أعمل إيه أنا زهقت خلاص .. ؟!

**Mzeid** · 16-04-2008 06:16 PM

يا جماعة أنا زهقت خلاص ..
أنا المفروض إن أنا في السنة الثالثة هندسة بحرية في الأكاديمية بس لسة متعلق في الترم الأول لأن الترم دة المفروض تدريب بحري على مركب بتاعت الكلية بس أنا جالي تدريب تبع الكلية على مركب تانية أحسن بس للأسف المركب دي رايحة أمريكا و علشان كدة أنا قدمت على التأشيرة - crew member visa - و دي التأشيرة بتاعت أطقم السفن أنا و 3 زمايلي من 24 - 9 - 2007 و لسة ما أخدتهاش و الحكاية دي ضيعتلي سنة دراسية كاملة و عاملة لي مشاكل في الكلية قولوا لي أعمل إيه .. ؟ !
مع العلم إن الكلية رشحتنا أنا و زمايلي للشركة و خلاص و رفعت إديها و بس على كدة ..

**aif** · 17-04-2008 12:06 AM

طب ما تشوف مركب تاني وبلاش بتاع امريكا ده
بلا امريكا بلا شيكا بيكا
انا قصدي بلاش تربط نفسك بالمركب ده وشوف حاجة تانية وليكن مركب الكلية اللي بتقول عليه ... مش ينفع كده

**محمد المشد** · 17-04-2008 11:09 AM

فعلا لاتقف عند مركب ماما امريكا ديت 000 وابحث عن مركب اخر ! إلا اذا كنت ناوى تروح ومترجعش 00 دة شىء اخر 000 المهم بلاش تنتظر لانك هتنتظر كتير !

**goodwave** · 17-04-2008 11:51 AM

السلام عليكم

بحكم عملي في مجال الملاحة أقدر أقولك إن كونك "مصري" الجنسية وعاوز تسافر أمريكا لأول مرة دة صعب جدا جدا جدا .... مش بس مصري لا عربي ومش بس كدة لأ ولو هندي او باكستاني او فليبيني كمان..... أمريكا دلوقتي عاملة رعب في كل موانيها وأصبح الدخول صعب جدا جدا جدا..... ولكن أحب أسألك سؤال.... إنت عاوز فيزا لأمريكا لية؟ إلى حد علمي إنت أكيد معاك "Seaman's book" وبناء علية فإنت ممكن تطلع على أي مركب وتسافر معاها ولكن في بعض البلاد زي أمريكا لا تستطيع النزول من المركب نهائيا طوال فترة تواجدها في الميناء وإذا نزلت فصاحب المركب بيدفع غرامة لهيئة الميناء وبيكون فية تكلفة وضع حراسة على المركب لكل فرد من الطقم لا يمتلك فيزا لأمريكا.

نرجع لسؤالك وطلب النصيحة..... أنصحك إنك تطلع على اي مركب تاني و"تزفر" بسبورك وتكتسب خبرة البحر وبعدين تفكر في أمريكااو أوروبا لأان الناس دول بيفحصوا كل الملفات القديمة وبيشوفوا لو دي اول مرة سفر ليك .... يبقى أكيد حيكون موقفك صعب !

**cazanova555** · 17-04-2008 07:08 PM

طيب انت ممكن تعمل شكوي او ترفع طلب لعميد الكليه او المسئول

لان حرام تضيع سنه من عمرك علشان عدم نظام من ناحيتهم وانت مالكش زنب

او علي راي الاخوه الاعضاء شوف مركب تانيه وكمل وربنا معاك

متنساش تطمنا يا كامارو عملت ايه

ربنا معاك يارب

**tmz9111** · 17-04-2008 08:37 PM

ربنا معاك وربنا يوفقك

**Mzeid** · 18-04-2008 02:35 AM

شكراَ لكم جداَ يا جماعة بس للأسف أنا مش هينفع أشوف شركة تانية علشان دة هياخد وقت طويل بس الحمد لله في أخبارالنهاردة بخصوص الموضوع دة فالحمد لله العملية هتمشي و هي خلاص بقى قربت بعد الأخبار دي ..
:):)

الموضوع: أعمل إيه أنا زهقت خلاص .. ؟!

LinkBack

أدوات الموضوع

عرض

أعمل إيه أنا زهقت خلاص .. ؟! - انشر الموضوع فى :

-

-

-

-

-

-

المواضيع المتشابهه

انا خلاص زهقت

انا خلاص زهقت

زهقت خلاص ومش مقتنع

أنا خلاص زهقت

خلاص زهقت حد يساعدنى

الكلمات الدلالية لهذا الموضوع

المفضلات

المفضلات

ضوابط المشاركة