سرقات السيراتو كتير لييه أكيد في سبب

**Beeso** · 17-04-2011 02:37 PM

سلام عليكم,

أنا بصراحة حاسس إني مش قادر اكتم جواية أكتر من كده عشان في تساؤلات كتير جدا جوايا من ساعة ماعربيتي السيراتو اتسرقت من شهر تقريبا من تحت البيت وانا كنت في مدينة نصر مش في التجمع اليوم ده .

طبعا أنا عملت كل المحاضر في كل حتة اعرفها وفي الشرطة العسكرية وبروح أسأل بس للأسف مفيش أي جديد. أنا عاوز بس نفكر سوا ليه العربية ده سرقتها كتير كده. أكيد في أكتر من سبب فأنا بس حقولكم إيه اللي في دماغي ونفكر مع بعض يمكن نعرف نوصل لجواب يريحني أنا وكل ملاك العربية ده.

أولا الأسباب

انتشار العربية الرهيب
قطع الغير المطلوبة
سهولة السرقة

نتكلم كده عليهم حاجة حاجة.

في رأي من الناس بيقول إن العربية ده عشان منتشرة جدا فهيا من أكتر العربية اللي ملاحظ سرقتها يعني بطريقة أخرى لو قلنا إن السيراتو تمثل 60 % من العربية اللي في السوق وده مثل مش أكتر فلما نسبة السرقة بتزيد فطبيعي إن تكون نسبة السرقة واضحة في أكتر عربية منتشرة. ده كلام منطقي بصراحة وانا مقتنع به نسبيا لكن ماظنش إن ده هو السبب.

نيجي للنقطة التانية وهيا إن قطاع الغير مطلوبة وده طبعا نتيجة للنقطة الاولانية وهيا الإنتشار, في ناس بتقول إنها بتتسرق عشان تتبع قطع غير وهيا تقريبا مضمون بيعها وده برده كلام منطقي بس أنا ماعتقدش إن ده السبب الاساسي.

نيجي بقى للسبب الثالت والاخر في وجهة نظري وهوا سهولة السرقه. نتكلم شوية أكتر عن الموضوع ده بقى:

أنا شايف إن أول نقطة إن الفئات المنتشره من العربية ده مفيهاش immobilizer وده طبعا كارثة في زماننا ده عشان ده بتخلي موضوع تدوير العربية بغير مفتاحها الأصلي شيء سهل جدا لواحد متحترف (يعني فني ).
الحاجه التانية بقى أنا شايف إن أكيد في معلومة فنية تم تسريبها من أحد الجهات الفنية التي تتعامل مع العربيه ده عشان مش معقول في اقل من شهرين في حوالي 60-70 عربية مسروقة وكلهم من نفس النوع علما بأن النسبة ده عليَّ جدا مقارنة بباقي السيارات (طبعا ممكن حد يقول عشان الانتشار بس أنا شايف إن الموضوع أكتر من كده)

أنا عن نفسي مقتنع إني آخر سبب ده هو أقرب واحد للصح ومع ذلك مش قادر أعمل حاجة عشان كده قلت افضفض معاكم شوية يمكن حد عنده معلومة تفدني وتفيد كل ملاك العربية ده.

أنا ليَّ بس طلب بعد اذنكم إن كل واحد عربيته اتسرقت يبعتلي ونشوف كده إيه ظروف السرقة وممكن نحاول نوصل لاي جواب وانا أأسف إني طولت عليكم

سلام عليكم

**shod90** · 17-04-2011 02:52 PM

هو حضرتك العربية بتاعتك فيها immobilizer ولا لا ؟؟

**Atrees** · 17-04-2011 03:01 PM

ربنا يصبرك اولا ويرجعهالك سلمية ان شاء الله

احنا بس عايزين نعرف ظروف السرقة وملابساتها منك - يعني من حيث الركنة - الانذار - الشارع نفسة اية - بتسيب المفتاح لحد - متواجد في المكان كتير ولا لاء - بتغطيها - حاجات من دي

ثانيا - انا شايف ان انتشار العربية هو اهم سبب

العربية منتشرة جدا فتبقي غير مميزة لعمليات البحث والكماين - وبالتالي سهل اخفاءها
العربية قطع غيارها مطلوبة بسبب الانتشار - وسوق الاستيراد وطلب الناس علية يخلي اي حد يسرق ويقطع ويبيع
العربية زي اي عربية ممكن تتسرق باشكال مختلفة - يعني ناس تقول ببتقطر - وناس تقول بتتفتح بسهولة - طيب مهو اي عربية من نفس الفئة كدة

السبب في رايي قطع الغيار - اللي بيسرق مش عايز يتمسك بالدليل اللي هو العربية - وبالتالي قطع وبيع بسرعة

المهم بقي مبداء الحرامي اصلا مبني علي اية

1- تواجد السيارة في مكان مش مكشوف
2- سهولة السرقة بدون لفت الانظار
3- نوع تامين السيارة وصعوبة او طول مدة عملية السرقة
4- الشارع وحركة المرور علية

الحرامي عايز ينجز باقل لفت للانظار وكمان بسرعة - لو لقي عربيتين راكنين بنفس الطريقو وواحدة مثلا جايب الفتيس علي ال d والتانية لا حيفكر في الاسهل ( دة مثال طبعا ) - انا عارف انها لو دارت مش حتفرق

بس انا بتكلم علي سهولة وصعوبة العملية بالنسبة للحرامي

يا رب ترجع كل العربيات المسروقة لاصحابها

**Beeso** · 17-04-2011 03:15 PM

المشاركة الأصلية كتبت بواسطة shod90

هو حضرتك العربية بتاعتك فيها immobilizer ولا لا ؟؟

هي فعلا مفيهاش immobilizer زي ما أنا واضحت قبل كده (وده على حد علمي)

المشاركة الأصلية كتبت بواسطة Atrees

ربنا يصبرك اولا ويرجعهالك سلمية ان شاء الله

احنا بس عايزين نعرف ظروف السرقة وملابساتها منك - يعني من حيث الركنة - الانذار - الشارع نفسة اية - بتسيب المفتاح لحد - متواجد في المكان كتير ولا لاء - بتغطيها - حاجات من دي

ثانيا - انا شايف ان انتشار العربية هو اهم سبب

العربية منتشرة جدا فتبقي غير مميزة لعمليات البحث والكماين - وبالتالي سهل اخفاءها
العربية قطع غيارها مطلوبة بسبب الانتشار - وسوق الاستيراد وطلب الناس علية يخلي اي حد يسرق ويقطع ويبيع
العربية زي اي عربية ممكن تتسرق باشكال مختلفة - يعني ناس تقول ببتقطر - وناس تقول بتتفتح بسهولة - طيب مهو اي عربية من نفس الفئة كدة

السبب في رايي قطع الغيار - اللي بيسرق مش عايز يتمسك بالدليل اللي هو العربية - وبالتالي قطع وبيع بسرعة

المهم بقي مبداء الحرامي اصلا مبني علي اية

1- تواجد السيارة في مكان مش مكشوف
2- سهولة السرقة بدون لفت الانظار
3- نوع تامين السيارة وصعوبة او طول مدة عملية السرقة
4- الشارع وحركة المرور علية

الحرامي عايز ينجز باقل لفت للانظار وكمان بسرعة - لو لقي عربيتين راكنين بنفس الطريقو وواحدة مثلا جايب الفتيس علي ال d والتانية لا حيفكر في الاسهل ( دة مثال طبعا ) - انا عارف انها لو دارت مش حتفرق

بس انا بتكلم علي سهولة وصعوبة العملية بالنسبة للحرامي

يا رب ترجع كل العربيات المسروقة لاصحابها

عتريس بيييييي اولا متشكر لردك وعاوز أقول لكم إنكم كلكم واحشني وبقالي كتير مبدخلش,

نتكلم على موضوع ملابسات السرقة:

أولا : أنا كنت ركن العربي في شارع منور على نسيت مكرم عبيد (يعني مش حتة مقطوعة, لو كنت ركنها تحت البيت في التجمع بجد ماكنتش حتقهر كده )
ثانيا : أنا عمري ماحد ركب عربيتي غيري وعمري مبدي مفتاح عربيتي لحد ابدا لقريب ولا بعيد
ثالثا: موضوع انذار فهيا مكنش راكب فيه انذار وده بصراحة غلط مني ولكن التوكيل يشيل جزء منه عشان هو اللي كان عمل رعب لكل عربيات التوكيل إنك لازم عشان تركب انذار لازم ترحلهم ونوعية الانذارات سيئة اللي في التوكيل أو تروح تتخانق معهم عشان يركبلك نوع كويس بس حيخدوا فلوس كتير عشان العربيه ماتخروجش من الضمان (طبعا الندم مش حيعمل حاجة دلوقتي خالص بس أنا فعلا شايف إن كان لازم اركب انذار مهما كانت النتيجة)

نرجع تاني بقى لموضوع سهولة السرقة اللي إنت قلت عليها, أنا شايف إن في سر فني الناس عرفته عن كيفية تدوير العربية ده في اقل وقت مقارنة بالعربيات التاني وده سبب جوهري في انتشار سرقتها مع احترامي لكلامك وانا مش بختلف بس نفسي نوصل لحل.

أنا على فكرة كلمت التوكيل في الموضوع ده ولل أسف عملو نفسهم ميعرفش حاجة عن كمية العربية اللي اتسرقت وكان ردهم إن العربية مفيهاش حاجة بس كان غير مقنع بنسبلي بصراحة.

شكرا

**تامر.محمد** · 17-04-2011 03:25 PM

انا معاك ان اكيد فيه سر , خصوصا ان عربيات زي الالنترا مثلا و الفيرنا , بيتسرقوا , بس مش بالكترة دي

**Beeso** · 17-04-2011 04:04 PM

المشاركة الأصلية كتبت بواسطة Atrees

بجد ربنا يرجعهالك سليمة ان شاء الله - وتكون مسروقة عشن نقلة ولا حاجة من دي وتبقي مركونة في حتة

بص انا اكيد متفق معاك ان العربية سهلة السرقة ( بس لو جينا نبص علي اخواتها الكوريات حنلاقيهم بنفس مستوي الامان مفيهوش زيادة - دة يمكن اقل

زي الالنترا والاوبترا واللانوس وغيرهم كتير

من حيث الناحية الفنية - انا معاك فيها اكيد في حاجة معينة بتسهل عملية تدوير العربية وتحريكها - زي مثلا سهولة تطفيش الكونتاكت او وصلات مكشوفة

كمان موضوع الفتح بدون الكسر دة مقلق - انا اعرف ان بتول كالونات العربيات بيعرفو يفتحوا 80% من العربيات اللي في السوق في اقل من 10 دقايق بدون كسر الزجاج - ودة ممكن يكون في السيراتو اسهل كمان - والله اعلم

بص - احنا المهم عندنا دلوقتي نجيب العربية بتاعتك

ادينا بياناتها ولونها ولو في علامة مميزة عشان لو حد شافها يقول - وانا عن نفسي حقول لكل اصحابي ان عربية ابن خالي هي عربيتك عشان يهتموا

وربنا يقدرنا ونساعد احنا كلنا اخوات

باشا ربنا يخليك وربنا مايحط حد في الموقف اللي أنا فيه يااااااااااارب عشان بجد إحساس صعب قوي إنك تنزل متلقيش عربيتك وكمان تلاقي إن البوليس متكاسل في موضوع البحث كمان.

بيانات العربية :

كيا سيراتو سودا موديل 2010 SX (جانط 17" وللأسف مفيهاش أي علامة مميزة غير إنها كانت فبريقا :( يعني كنانك بتدور على ابرة في كم اش

ربنا يعدي الايام ده على خير وتكون مصر أمان

**hmotors** · 17-04-2011 04:39 PM

ربنا يجازيك كل خير إن شاء الله، ويعوضك الأفضل يارب.

- هى عربية حضرتك كانت سمارت كى (بصمة) ولا مفتاح عادى ورموت؟
- كان بيظهر عندك فى التبلو اقصى الشمال جمب ال ABS او اليمين صورة عربية جوها مفتاح فى الصورة الى تحت؟ حاول تفتكر.

حفظ الله الجميع.

.

**shod90** · 17-04-2011 04:44 PM

المشاركة الأصلية كتبت بواسطة hmotors

ربنا يجازيك كل خير إن شاء الله، ويعوضك الأفضل يارب.

- هى عربية حضرتك كانت سمارت كى (بصمة) ولا مفتاح عادى ورموت؟
- كان بيظهر عندك فى التبلو اقصى الشمال جمب ال ABS او اليمين صورة عربية جوها مفتاح فى الصورة الى تحت؟ حاول تفتكر.

حفظ الله الجميع.

.

+1

**hmotors** · 17-04-2011 05:34 PM

المشاركة الأصلية كتبت بواسطة hmotors

ربنا يجازيك كل خير إن شاء الله، ويعوضك الأفضل يارب.

- هى عربية حضرتك كانت سمارت كى (بصمة) ولا مفتاح عادى ورموت؟
- كان بيظهر عندك فى التبلو اقصى الشمال جمب ال abs او اليمين صورة عربية جوها مفتاح فى الصورة الى تحت؟ حاول تفتكر.

حفظ الله الجميع.

.

فى انتظار رد حضرتك ....

.

-

الموضوع: سرقات السيراتو كتير لييه أكيد في سبب

LinkBack

أدوات الموضوع

عرض

سرقات السيراتو كتير لييه أكيد في سبب - انشر الموضوع فى :

-

-

-

-

-

-

المواضيع المتشابهه

عطر عربيتك ، بطريقة أكيد أكيد على قد فلوسك !!

سرقات ال E-mails

لييه بقي الوات في السماعات لييه لزمه ؟؟

يبقى انت أكيد أكيد ... فعلا... فى مصر

يوم لله.. أكيد مش كتير

الكلمات الدلالية لهذا الموضوع

المفضلات

المفضلات

ضوابط المشاركة