عندى دى يا بشمهندس مصطفى بس خد بالك بعد كدة :colsmil:
عرض للطباعة
ههههههههههههههههه انا بقا حصل معايا موقف قمة الاحراج
كان فية واحدة صاحبة والدتى جايلنا (هيا منقبة وانا ماعرفهاش ) فوالدتى قالتى روح هاتها هاتلاقيها فى تاكسى ومعاها بنت صغيرة بس المنقبة عارفانى
المهم رحت فى المكان ولقيت واحدة منقبة ومعاها بنت صغيرة وماسكة اكياس رحت قولتاها ازى حضرتك وشيلت البنت الصغيرة وشيلت الاكياس وقلتلها حضرتك تاعبة نفسك لية ولقيتها بتقولى بصويت انت مييييييين ؟؟؟؟؟؟؟ عاوز ايييييية ؟؟؟؟؟؟؟
فببصص حواليا فى لحظة من الرعب لقيت صديقة والدتى فى التاكسى ودى واحدة تانية خاللللص رحت نزلت البنت والكياس فى الارض ومشيت بكل هدووووووء ومن غيير ولا كلمة وركبت التاكسى مع المنقبة الاصلية (حلوة دى هه) وقلقت للسواق اطلع بسرعة والناس فى الشارع كانوا بيقولوا لبعض شفتوا الواد المجنون دة هههههه
وقعدت حوالى شهر ما اعديش من المكان دة هههههههههه ومن يومها وانا مش باروح اجيب اى حد خاللللللللللللص حتى لو كان ابويا
ههههههههههههههه حرام عليكم انا عنيا دمعت بشكل من كثر الضحك ربنا يكرمكم يا رب
نيجي بقى للاستاذ محمد (اللي هوا انا) و انا صغير كنت للأسف الشديد هااااااادي زيادة عن اللزوم بس لما بعمل عملة بتبقى التمام يعني الهدوء الذي يسبق العاصفة
الموقف اللي عمري ما هنساه كان عندنا زمان عربية بولونيز و للي ميعرفهاش هي او عربيات زمان عموما كان نظام المفتاح بيبقى مفتاح للكونتاكت و مفتاح للباب و تانك البنزين
المهم مفتاح تانك البنزين و الباب ده مفتاح عادي جدا و مفتاح الكونتاكت فيه حتة سوداء كدة بلاستيك او كاوتش (واخدين بالكم) و في مرة والدي لما رجع من الشغل جريت عليه كالعادة و شالني و باسني و الكلام بتاع كل يوم و مجرد ما نزلني و بيسلم على والدتي رحت خاطف منو مفتاح العربية لحد كدة عادي
المهم و الحاج بيتكلم مع الحاجة و انا معايا المفتاح كنت بشوف بابا بيفتح العربية ازاي يحط المفتاح في الباب بتاع العربية و يلف شمال و يفتح الاكرة و قلت اققلده و رحت ماسك المفتاح بتاع الباب (حديد بدون اي بلاستيك ولا كاوتش) و على فيشة الكهرباء و احطه في الفتحة اللي فوق و اعمل مفيش الفتحة اللي تحت مفيش و عامل نفسي بقى متنرفز و "الباب مش راضي يفتح ليييييييييه" ده انا اللي كنت بقول كدة مرة 2 3 مش اروح اجيب واحد بتاع كوالين و اسكت لأ مستمر و هوووووووووووووووووووووووو وووووووووووووب طاااااااااااااااااااااااخ ايييييييييييييييييييييييي يييييي و مفقتش غير على السرير و بابا و ماما حواليا و أول ما قمت رحت قايلهم " ميين اللي ضربني ":fdsa:
الموقف التاني كنت و انا صغير كانت عندي ظروف صحية كانت بتتطلب رعاية كاملة المهم دخلت المدرسة و والدتي مدرسة و بالصدفة تاني يوم دخولي المدرسة مدرسة الفصل بتاعة الانجليزي تمشي و والدتي تعرف و يقبلوها كمان في المدرسة بتاعتي و خصوصا في الفصل بتاعي و اول مادخلت عمال اقول هية ... مش هية ... هية ... مش هية
المهم فضلت على الحال ده لحد نص الحصة تقريبا و حابيت اقطع الشك باليقين و قلت اتنصح و اسئلها بشكل غير مباشر (اكني مش عارف امي يعني ) ما علينا و رحت قايم في وسط الفصل
ميس ميس نعم يا بابا هو مش حضرتك اسمك كذا (اسم والدتي) و عندك ولد اسمو محمود؟!:E_braces[1]: لقيتها في لحظة في الارض من الضحك و انا مستغرب هية بتضحك على ايه ( كل ده مش مقتنع انها امي ) عيل غبي :shyy:
كانت هوايا عندي العب بالعربيات و كان عندي لعب عربيات بكل الاشكال كبيرة و صغيرة و بعجل و منغير و كل حاجة و كانت عندي هواية اقعد ارسم على ورق اغير شكل الفوانيس و كدة و اظبط العربية في يوميين و بعدين اجيب طبق الغسيل بعد ماعمل كلللل الكلام ده و اعمل كراش تيست للعربية:ma: و عينك ما تشوف الا النور حط العربية في الطبق و اتنطط عليها للصبح و كسر و دغدغ وانا قافل الباب عليا و اهلي برة يسمعوا طاخ بووووم تشششششش حاجات عمالة تتدغدغ على ما يجوا يدخلوا اكون اطمنت على العربية و اخرج من الاوضة و اقفل الباب ورايا بابا يسئلني فيه ايه اققله مفيش حاجة اومال ايه اللي انا كنت سامعو ده ... مفيش و اسيبوا و امشي يدخل الوضة بقى و يلاقي جسم الجريمة منطور في كل حتة و يقعدوا يلموا فيه وانا ولا انا هنا لحد ما في مرة اترنيت علقة معتبرة و بقيت بكسر و الم
مرة تانية كان والدي و والدتي بيحبوا يناموا بعد الغداء كل يوم ساعتين كدة ولا حاجة و انا مبحبش انام خش نام يا محمود و كدة ادخل انام و ربع ساعة و اقوم اعمل اي حاجة
فمرة بقى حبيت اعمل لماما مفاجأة و انضفلها الشقة و قلت ابتدي بالمطبخ اهو بعيد عن الاوضة و مش هيصحيهم الصوت وقلت امسح الارض و جيب في مية و ادلوء قزايز بقى و اطباق تتملي و تتفضى على الارض و قال بمسح بايدي بقى (كف ايدي) و بعد مالشقة غرقت مبقتش عارف الم المية ازاي بقيت اي حاجة قماش قدامي احطها على المية تشرب اللي تشربوا و ارميها على جنب لحد ما والدي صحي يشرب و صعق و قعدوا يلموا في المية بتاع 3 ساعات ولا حاجة و رحت انا واخد بعضي و نازل واخد العجلة بتاعتي و طاير بدل ماطير انا
مرة تانية بردوا حبيت اتفلحس و اعمل لنفسي سادويتش مربى الصبح بدري كانت الوالدة مصحيتش و كان زمان علب المربة علب صفيح زي بتاعة السمنة كدا فلقيت علبة مش مفتوحة و مربة فراولة و بتندهني رحت جايب فتاحة العلب و اجرب بكل الاوضاع و اعمل زي ما ماما ماكانت بتعمل لحد ما عرفت و فتحت نص فتحة و اجي بالابهام و ارفع من الحتة اللي لسة مقصوصة بالفتاحة و رحت ساعتها داخل لماما بعلبة المربى و صباعي المقطوع و هي نايمة و ندهت عليها مامااااااا فتحت عينها لقيت علبة مربى مفتوحة بغباوة و صباع مقطوع .... اااااااااااااااااااااااه في لحظة البيت كلوا كان صاحي و بابا عمال يعمل الاسعافات الاولية و كدة
انا مش هخلص لو فتحت و عندي كلية الصبح استنوا لما ارجع و احكيلكم بكرة الباقي
لية كام موقف كدة مع العجل في الشارع و الكورة في مدخل العمارة
يالهوي قال كنت هادي قال تصدقوا اني اول مرة اعرف اني كنت مدهول قوي و انا صغير و منيل الدنيا
تصبحوا على خير
و تسلم ايديكي يا علا على الموضوع الجامد ده
موضوع جامد جدا يهلك من الضحك قريته من الأول تانى كله
بالنسبالى مش فاكر مواقف عفاريتى قوى غير كام حاجه خفاف
ابن الجيران كان اصغر منى بسنه بس مش عارف حظه كان ملطش معايا ليه فتحتله دماغه مرتين ، أخر مره منهم كنا فى الشارع وانا متخيل ان دماغه اتفتحت يعنى حته منها وقعت مثلا وبقى مكانها فاضى ، أهله طبعا طلعو بيه على المستشفى وانا خرجت الشارع ادور فى المكان اللى كان واقف فيه على الحته اللى وقعت من فتحه دماغه هههههه ، بس أهله كانو زهقو بجد من الموضوع ده وهددونا جامد المره الجايه مش هنعديها وكده فا بقيت اخد بالى منه كويس ههههه
وانا فى اعدادى كده كان لسه طالع اللعب الكاوتش زى الفيران والتعابين ، فا ضحيت وبدل ما اجيب شيكولاته جبت تعبان كاوتش ورجعت البيت عادى خالص وطلعت قعدت جنب امى فى السرير وفضلت قاعد شويه وبعدين حطيته على المخده وروحت منفوض وقايم جارى واقف جنب باب الأوضه وعمال اشاور و ازووم زى الأخرس ال يعنى من الخضه وهى تقول فى اييييه فى اييييييه ومخضوضه جدا .. على ما خدت بالها وبصت وراها فى ثانيه لاقيتها جنبى عند الباب هههههههههههه وطبعا أ خدت شويه وقت على ما اقتنعت انه كاوتش وبعدين ظبطتنى هههههه
كنت غاوى جدا أخضها مش عارف ليه
فى الشتا مثلا كل لما الاقيها هتيجى تعدل الفرش بتاع السرير اقوم منحكش اللحاف يعنى حته عاليه وحته واطيه وكده وأقوم مستخبى تحتيه وهو متلخبط علشان ميبانش ان فى حاجه تحته ، وتيجى هى تعدل المخدات وبعدين أول ما تشيل اللحاف تلاقى اللى طالعها وبيزعق من تحته حاجه كده ز الكاميرا الخفيه هههههه طبعا بتتخض خضه محترمه
وكنت برضو اخليها واقفه منهمكه فى المطبخ واقوم داخل متسحب ومخربشها بضوافرى فى رجلها واعمل صوت زى صوت القطط وهى بتتخانق طبعا تقوم راميه اللى فى ايديها
ومش ناسى برضو كنت بكره أخد العلاج جدا غير بالخناق وبرضو كانت بتديهولى بالعافيه فا مكنتش ببلعه كنت اعمل انى خدته على ما تخرج من الأوضه واقوم مطلعه راميه ورا السرير .. تيجى هى بقى كل مده كبيره تشيل السرير علشان تنضف تلاقى أجزخانه وراه ههههه والغريب انى كنت بخف
مواقف مش ناسيها برضو بس مش ليا
اخويا واختى اصغر منى ، مره زمان كان عنده تقريبا 6 سنين واختى 12 سنه وكانو بيتفرجو عل التلفزيون وبيتخانقو على القناه فا كل ما هى تغير القناه يقوم هو مرجعها تانى لحد ما زهق منها راح حادفها بالشاكوش فى دماغها .. فا هى عايزه تقول لابويا بس مش عارفه تروح تقوله ايه .. فا راحت وقفت جنبه وهى وشها كله غرقان دم (وبتشاور على جبينها) وبتقوله بابا هو فى حاجه هنا ؟ .. طبعا هو بصلها و اتخض خضه محترمه
مره ابن عمتى كان صغير برضو أقل من 10 سنين ومش فاكر ايه اللى حصل فا سابوه فى البيت ونزلو يجيبو حاجه ، وهو قاعد لاقى فار دخله الشقه ، فضل يجرى وراه لحد ما مسكه وربطه فى رجل الكنبه وجاب سكينه من المطبخ ودبحه هههههه
و الله ينور عليكى يا أخت علا خليتى المنتدى كلة يطلع الفضايح دى كلها و لا دكتور نفسانى لكى منى الف تحية
ههههههههههههههههههههههههه ههههههههه ما شاء الله ايه المواهب دى
انا بقا كنت فى البيت زى النسمه بس كان عندى ميول عدوانيه غريبه فى المدرسه , انا تقريبا ضربت كل الناس اللى فى مدرستى بكل اعمارهم واحجامهم لغايه ما المدرسين طفشو منى وكنت اسبوعيا السبب فى اولياء الامور اللى جايين يشتكو من ان اولادهم راجعين متعورين
كان عندى هوايه انى اجرى ساعه الفسحه فى ابتدائى واخبط كل العيال اوقعهم فى الارض او اخبطهم فى الحيطه ومش فارق بقا ولاد من بنات
وكان عندى هوايه ازق اى عيل واقف فوق الديسك اوقعه او اخبطه فى اى حاجه والموضوع ده انتهى بفتح دماغ اتنين وواحد ما بين عينه وكنت على شفا حفره من عاهه مستديمه , وكنت غاوى لو حد واقف مدينى ظهره اخنقه بإيدى لحد ما يكون خلاص بيطلع فى الروح وبعدين اسيبه
والمشكله ان اهلى كانوا بيبقو مش مصدقين انا بعمل كدا ازاى ده انا نسمه فى البيت والمصيبه الاكبر انى كنت دايما الاول على الفصل :) , كنت معقد نفسيا ولولا ان والدى على معرفه بأداره المدرسه كنت اترفدت من زمااان بس ربنا هدانى وعقلت من اول اعدادى
اتنقلت مدرسه فيها شويه بلطجيه اخدت علقه موووت فى اول اسبوع ليا لأنى كنت لسه عايش دور مازنجر بتاع ابتدائى ومن يومها بقيت فى حالى :)
تقريبا نفس الموقف بس كنت انا وزوجتي برا العربية والولد (سنتين) جوا العربية ومعاه المفاتيح والسنتر قفل :majd(4):
ما اقولكش .... بقينا زي المجانين بنكلم الولد بالإشارة عشان نقنعه انه يمسك المفاتيح ويدوس على الزرار :B4_592::biggrin2::10D5C8~1107::44::hlopaet_prv:
وبعد حوالي 1/4 ساعة هبل وجنان داس على الزرار وفتحنا العربية
الاجمل من كده اننا كنا تحت البيت وزوجتي معاها مفاتيح الشقة وفي نسخة من المفتاح فوق :POINTI~2[2]:
حضرتك كوميدي قوي
فكرتني بنفس وانا صغير كنت بتفرج علي افلام كتير وطبعا اكشن
كنت عايز اعرف ليه لما البطل بيضرب واحد علي دماغه بيغم عليه فقمت جايب قطه صغيره وعصايه و.................
ومره مسكت عصافير وجبت بنزين و.............
كنت مجرم مجنون
ومره كنت هولع في البيت. كنت عايز اعرف لما اجيب بنزين علي جاز علي كحول يعملو ايه
وعملت كده فعلا ولقيت حاجات بتطير كده واتخضيت ووقعت الحاجه علي السجاده والحمد لله ربنا سترها