فى حالة فيها ايموبلايز ( زى حالاتى كده)

بنجيب رقم كود المفتاح من خلال ال vin اللى بيبقى موجود ف سايت الشركة
جبنا الرقم خلاص .....بنوصل العربية بجهاز كشف الاعطال ونخش على المفاتيح
(بيكون ليك مفتاحين فقط ممكن تكودهم ) ونروح مدخلين كود المفتاح اللى جبناه قبل كده ونكود عليه ...والتكويد بيكون شامل كله ( السنتر+ الشنطة + التدوير )

الايمو بقى بيكون عليه كود والمفتاح والكنترول يونت ولاازم التلاته يكون زى بعض علشان العربية تدور ( الايمو بيكون موجود مع طقم الدورة )

وهنا بقى الاختلاف بين اللى فيها ايمو واللى مفيهاش ...وبالتالى بيكون صعب جدا جدا اللى فيها ايمو تتسرق وعلشان يعمل كده محتاجله بتاع نص ساعة على الاقل

طيب ايه الحلول ؟؟

لاازم اللى معندوش ايموبلايزر يركب جهاز انذار فورا .

بقدر الامكان منخليش العربية سهل تتشال على ونش ( كل ما كانت فى شارع رئيسى
كانت اسهل ) نحاول نركنها فى شارع جنبى ( انا شفت بعينى عربية كارو بتجر عربية ف شارع فيصل الرئيسى الساعه 3 الفجر والناس شكت فيه واتقفش وقتها )

نجيب دراع الدريكسيون مش هنخسر حاجه ( 70ج ) بس هتخلى اللى جى يسرق يكسل .( ودى معلومة من حرامى على فكرة )

بقدر الامكان نخبى رقم ال vin لان من خلاله بتعرف قصه حياة العربية من خلال
المواقع المتخصصة .

اوعى تسيب مفاتيح عربيتك لحد مهما كانت الثقه فى السايس او البواب لان اوقات مش بيكون هو اللى بيسرقها بيكون حد شغال او كان شغال معه قبل كده ومن وراه
يطلع نسخه .
واحد ميكانيكى قالهالى زمان نصيحه ( مفاتيح عربيتك زى مراتك ينفع تسيبها لحد )

انا حاولت اتكلم بطريقه عامية علشان الكلام يوصل اسرع واللى عنده معلومات
اضافيه ياريت يقول وقلبى معاكم وربنا يصبر الناس على الابتلاء ده .

دى مشاركة كانت موجوده فى موضوع هنا فى المنتدى المشاركة رقم 58

ممكن يكون فيها تفسير للموضوع

http://www.nilemotors.net/Nile/20612...post3873412660

يوسفني اقولك السر في سرقة السيراتو بالذات...انا فلسطيني عايش في غزه,

العربيات دي مرغوبه جدا في غزه,,,

وفي تجار مصريين بيسرقوها وبيبعتوها ع غزه عن طريق انفاق مخصوصه للسيارات,العربيه بتعدي ماشيه من غير ما تقطع ولا يحزنون...

انا من كام يوم شفت عربيه ملاكي جيزه,,,وانهاردا شفت واحده ملاكي دقهليه ... لونها فيراني,لسه مش معلقه نمر فلسطينيه.

بس في عربيات بتيجي مش مسروقه ,,, بس الاغلب مسروقه من 2007 وما فوق.