بصراحه اخر احترام نادرا لما بشوف سياسى فى اخلاقه , ربنا يحفظه دائما على طاعة الله و عدله , الراجل ده أديلو صوتى و الحنجره كلها كمان :biggrin2: .
بصراحه اخر احترام نادرا لما بشوف سياسى فى اخلاقه , ربنا يحفظه دائما على طاعة الله و عدله , الراجل ده أديلو صوتى و الحنجره كلها كمان :biggrin2: .
اتهام التلميع ملوش علاقة بشرف
أنا قلت كده مع إني بحترمه
الإتهام ده واضح جدا إنه للصحافة
و الله راجل محترم
الموضوع مش محتاج و ﻻ هو وقت تلميع و الناس مبقتش بتشوف و بتسكت زى زمان..... الراجل محترم فعلا..... لو تفتكروا احد حوارات منى الشاذلى معاه قالتله بس لو انت عملت كده بكره هتلاقى ناس فى التحرير بتهتف يسقط عصام شرف.... راح قالها بمنتهى الهدوء: و ماله فليسقط عصام شرف لو الناس عايزة كده.... ساعتها انا اتأكدت من ان الراجل محترم فعلا و عايز يعمل حاجة كويسة..... ربنا يكرمنا بيه ان شاء الله و يقويه على المسئولية
على فكرة اللي بيقول تلميع كلامه غلط
الراجل منزلش وخد معاه كاميرات التلفزيون والصحفيين
ده كان لوحده من غير كاميرات يبقى فين التلميع
ثم ان الراجل ده دكتور في كليتي وسمعته سابقاه ومعروف ان علاقته بالطلبة بتكون أخوية وانه متواضع جداً
صح بس إيه رأيك إنت في الخبر؟
هل ده خبر ذو قيمة؟
مايروح ياكل فول أو ياكل كافيار
ياكل في مكان شعبي أو لأ
يمكن أنا لوحدي اللي شايف إن ده إعلام تافه
حقول تاني إني بأحترم شرف ومؤيده عن من سبقه
انا باحترم الراجل دا وبحبه لله و في الله...مش عارف ليه!! :-) انا شفته طالع من محطة المترو في التحرير وكان رايح على المجلس وبدون حراسة..زمان كان رؤساء الوزراء بيروحوا الفورسيزون
رجل محترم ودا مش تلميعه عشان يضحك علينا للدرجه دى يعنى..بس تصحيح الخبر زى ما تابعته فى اكثر من مصدر قال انه تناول افطار مع شباب مش مع العائله... والفلاحين الى قابلهم كانوا فى برنامج على اون تى فى وكانوا هيعيطوا من تعامل شرف معاهم
ربنا يوفقه ويكرمه..ياريت كلنا ندعى له الحمل تقيل اوى عليه
:plusone2::plusone1::16:اقتباس:
يمكن أنا لوحدي اللي شايف إن ده إعلام تافه
حقول تاني إني بأحترم شرف ومؤيده عن من سبقه
المفروض نسمع أخبار قراراته مش أكل فين وعمل إيه وخرج هو واهلة الساعة كام
وبجد راجل محترما جدا قول ما شفته قلت راجل غلبان ومش هيقدر بس بجد خيب ظني فيه وطلع محترم جدا ولو حصل وشفته هنحنيله إحتراما