الموضوع: الحساسية بهدلتني !!

بسم الله الرحمن الرحيم


السلام عليكم ورحمة الله وبركاته


من يومين بالظبط كنت بلعب كورة في حتة قريبة من ترعة المريوطية .. وكان بليل ..


مع الكشافات + قرب ترعة المريوطية = هاموش ولا ناموس كتير اوي .. ولا كانة هجوم .. علينا .


المهم رجعت البيت اخدت الشاور المتين ونمت .. صحيت رجلي وايدي مليانيين حساسية .. بقالي يوميين مش

قادر كل شوية بهرش فيهم وبحاول ماهرش علشان مش يزيدو بس مش قادر لا اراديا وانا نايم بهرش ؟؟


المهم واحنا راجعيين كان فية واحد طلع له اثر من الناموس ( بؤليلة كدا ) في وشة ..

كلمت كذا واحد من الي كانوا بيلعبوا معانا ماحدش عندة حاجة غيري انا وواحد تاني بس !!


اجيب اية علاج للحساسية دي .. لاني جبت اخري منها خلاص ومش قادر استحمل اكتر من كدا !!

الله يسلمك يا دكتور ..

والف شكر ع الرد والمساعدة ..

وخليني في المرهم والاقراص وبلاش حقن :)