سرقات السيراتو كتير لييه أكيد في سبب

**yasserelsayad** · 20-04-2011 11:29 AM

المشاركة الأصلية كتبت بواسطة Beeso

بص ليها ياسر أولا أنا متشكر لمشاركتك بس أنا أحب تاني أوضح للكل إني متهامتيش التوكيل ولا أي حد بموضوع السرقة وحتى مقلتش ولكن احد المشركين هو اللي قال على موضوع استخدام ال VIN في استرخاج مفتاح جديد من التوكيل بدون أي رقابة وانا لما رديتت عليه قلت إني ماقدرش اتهم التوكيل على حاجة فظيعة زي ده كده من غير دليل. أرجع تاني واقول إن الهدف من الموضوع ده حاجتين : أولا محاولة مانع سرقة عربيات أكتر والسبب التاني هو محاولة معرفة إيه السبب أو الاسباب ور موضوع السرقة بس .

ياسر باشا أخبارك إيه. بصراحة كلمة Master Key لعربية ده كلمه مستفزة جدا عشان مش عارف مين السبب في نشر إشاعة زي ده عشان فعلا هي ملهاش أي وجود في الحياة.

أرجع تاني وأقول ياجماعة الهدف من الموضوع ده مش إني اشكك في التوكيل ولكن محاولة للوصول لسبب السرقة ويريت محدش يفهم الموضوع غلط

(يجامع الناس ليوم لا ريب فيه رد الي ضالتي ) وربنا يصبر الجميع وترجع مصر امان إن شاء الله أكتر من زمان بكتير.

على فكرة انا مش قصدى حاجة لما قولتلك كدا ولا بغلطك انا بس كنت بقولك اللى ممكن يحصل لو قعدنا نقول انه حد من التوكيل واديك شوف موضوع master key دا

ياريت تبعتلى رقم العربية ولو فيها اى حاجة مميزة شوية يعنى خبطة مثلا ستيكر كدا يعنى وان شاء الله الواحد يساعد فى البحث

**Atrees** · 21-04-2011 06:05 PM

واظب علي نزولك اسواق العربيات زي سوق الجمعة وغيرة - في ناس كتير بتلاقي العربية هناك - بيبقي واحد عادي شاريها ونازل بيعها عشان يكسب بورق مضروووب - اقفشها واطلع بيها علي القسم علي طول - في ناس جابت عربياتها كدة - هما مش كتير بس حصلت

**Atrees** · 21-04-2011 06:10 PM

اه علي فكرة - الحرامي بيفتح بمفتاح معمول عند بتوع المفاتيح - نفس النقشة بتاعت الصباع بس السنون مختلفة - بيعملة قد 15 -20 مفتاح ويجرب في السريع - اللي يفتح يبقي حيدور الموتور

ودة انا شايفة منطقي جدا

بدون كسر او تطفيش - بيبقي المفتاح متسنن كذا شكل وهو وشطارته بقي

وعلي فكرة اي عربية ينفع معاها الموضوع دة في الفئة دي - بس السيراتو منتشرة وعليها الطلب وكمان بتوع معارض الايجار بياخدوها بربع التمن ويظبط هو الورق

حسبي اللة ونعم الوكيل - انا لو قفشت حرامي منهم حجيب سكينة واقطع ايدة بجد واقول دفاع عن النفس - خلية بقي يعرف يسرق بايد واحدة

**ابو ليلى** · 21-04-2011 07:42 PM

المشاركة الأصلية كتبت بواسطة Atrees

حسبي الله ونعم الوكيل - انا لو قفشت حرامي منهم حجيب سكينة واقطع ايدة بجد واقول دفاع عن النفس - خلية بقي يعرف يسرق بايد واحدة

عتريس عتريس يعنى مش اى كلام

ماهو ممكن يسرق بأيد واحده برضه بس تكون اوتو

**hmotors** · 02-05-2011 12:04 AM

المشاركة الأصلية كتبت بواسطة smartchoice

مشكلة السراتو و اللانسر البوما و الهيونداى إلنترا إن كلهم تكنولوجيا الأمان فيهم متخلفة جدا يعنى زى عربيات ال 80 فطبعا الحرامى بيروح فاتح الباب ببنسة ولا حاجة و بيقوم ملمس سلكين الكونتاكت و يقوم خالع

أنا خالى شغال فى بنك مصر و الكاميرات صورت حرامى بيسرق كاسيت عربية قديمة فى خلال 4 دقايق
الحرامى قام زانق مفك فوق أزاز الباب و قعد يحاول ينزل الأزاز سنة لحد ما نزل سنة صغيرة راح مدخل أيدية و بوزنه كله ضاغط على القزاز راح نازل معاه زى الحلاوة راح داخل واخد الكاسيت و قافل االقزاز و قفل العربية و مشى
طبعا لو هو متخصص سرقة عربيات كان لمس السلكين و خد العربية و خلع و لنا الله بس خيالكم ميروحش لبعيد أوى فى حكاية الفين كود و الكلام ده المشكلة فى ردائة الأمان فى العربيات دى ده حتى المفاتيح سهل انك تضرب زيها و ربنا يستر علينا

بس العربية ازاى بسلكتين تدور اذا فيها اموبلايزر الى تحت ده؟

.

**smartchoice** · 02-05-2011 12:33 AM

المشاركة الأصلية كتبت بواسطة hmotors

بس العربية ازاى بسلكتين تدور اذا فيها اموبلايزر الى تحت ده؟

.

أنا بتكلم على العربيات اللى مفيهاش أيموبلايزر و للأسف هو مش موجود فى كل الفئات

**hmotors** · 02-05-2011 01:00 AM

المشاركة الأصلية كتبت بواسطة smartchoice

أنا بتكلم على العربيات اللى مفيهاش أيموبلايزر و للأسف هو مش موجود فى كل الفئات

متفق معاك جدا

-

-

الموضوع: سرقات السيراتو كتير لييه أكيد في سبب

LinkBack

أدوات الموضوع

عرض

-

-

-

-

-

المواضيع المتشابهه

عطر عربيتك ، بطريقة أكيد أكيد على قد فلوسك !!

سرقات ال E-mails

لييه بقي الوات في السماعات لييه لزمه ؟؟

يبقى انت أكيد أكيد ... فعلا... فى مصر

يوم لله.. أكيد مش كتير

الكلمات الدلالية لهذا الموضوع

المفضلات

المفضلات

ضوابط المشاركة