مين بيصلح عدادات في الهرم او فيصل ؟

**zegzaag** · 17-04-2011 05:56 PM

يجماعه العداد بتاع السرعه الكيلو متر مش شغال لكن التابلوه كلو شغال الار بي ام الساعه عدادت الحراره والبنزين

انا رحت للكهربائي قالي العداد ليه واحد متخصص عدادت بس والميكانيكي قالي دي مش شغلتي

على حسب الي شايفو والي قالوهولي فيه سلك اتقطع او حاجه زي كده

فلو حد يعرف حد كويس فالهرم او فيصل وتقريبا يتكلف كام ؟ لاني بيضحك عليا حلو اوي

وشكرا ليكو على القراءة والاهتمام

**zegzaag** · 17-04-2011 10:02 PM

يجماعه لو حد يقدر يفيدني بمكان اصلح فيه عداد السرعه وعداد الكيلو متر اتمنى يفيدني

اقرب واحد اتقالي عليه فميدان الدقي وانا ففيصل يعني بعيد بالنسبه ليا

**momo44** · 17-04-2011 11:12 PM

اللى اعرفه فى مصر الجديدة

**maka** · 18-04-2011 12:48 AM

فيه و احد عند مترو ام المصريين وواحد تانى فى اول التلاتينى عند العمدة بتاع المرسيدس

**amrelsaqqa** · 18-04-2011 12:56 AM

.لو المشكلة في الواير اللى بيربط بين العداد والفتيس تبقى سهلة
ولو انت غاوى ممكن تعملها بنفسك وتجيب واير جديد وسعره مش هيعدى 20 - 30 جنيه

**zegzaag** · 18-04-2011 03:16 AM

المشاركة الأصلية كتبت بواسطة maka

فيه و احد عند مترو ام المصريين وواحد تانى فى اول التلاتينى عند العمدة بتاع المرسيدس

اولا اشكرك جدا على ردك الجميل وان شاء الله هروح لواحد منهم

المشاركة الأصلية كتبت بواسطة amrelsaqqa

.لو المشكلة في الواير اللى بيربط بين العداد والفتيس تبقى سهلة
ولو انت غاوى ممكن تعملها بنفسك وتجيب واير جديد وسعره مش هيعدى 20 - 30 جنيه

شكرا جدا على الفكره يا صديقي
يعني اجيب انا الواير واخلي حد يركبو ولا تركيبو سهل ؟

**amrelsaqqa** · 18-04-2011 03:23 AM

المشاركة الأصلية كتبت بواسطة zegzaag

اولا اشكرك جدا على ردك الجميل وان شاء الله هروح لواحد منهم

شكرا جدا على الفكره يا صديقي
يعني اجيب انا الواير واخلي حد يركبو ولا تركيبو سهل ؟

هو تركيبه مش سهل اوى لأن لو عربيتك كرسيدا يبقى هتضطر تنزل تحت العربية تحت الفتيس عشان تركب الجديد وتعديه من حوض العربية لجوة الكابينة عند العدادات

لو متأكد ان الواير بس اللى بايظ والعداد نفسه سليم ، اشترى الواير وروح لميكانيكى عادى والواد بلية هيركبهولك ، لأنهم بيعرفوا يفكوه ويركبوه لما بينزلوا الفتيس

بس ده لو انت متأكد ان العداد نفسه سليم والواير هو اللى فيه المشكلة

هو العداد كله مش شغال ولا السرعة شغالة بس عداد المسافة (الكيلومتر) هو اللى مش شغال ؟

**zegzaag** · 18-04-2011 12:07 PM

المشاركة الأصلية كتبت بواسطة amrelsaqqa

هو تركيبه مش سهل اوى لأن لو عربيتك كرسيدا يبقى هتضطر تنزل تحت العربية تحت الفتيس عشان تركب الجديد وتعديه من حوض العربية لجوة الكابينة عند العدادات

لو متأكد ان الواير بس اللى بايظ والعداد نفسه سليم ، اشترى الواير وروح لميكانيكى عادى والواد بلية هيركبهولك ، لأنهم بيعرفوا يفكوه ويركبوه لما بينزلوا الفتيس

بس ده لو انت متأكد ان العداد نفسه سليم والواير هو اللى فيه المشكلة

هو العداد كله مش شغال ولا السرعة شغالة بس عداد المسافة (الكيلومتر) هو اللى مش شغال ؟

هو التابلوه في عدادين اربي ام وسرعه جميل ؟
الار بي ام شغال مفيهوش حاجه والساعه شغاله وعدادت البنزين والحرارة كلو شغال
لكن عداد السرعه والي فيه الكيلو متر مش شغال لا بيحسب السرعه ولا بيعد الكيلو مترات الي بيمشيها
مش كده يبقى السلك بس اتقطع صح ؟ على حسب كلام الكهربائي يعني يمكن يكون بيهجص بردو
ولو حبيت اجيبو اجيبو منين ؟

**graffittiii** · 01-05-2011 02:42 AM

بص ياباشا موضوع العداد ده حاجة من الاتي:
1- ياما العيب في حاجة اسمها بيبة السرعة ودي متعلقة بالفتيس فالحالة دي لازم تتغير والميكانيكي هو اللي هيغيرها وبعد كده ترجع لبتاع العداد هيشغله عادي.
2- او يكون الواير اللي بيربط بين البيبة دي اللي ف الفتيس وبين العداد يكون مقطوع وهذا هو الارجح.
3- او يكون العيب في العداد نفسه وده امر مستبعد تماما ونادرا اوي انه يحصل.
في اي من الحالات الاتيه انت محتاج واحد بتاع عدادات وعلي كل الحالتين الاول والتانية تكلفتهم بسيطة لو الواير مقطوع هيركبلك واير سعره من 30 الي 50 ج حسب النوع ( لااعتقد النوع له تاثير كبير لكن هيقولك ده واير ياباني واشياء من هذا القبيل ماعرفش انواعهم بتفرق ولا لا لانه مجرد سلك عادي ).

**swimmer25** · 01-05-2011 08:31 AM

انت رحت لميكانيكي بصلك عليه ولاقاه مربوط علي الفتيس كويس
حصلت معايا قبل كده والميكانيكي قالي روح لواحد بتاع عدادات وعملي حوار
وبعدين مكنتش اعرف حد المهم بصيت علي سلك الفتيس لاقيته مفكوك بسيط
هو حاجة زي صامولة راكبة علي الفتيس وماسكة السلك
المهم رحت للميكانيكي خليته يربطه والعداد اشتغل
هما بس الميكانيكية بيستهبلوا فجرب كده الاول اللي قلتهولك وشوف