علم وجارى التنفيذ
عرض للطباعة
علم وجارى التنفيذ
الاسلوب عنيف شويتين مش شوية , اولا مافيش حاجة اسمها قانون , فانون دى تنتبطق فقط على القوانين الحقيقية اللى فيها قضاء وانما مافيش منتدى فية قانون , تقدر تقول قواعد او اراشادات , انما قانون دة كبيرة شوية , و بعدين كل البنود ممنوع ممنوع . طيب اية اللى مسموح ,
و العقوبة انزار و طرد و ايقاف , عشان اية كل دة ,
اظن اى حد بيدخل يشارك اول مرة لما حيشوف القوانين دى , اعتقد حيتخض من كمية القوانين والعقوبات .
انا مش ضد النظام او حاجة , انما يعنى معظم اللى بيشركو ناس عاقلة و مش محتاجين كل القوانين دى و كل الممنوعات دى ,
انا شخصيا بعد ما قرائت القوانين دى , حاسس انى محتاج محامى معاية يراجع كل مشركة قبل ما اكتب اى حاجة .
المنتدى فى البداية كان بسيط و سهل و الناس كلها اخوة , معرفش اية اللى اتغير و بقى محتاج كل القوانين دى و الممنوعات دى .
هههههههههههههههههههههههههخلينا مرة واحدة نحس اننا عندنا نظام بنمشي بيه ونستمتع بتطبيقه زي الناس المحترمة اللي عايشة بره.
جامدة اوي منك ديه يا استاذ واو.
بس احب اوضح لحضرتك ان مع زيادة عدد الاعضاء برده بيزيد عدد الاعضاء المستهترين واللي ممكن يعمل مشكلة للاعضاء الملتزمين. يعني مثلا لما يبقى فيه 5 او 6 اعضاء غير ملتزمين وبيفتحو مواضيع مش في مكانها وبيكتبو باللون الاحمر او اسلوبهم في الكتابة مش لاءق مش هايأثرو على المنتدى زي مايكون فيه 400 عضو مش فاهم او مستهتر دول ممكن يبوظو المنتدى خالص. فدائما حتى لو القواعد شديدة مش هاتكون مؤثرة على الملتزماللي زي حضرتك ولكن هاتكون في صالحه لما لها تأثير على غير الملتزم وانا شايف بصراحة ان القواعد منطقية جداً واحنا اصلا بنطبقها من غير مانحس خاصة في الفترة الاخيرة فعلاً بدأت ناس كتير تفتح مواضيع فارغة مالهاش اي لازمة وناس تفتح مواضيع مش في مكانها خالص والناس ديه هية اللي محتاجة الشدة في القواعد.
وطالما الهدف الاول والاخير المنفعة العامة يبقى اهلاً وسهلا بأي قواعد.
عُلم ونُفذ و جارى التنفيذ و سيُنفذ ان شاء الله
يا مستر واو ليك حق تقول كلامك وبتاكدلي اننا صح
عشان الشكل الكويس اللي انت شايف بيه المنتدي ده ورا مجهود كبير وعنيف وجبار من مشرفين متواجدين على مدار ال 24 ساعة
عشان يفضل شكل المنتدي حلو او هادئ او منظم
هو انت لما بتمشي في الشارع بتلاقي الدنيا كلها سلام ووردي
ولا لازم تلاقي سواق ميكروباص بيحدف عليك ونقل بيرميك بزلط وطوب وواحد عندة لا مبالاة بيعدي من قدام عربيتك ممكن يوديك في داهية
وعربية محملة خشب وبروز وممكن يحكلك عربيتك وانت في وسط كل ده بتحاول تمشي في سلام
اهو ده اللي بيحصل هنا وانت ما تعرفش لانك مش في هيئة الاشراف
اللي المشرفين فيها قربت اعصابهم تنهار ويطفشوا من كمية الضغط اللي بيتعرضولها
وجزاهم الله كل خير انهم متبرعين بكل والوقت والمجهود ده لوجه الله فقط
لا طمع في لقب ولا في شهرة ولا حاجة تانية
لوجة الله فقط وعمل تطوعي تماما
اما عن القوانين كل مكان في الدنيا له القواعد والقوانين اللي بتحكمة
سواء كان مبنى انت داخلة بيتكتب علية لسلاكتم اتبع الاتي
او دولة مسافر ليها لازم تدرس قوانينا عشان ماتقعش تحت طائلة قانونها
وطالما ارتضيت بقواعدنا وقوانينا اهلا وسهلا بيك وبكل عضو
وقوانينا مافيهاش حاجة غريبة والحمد لله
ممكن تكون قوية صارمة بس ده بسبب اللي شفناه ولسه بنشوفو يوميا
وشارك في وضعها وتنقيحها وترتيبها واخراجها اكتر من 20 مشرف ليهم وجهات نزر مختلفة
وبيعبروا عن الشريحة الاكبر من المنتدي
--------
بخصوص رفع المشاركان ممكن يعاد النظر فيها
لكن مايجيش واحد يرفع موضوع من 3 شهور ولا 6 شهور وتلاقي الناس مستغرباه جدا
على فكرة انا معنديش مانع مع اى قواعد تتحط بالعكس اى منتدى لازم يبقي فيه قواعد يااما هيبقي سبهللة خصوصا ان العدد بيزيد يوم عن يووم و اى حد هيجي هيبقي متخيل انه دة مجرد منتدي زي بقية المنتديات و ممكن يعمل مشكلة مع دة و يشاكل دة و يعلق بطريقة سخيفة مع دة و دة غير انه ممكن يتجاوز حدود اللياقة فى الكلام و دى حاجة متعوناش عليها فى نايل موتورز و انا مش بعمم بس بقول ممكن يبقي في كدة ..فأكيد موضوع القواعد بيبقي احسن
بس انا مش عايزة ان الواحد مثلا بعد العشرة دي كلها يلاقى نفسه متوجهله انذار ولا حتى كلمة عشان حاجة مقصدهاش !!..اهى دي اللى تضايق و احنا من جانبنا نحاول برضه نلتزم على قدر الامكان عشان مستوى المنتدي نفسه ميتدناش و دة اكيد هيبقي فى صالحنا لانه الميزة الجميلة فى المنتدي دة انه فعلااا بيضم ناس فى قمة الاحترام و الاخلاق و للاسف دة لو اتغير مش هبقي حابة اصلا انى اشارك تانى .. و اتمنى ميجيش يوم زي دة ابدا عشان بجد و ربنا عالم ببقي مبسوطة جدااا و بحس انى بتكلم مع اخوة و اخوات ليه فى الله
لو كل الناس ملتزمة كنا ما حتجناش لأي قيود لكن طبعا ده ضد الطبيعة البشرية .....ممكن تتخيلوا المنتدى من غير قواعد خالص كان حيبقى شكله إيه
بالمناسبة ديه تحية خاصة لمستر كريم و جميع أفراد الادارة و الاشراف .....جزاكم الله خيرا
أنا لا أعترض علي القوانين و لكن الأسلوب
الصح موجود و الخطأ موجود و النظام لا يوضع بالحديد و النار و انما بالمشورة و الديمقراطيه و هو ما استشعرت ضعفه في صياغة القواعد (بلاش القوانين مثلا)
ممكن في بعض قوانين الايقاف يكون بالتصويت من الأعضاء مثلا
بمعني آخر إحنا في مجتمع افتراضي أفضل إنه يكون مدينة فاضلة مش نظام مشابه للحياه الواقعيه
أرجو أن أكون أوضحت
لا تقلقي يا استاذة نهي. انا مؤمن جدا بإن اي واحد مش محترم بيدخل مكان محترم بيبقى محترم غصب عنه وده يرجع لأنه لو ما احترمش نفسه سوف يجد الف من يقف له بالمرصاد. والدليل ان لو حد منا سافر اي بلد اوروبي زي المانيا مثلا مهما كانت اساليبه وهمجيته بيتحول وبيبقى شخص تاني خالص. وده اللي بيحصل في نايل موتورز.
والله الواحد احيانا بيحس انه من احد المشرفين على المنتدى واكيد النزعة ديه داخل كل واحد فينا من كتر حبه للمنتدى نفسه يشوفه في احسن صورة
والله المستعان
اخي اسلام لو دخلت القرارات في اطار الاستفتاءات
فسيشوبها الشك نظراً لتحامل البعض على البعض او
لمجاملة البعض لمن يحبوهم. ممكن ايضاً يتم تحايل
عن طريق عمل البعض عضويات وهمية لامالة الكافة
لصالحة او لصالح من يحب.
الكلام دة ممكن لو المنتدى عدد اعضائة صغير ومعروفين
انما لما يكون داخل على عشرة الاف عضو فهو شئ شبة
مستحيل.
على فكرة انا اتفق معك في ان كلمة قوانين كبيرة شوية
بس دي مجرد مسميات.