ياريت حد يفيدنا عن عيوب تقفيل الجين 2 لأنى سمعت من ناس معاهم العربية وبيشتكوا من عيوب التقفيل فى الجين 2، وهل توجد عيوب شبيهة فى الواجا؟ أم الواجا تختلف تماماً عنها؟
وشكراً على التوضيح.
م/أشرف
عرض للطباعة
ياريت حد يفيدنا عن عيوب تقفيل الجين 2 لأنى سمعت من ناس معاهم العربية وبيشتكوا من عيوب التقفيل فى الجين 2، وهل توجد عيوب شبيهة فى الواجا؟ أم الواجا تختلف تماماً عنها؟
وشكراً على التوضيح.
م/أشرف
الواجا يطلقون عليها في ماليزيا جوهرة بروتون و هي الأفضل بين سيارات بروتون المطروحة في مصر علي مستوي التقفيل.اقتباس:
وهل توجد عيوب شبيهة فى الواجا؟ أم الواجا تختلف تماماً عنها؟
و هذا لا ينفي وجود بعض الملاحظات البسيطة و الفردية مثل أصوات تزييق بمسند اليد و تعليق في الأكر الداخلية.
و لكن بصفة عامة تقفيلها رائع و من خامات ممتازة و يا ريت تركب واحدة و تشوف بنفسك.
أما الجين 2 فأترك التعليق لأصحابها :)
الجين 2 بإختصار شدبد :
" سيارة رياضية قوية جدا - ماتور ممتاز - ثبات فوق المتوقع (تصميم لوتوس) - إمكانيات فوق الفئة السعرية بمراحل -
ABS - EBD
ده غير الساوند سيستيم المحترم جدا - غير الجنوط الإسبور - غير الصاج المحمل - مثبت السرعه - مرايات كهرباء - كراسى سبور- function wheel
كل ده فى أى عربية لا يمكن يكون بالسعر الوهمى ده و فى المقابل :
عندك عيوب بقه تقفيل ذى :-
joy stick بتاعت المرايات ممكن تعلق - ممكن زرار إزاز يعلق
ممكن يجيلك صوت مع لف الدريكسيون (تزييق)
تقريبا هى دى بس الحاجات و كلها التوكيل بيحلها ده طبقا لمعلوماتى
لكن العربية مفيش فيها أى عيوب أساسية ولا عافشة ولا موتور ولا فرامل ولا أى حاجة من دى خالص
و إسمع رأى أى واحد راكبها و هو يقولك و لما تيجى تستلم دقق أوى عشان تتفادى العيوب دى قدر الإمكان و إوعى تستلم عربية عاملة أكثر من 40 كم إللى همه بيكونوا معمولين تيست فى بلدها 40 ده أقصى تقدير على ما أعتقد لكن حد يقولك 100 أو 200 دى تبقى مشيت
و العربية بالنسبة للعزل و كده ده نضيف متقلقش :)
أنا دلوقتى فى حيرة بسبب الآراء المتنوعة اللى الواحد بيسمعها شوية عن الواجا وشوية عن الجين 2 وغيرهم وغيرهم، ياريت حد فعلاً يريحنى ويقوللى لو عايز أشترى عربية فى حدود 85 ألف جنيه، أشترى إيه بالضبط، وممكن تزيد حاجة بسيطة لو ضرورى، يعنى بالكتير قوى 90 ألف، وفى نفس الوقت مانيوال مش أوتوماتيك لأنى مش غاوى الأوتوماتيك؟ بشرط :
1- توفر قطع الغيار بسعر معقول مش مبالغ فيه وسهولة الصيانة.
2- العربية تتحمل إنها تشتغل حوالى 5000 كيلومتر فى الشهر، مضطر لأن ديه طبيعة عملى إنى أسافر بيها كتير.
3- الموتور والعفشة يكونوا معمرين يعنى يعيشوا معايا، لأنى باعمل حوالى 50 ألف كيلو متر فى السنة.
4- إستهلاك البنزين يكون إقتصادى لأنى باسافر كتير بيها.
5- مش بافكر أبيع بسرعة لأنى من النوع اللى بيحب يقتنى العربية اللى معاه.
6- تكون نوعاً ما عائلية، مش شرط تكون عائلية قوى.
أنا بصراحة ميال جداً للواجا، ولكن مش عارف أرسى على رأى، مرة أفكر فى اللانسر الخليجى اللى فى حدود نفس السعر تقريباً، ومرة أرجع تانى للواجا، صدقونى ياجماعة ديه حاجة تحير جداً، وخصوصاً إن بالنسبة لى المبلغ ده مش قليل.
ياريت حد من أهل الخبرة يفيدنى ويدينى إرشادات أقرر من خلالها.
وأشكركم جداً على مشاركتكم للآخرين،
م/أشرف
شايفك كده بترسم على نيسان صنى هى تقريبا المواصفات المطلوبة من غير فصال :) و إرجع لسبعاوى و إنت تعرف
أنا سامع عن النيسان إن قطع غيارها غالية، بالإضافة إلى إنها تقفيل مصرى وخايف منه بصراحة، كمان سعرها متهيألى يعدى الـ 90 ألف.
كل اللي حضرتك قولتة هتلاقيه في الواجا لاكن موضوع انك بتعمل 50 الف في السنة وعايز عاربية تعيش (اكيد تقصد بكلمة تعيش ديه علي الاقل 10 سنوات) يبقي بحسبة صغيرة انت عايز عربية موتورها وعفشتها تعمر معاك ل 500.000 كم يعني نص مليون كم
بيتهئيلي انت كده محتاج معجزة مش عربية !!!
بس لو عايز عربيات معمرة قريبة من الرنج بتاعك يبقي خليك في الانسر ولو تقدر تذود جيب السوبارو عشان ديه اكتر عربية تستحمل الخدمة الشاقة في الرينج ده
ياجماعة ماتنسوش إن معظم إستخدامى للعربية هو سفر، يعنى على طرق سفر، عارف إنها بالمقاييس المصرية تبقى طرق تعبانة، ولكن فيه فرق مابين إستعمال العربية فى سفر وبين إستعمالها داخل البلد، أكيد الألف كيلو جوه البلد تعادل مثلاً عشرة آلاف بره البلد، واللا أنا غلطان؟
الدليل على كده، إنى حالياً معايا عربية Citroen AX وموديل 95 وعاملة حوالى 250 ألف كيلو والحمد لله ماشية معايا زى الفل بقالها دلوقتى حوالى أربع سنين، يبقى المفروض بالمقاييس ديه الحديث يعيش أكتر.
ياريت حد يصحح لى وجهة نظرى لو أنا غلطان.
كده يبقا مافيش غير اللانسر 1600 مش 1300 كمان
هو اكيد لما تبقي بتراعي العربية وايدك فيها عمرها بيطول واكيد برضوا المشاوير الطوالي اقل اجهادا للعربية (بشرط عدم القرص) بس انا شايف ان ده معدل استخدام كبير انا شخصيا بستخدم العربية بمعدل 30 الف سنويا وشايف انة كتير !!!
فيفضل انك متخرجش بره الياباني والافضل لو الماني بس انت عايز قطع غيار وخدمة صيانة سهلة يبقي خليك في الياباني
أنا حقيقى متشكر جداً على الردود والمشاركة ياجماعة، ده بيريحنى فعلاً إنى ألاقى حد بيفكر معايا وخصوصاً إنى مش خبير فى عالم السيارات.
أنا برضه متهيألى إن أفضل إختيار مناسب لى هو اللانسر، وبالتخديد الـ 1300 علشان إستهلاك البنزين، لأن متهيألى إنه يبفرق عن الـ 1600، واللا إيه؟
أنا رأيى من رأى أبو نورا ... خليك فى اليابانى ... عندك لانسر خليجى أو تويوتا ياريس و ممكن سيريون بس حضرتك بتقول عايزها عائلية و السيريون شنطتها مينى خالص ...
مابيفرقش تقريبا خالص دلوقتى لأن مبقاش كاربيراتير و ضخ البنزين بقى رشاشات (injection) ( حقن وقود )اقتباس:
أنا برضه متهيألى إن أفضل إختيار مناسب لى هو اللانسر، وبالتخديد الـ 1300 علشان إستهلاك البنزين، لأن متهيألى إنه يبفرق عن الـ 1600، واللا إيه؟
يعنى انا لما كان معايا ال 1300 اكسنت هى هى فى استهلاك بنزين الألانترا 1600 .........
a7'ook
Sherif
اية يا عم شريف اللي بتقولة دة حرام عليك
ال1300 من 1600
فرق في البنزين بين السماء والارض
وكمان المانيوال من الاتوماتيك
عموما عايز عربية توفر بنزين هات لانسر 1300
استهلاك بنزين قليل
عربيو معمرة
بس مضيفتش حاجة (العربية منتشرة اووي )
ودة عيب وميزة
وتقريبا اللانسر خالية من العيوب الا انت وحظك بقي
انا مثلا واحد صاحبي جابت منة جير بوكس
حظة كدة
بس عيبها الوحيد خفيفة شوية مش زي الكورولا بس شوية بالذات اللي بطاسات مش سيورت
2 واجا
عايز عربية عائلية اووي اووي
وبرستيج ناس كبار مش شبابي خالص
بس فيها بردة عيوب تقفيل بس اقل من الجين 2
وثبات ممتاز وصاج قووي جدا
بس تقيلة اووي في السحب (الشد انسي )
ودة عن تجربة
بس عربية تحفة
3 الجين 2
شكل تحفة
كماليات رهيبة
ثبات ممتاز
تقفيل متوسط (عموما العيب دة في الماليزي كلة وان كانت الويرا اقل واحدة )
صاج كويس بالنسبة للجديد (ميزة في البروتون كلها )
عزل الهواء ممتاز
العربية خمالة قسية بصراحة انا بهدلتها
ومش بتقول لا خالص
انا عامل 30 الف في 10 شهور تقريبا
وجري وحرق وزي الفل
موتور عفي اووي
حتي الاتوماتيك
ممكن تقابلك شوية مشاكل هبلة كدة في الاول
والتوكيل بيعملها مع الصيانة في الضمان
مثلا الزجاج او زرار المرايا او صوت في الدريكسيون وانت بتلف
كل الحاجات دي هبلة مش بتأثر معاك
لانك بتعملها وانت بتعمل صيانة بالمرة
مش عيب يوقف العربية
وممكن حظك يكون كويس ومتقابلش اي حاجة من دول
زس واحد صاحبي
يعني من الاخر هيا ارف :mrgreen:
والمانيوال موفرة في البنزين جدا جدا
الاتوماتيك سيئة
وانا كنت فاكر ان عربيتي بس اللي كدة
طلع معظم ال 1600 الاتوماتيك بتاكل بنزين كتير
واحد صاحبي معاة لانسر اتوماتيك 1600
بيعيط من البنزين
بردة
من الاخر عايز توفر بنزين
هات 1600 مانيوال
او 1300 اي حاجة
من الاخر لازم تحدد الاول هدفك
عربية شبابي (جين 2 او لانسر )
عربية ناس كبار (واجا او لانسر )
ومقدرش اتكلم عن اللانسر طبعا
بس قصاد الجودة العالية ومفيش غيوب تقفيل
شكلها كلاسيك اووي
وتابلوة عادي جدا
زي ما قولتلك ماضيفتش حاجة
انا نسيت اقولك حاجة
ان مش كل العيوب دي قابلتني في العربية
بس انا بحاول اذكر كلة اللي سمعتة من الناس في التوكيل
وبالنسبة للواجا
انا مجربتش بنفسي بس سمعة بردة شوية حاجات عبيطة كدة
الريموت مش عارف اية
وزرار مش عارف اية دخل ومخرجش
كدة يعني
بس مشاكل مشاكل
مش عارف بصراحة
اصحابها يفيدوك
بس كل الناس بتشكر فيها اووي
ياجماعة أنا بجد متشكر جداً على الإهتمام والرد ومحاولة المساعدة بالرأى، أنا فعلاً خلاص أخدت قرارى وربنا يسهل وهاشترى لانسر 1300 مانيوال للأسباب التالية:
1- زى ما أنا ذكرت إنى باعمل بالعربية حوالى 50 ألف كيلو متر فى السنة، اللانسر عربية موجودة من زمان وكتير عدى بيها مئات الآلاف من الكيلومترات بدون مشاكل، وقدامى باشوف ناس معاها عربيات موديلات التسعينات وشغالة معاهم زى الفل، فى حين إن الواجا والجين 2 عربيات أسمع إنها كويسة ولكن ماحدش جرب أخبارها إيه بعد الـ 100 ألف كيلو مثلاً!!! وبالتالى الموضوع بالنسبة لى مش متحمل إنى أجرب.
2- اللانسر كتير يعرفها كويس وعربية زى ما بيقولوا "بياعة" يعنى لو لأى ظروف إحتجت فلوسها هالاقيها.
3- حاجتها موجودة فى كل حتة ومش شرط فى التوكيل.
4- إرتياح نفسى بعد المقارنات الكتير اللى عملتها.
صدقونى أنا مبسوط جداً للمشاركات اللى بتتم فى المنتديات عموماً، ماتتخيلوش بتساعد ناس كتير أد إيه، أشكركم جداً يا جماعة وأتمنى إنكم رغم إنى بإذن الله هاشترى لانسر تقبلونى معاكم عضو فى منتدى البروتون لأنها بصراحة عربيات كويسة مبدئياً، ولكن مستقبلها إيه أنا ماعرفوش لسه، يمكن ييجى الوقت اللى الواحد يبيع فيه اللانسر ويشترى بروتون، مين عارف.
المهم إنى دلوقتى دخلت فى طريق حيرة تانى وهو شراء اللانسر الـ 1300 من الوكيل وللا خليجى؟ والمفروض تكون فيها إيه لأنى سمعت إن الخليجى فيه أشكال وألوان على أد ما تقدر تقول قول، ولسه باتأكد من الحاجات اللى المفروض تكون موجودة فى العربية قبل ماشترى.
وادعو لى بالتوفيق من فضلكم.
أشكركم جداً جداً جداً
م/ أشرف
ده إنت تنور نايل موتورز فى أى قسم يا باشمهندس :) هنا الكل إخوات بروتون أو دايوو أو كيا أو رينو كلنا إخوات و تنور فى أى مكان :)
و مبروك مقدما إن شاء الله على اللانسر
رأييى تجيب ضمان وكيل بس تلف و تروح تسأل لأن الأسعار بتختلف من تاجر لموزع وهكذا و إسأل الناس فى قسم ميتسوبيشى أدرى منى أكيد :) أهم حاجة تجيب كلبش و إنذار و غطى للعربية و مش تركنها فى حته مقطوعه و ربنا يباركلك فيها إن شاء الله
بوص اسأل ولف ودور كتير
وانا واحد صاحبي عندة معرض في مدينة نصر
حأسئلهولك ان شاء اللة النهاردة
انت عايزها 1300 مانيوال
ورأيي قم بوضع الموضوع في المنتدي الاجتماعي عشان ناس كتير جابت لانسر
ومعاها لانسر وكان لسة عضو كاتب عن الموضوع دة وبيقول انة اشتراها من المحمل موتورز
اللي في شارغ الطيران (جنب بيتي :mrgreen: )
حقيقى ياجماعة أنا مش عارف أشكركم إزاى، بجد إحساس جميل إن الواحد يلاقى حد يديله رأى ونصيحة جادة وموضوعية بناءاً على خبرته الشخصية.
أنا فعلاً بدأت أسأل وادور وصدقونى إتعلمت حاجات كتير وعرفت حاجات كتير عن اللانسر والخليجى والأرنى والمصرى وإيه الفرق بالضبط وفعلاً فى الآخر قررت إن شاء الله إنى أشترى الـ 1300 المانيوال بضمان الوكيل "مصرية" لأنى مش مطمن من ناحية الخليجى أو الأردنى وخصوصاً إن مصدره مش مضمون أبداً.
وعلى فكرة برضه، أحب أعرض معلومة عرفتها عن اللانسر الأردنى يمكن تفيد أى حد، وبرضه إن شاء الله هاعرضها فى منتدى اللانسر وباقى المنتديات، إن اللانسر الأردنى بييجى من غير وحدة إسمها EGR، واللى عرفته إن دور الوحدة ديه حاجتين :
1- مهمة جداً لمعالجة وتنقية العادم علشان الحفاظ على البيئة.
2- مسئولة نوعاً ما عن تخفيض مستوى إستهلاك البنزين فى العربية.
ونتيجة الحاجتين دول، عدم وجودها بيخللى الـ HP "قوة الحصان" أقل من مثيلاتها.
وده السبب إن الأردنى أرخص من أى حاجة تانية، ولكن غير كده مافيش أى فرق تانى فنى يتخاف منه.
الكلام ده أنا عرفته عن طريق مركز أمير وجوزيف، لأنى بصراحة إتصلت بيهم علشان آخد رأيهم الفنى بالنسبة لإختيارى.
أرجو إن الكلام ده يفيد ناس كتير.
بالنسبة للأسعار اللى جات لى حتى الآن بتتراوح ما بين 89000 و90000 بالكاسيت الأصلى، ولسه باسأل واحاول أوصل لأفضل عرض ممكن وربنا يسهل.
يمكن محتار شوية من ناحية اللون لكن بافكر فى اللون الرمادى الميتالك "الفيرانى"، أسمع إنه مش بيبان فيه عدم النظافة زى باقى الألوان، إيه رأيكم؟
لانسر 1300 او 1600 لانسر 1300 او 1600 لانسر 1300 او 1600 لانسر 1300 او 1600
يلريت تخلي الاختيار مابين 1600 CCعلشان التكييف والسفر
DR/EHABABDELHAFEEZ
فعلا اللون دة ممتاز
والسيلفر العادي ممتاز
والنبيتي تحفة علي اللانسر
بس الاسود في اللانسر ولا كلمة مش طبيعي
دة رأيي طبعا
انا كنت حاجيب لانسر سوداء