الموضوع: ياأهل قسم الفولكس أيه رايكم في البورا ؟

بص يا باشا انا كان معايا بورا م 2000, قعدت معايا 5 شهور تقريبا و عملت بيها حادثة Total loss, العربية ممتعة جدا فى سواقتها و سحب معقول جدا و ثبات رائع لو العربية مضبوطة و ديه تحط تحتيها 100 خط, أنا أول مجبت العربية و رغم انى كشفت عليها كويس (فابريقة برة و جوة و موتور حالة زيرو) الا انى فوجئت بالثبات ضايع شويتين و ربنا كرمنى بالولاد الحلال الدلونى على ميكانيكى محترم فى الحرفيين اسمو ياسر جبلى عيوب العفشة الفيها (و نظرا لوجود بعض السيولة المادية و بعض التفرغ و اهتمامى انى اشد العربية ديه), الحمد لله شديت العفشة بالكامل و كانت ديه المصاريف تقريبا:
- كاوتش بريدجستون يابانى مقاس 15 196/65 (2400 ج)
- 4 جنوط سبور أصلى استيراد مقاس 15 طبعا (1500 ج)
- 2 مساعد أمامى أصلى جديد heavy duty (من أشرف الشهابى) 1500 ج
- 2 مساعد خلفى مونرو (750 ج)
- 2 بارات دركسيون خارجى تقريبا (250 ج تقريبا)
- كنت جايب 2 بطاحة أمامى جديد و جلب مقصات تقريبا بس مش فاكر السعر.
- دنجل خلفى و شمعدان أمامى (1100 ج) و دول أخر حاجة غيرتهم و كانوا قبل الحادثة بيوم واحد, و الدنجل غيرتو عشان كان بيرزع من ورا لاكن مش مأثر على أداء العربية, و الشمعدان الأمامى غيرتو عشان كان مسمع فى أرقام زوايا العربية و ضبط بعديها.

النتيجة النهائية انى قبل الحادثة كنت بجرب العربية على الدائرى و كنت ماشى 190 مستريح , بس الحمد لله وقت الحادثة كنت مقلل السرعة ل 120 تقريبا و قدر الله و ما شاء فعل.

عيوب العربية:

- أولا اصوات شخللة من التابلوه و ملقتش الوقت انى ادورلها على حل بس لقيت المشكلة ديه فى عربيات بورا و باسات كتير (لأنى بعد الحادثة كنت بفكر اشترى حاجة منهم) لكن لقيت مشكلة شخللة التابلوه ديه منتشرة و مزعجة, فلو هتشترى بورا لازم تجربها و انتا قافل الزجاج و الكاسيت و تدخل شارع مكسر شوية.
- مفيش ناقلة خامسة مع الفتيس الأوتو فده بيخلى ال rpm عالى يعنى مثلن و انتا على سرعة 100 تلاقى ال rpm 3.2 , و 160 تلاقيه على 5.
- البورا من ورا ضيقة جدا جدا, و بالتالى عشان انا طويل فمكنش ينفع حد يعد ورايا ياما انا الهطلع الكرسى و قعد مضايق.
الخلاصة: عربية ممتعة جدا و برستيج و امان عالى و ثبات, بس لازم تختار و تنقى كويس و يبقى معاك فلوس تصرف عليها و ايدك فيها أول بأول و فى الأخر متبقاش راجل بتاع sales عاوز عربية تفرك بيها نهار و ليل عشان ساعتها ممكن تفتح بقها.

طيب, تعدى الايام و أغير شغلى ل sales, و اضحى بجزء من مرتبى عشان خاطر الشغلانة الجديدة المختارها بمزاجى, بينى و بينك ضعفت و اعدت أدور على اوكتافيا a4 أو بورا أو باسات لكن ملقتش الحالة الترضينى بالفلوس المعايا, و نفضت و قلبت على كزرى لغاية ربنا كرمنى ب النترا 2005.
طيب الفروق: أولا عزل داخلى فى رأيى أعتقد افضل و مفيش دوشة و شخللة جوة العربية, الفتيس 5 نقلات فعلى 100 كم تلاقى ال Rpm يمكن أقل من 2.5 و على 160 تلاقيه اقل من 4 تقريبا.
واسعة من جوا و أى حد يقعد ورايا عادى, و اهم حاجة بتستحمل و متفتحش بقها و أعطالها تصبر عليك لما يبقى معاك فلوس و مصاريفها لطيفة.
طيب المشكلة بالنسبة ليا: فى الجرى مش مطمن اوى زى أيام البورا (مع العلم ان العفشة عندى محتاجة تظبيط و الكاوتشات كومهو كورى مش بريدج) لكن فى ناس تانية معاهم العربية بيشكروا فى الثبات جدا, و طبعا فرق السما و الأرض فى كفائة الفرامل.

طيب من الأخر لو انتا مش جراى أوى (و بعد حادثتى أنصحك ان العربيات ذات الاداء القوى بطمنك زيادة فبتخليك تجرى زيادة فبتزود فرص حدوث حوادث بعد الشر يعنى), و فى جريك بتكون حريص ف الالنترا مناسبة ليك و مصاريفها مهاودة كل الهتحتاجو تركب كوتش محترم, بس هتتعب أوى بردو عشان تلاقى حالة منها (الموديل القديم مطلوب و متقدر أوى فى السوق, الجديد أنا معرفش بس مش كل الناس شكروا) و موضوع الفرامل أنا معرفلهوش حل بصراحة غير انك تتعود عليها و تبقى حريص.

لكن عايز قيادة ممتعة و أداء و أمان عالى و معاك فلوس زيادة لزوم المصاريف عليك و على الالمانى بس بردو محتاج تنقى و تكشف كويس جدا, و بينى و بينك انا لغاية دلوقتى لما بشوف بورا قدامى عينى بتزغلل و لسه حططها فى حساباتى قدام شوية مين عارف.

و بنا يوفقك فى القرار السليم

المشاركة الأصلية كتبت بواسطة toola

بص يا باشا انا كان معايا بورا م 2000, قعدت معايا 5 شهور تقريبا و عملت بيها حادثة total loss, العربية ممتعة جدا فى سواقتها و سحب معقول جدا و ثبات رائع لو العربية مضبوطة و ديه تحط تحتيها 100 خط, أنا أول مجبت العربية و رغم انى كشفت عليها كويس (فابريقة برة و جوة و موتور حالة زيرو) الا انى فوجئت بالثبات ضايع شويتين و ربنا كرمنى بالولاد الحلال الدلونى على ميكانيكى محترم فى الحرفيين اسمو ياسر جبلى عيوب العفشة الفيها (و نظرا لوجود بعض السيولة المادية و بعض التفرغ و اهتمامى انى اشد العربية ديه), الحمد لله شديت العفشة بالكامل و كانت ديه المصاريف تقريبا:
- كاوتش بريدجستون يابانى مقاس 15 196/65 (2400 ج)
- 4 جنوط سبور أصلى استيراد مقاس 15 طبعا (1500 ج)
- 2 مساعد أمامى أصلى جديد heavy duty (من أشرف الشهابى) 1500 ج
- 2 مساعد خلفى مونرو (750 ج)
- 2 بارات دركسيون خارجى تقريبا (250 ج تقريبا)
- كنت جايب 2 بطاحة أمامى جديد و جلب مقصات تقريبا بس مش فاكر السعر.
- دنجل خلفى و شمعدان أمامى (1100 ج) و دول أخر حاجة غيرتهم و كانوا قبل الحادثة بيوم واحد, و الدنجل غيرتو عشان كان بيرزع من ورا لاكن مش مأثر على أداء العربية, و الشمعدان الأمامى غيرتو عشان كان مسمع فى أرقام زوايا العربية و ضبط بعديها.

النتيجة النهائية انى قبل الحادثة كنت بجرب العربية على الدائرى و كنت ماشى 190 مستريح , بس الحمد لله وقت الحادثة كنت مقلل السرعة ل 120 تقريبا و قدر الله و ما شاء فعل.

عيوب العربية:

- أولا اصوات شخلله من التابلوه و ملقتش الوقت انى ادورلها على حل بس لقيت المشكلة ديه فى عربيات بورا و باسات كتير (لأنى بعد الحادثة كنت بفكر اشترى حاجة منهم) لكن لقيت مشكلة شخلله التابلوه ديه منتشرة و مزعجة, فلو هتشترى بورا لازم تجربها و انتا قافل الزجاج و الكاسيت و تدخل شارع مكسر شوية.
- مفيش ناقلة خامسة مع الفتيس الأوتو فده بيخلى ال rpm عالى يعنى مثلن و انتا على سرعة 100 تلاقى ال rpm 3.2 , و 160 تلاقيه على 5.
- البورا من ورا ضيقة جدا جدا, و بالتالى عشان انا طويل فمكنش ينفع حد يعد ورايا ياما انا الهطلع الكرسى و قعد مضايق.
الخلاصة: عربية ممتعة جدا و برستيج و امان عالى و ثبات, بس لازم تختار و تنقى كويس و يبقى معاك فلوس تصرف عليها و ايدك فيها أول بأول و فى الأخر متبقاش راجل بتاع sales عاوز عربية تفرك بيها نهار و ليل عشان ساعتها ممكن تفتح بقها.

طيب, تعدى الايام و أغير شغلى ل sales, و اضحى بجزء من مرتبى عشان خاطر الشغلانة الجديدة المختارها بمزاجى, بينى و بينك ضعفت و اعدت أدور على اوكتافيا a4 أو بورا أو باسات لكن ملقتش الحالة الترضينى بالفلوس المعايا, و نفضت و قلبت على كزرى لغاية ربنا كرمنى ب النترا 2005.
طيب الفروق: أولا عزل داخلى فى رأيى أعتقد افضل و مفيش دوشة و شخلله جوة العربية, الفتيس 5 نقلات فعلى 100 كم تلاقى ال rpm يمكن أقل من 2.5 و على 160 تلاقيه اقل من 4 تقريبا.
واسعة من جوا و أى حد يقعد ورايا عادى, و اهم حاجة بتستحمل و متفتحش بقها و أعطالها تصبر عليك لما يبقى معاك فلوس و مصاريفها لطيفة.
طيب المشكلة بالنسبة ليا: فى الجرى مش مطمن اوى زى أيام البورا (مع العلم ان العفشة عندى محتاجة تظبيط و الكاوتشات كومهو كورى مش بريدج) لكن فى ناس تانية معاهم العربية بيشكروا فى الثبات جدا, و طبعا فرق السما و الأرض فى كفائة الفرامل.

طيب من الأخر لو انتا مش جراى أوى (و بعد حادثتى أنصحك ان العربيات ذات الاداء القوى بطمنك زيادة فبتخليك تجرى زيادة فبتزود فرص حدوث حوادث بعد الشر يعنى), و فى جريك بتكون حريص ف الالنترا مناسبة ليك و مصاريفها مهاودة كل الهتحتاجو تركب كوتش محترم, بس هتتعب أوى بردو عشان تلاقى حالة منها (الموديل القديم مطلوب و متقدر أوى فى السوق, الجديد أنا معرفش بس مش كل الناس شكروا) و موضوع الفرامل أنا معرفلهوش حل بصراحة غير انك تتعود عليها و تبقى حريص.

لكن عايز قيادة ممتعة و أداء و أمان عالى و معاك فلوس زيادة لزوم المصاريف عليك و على الالمانى بس بردو محتاج تنقى و تكشف كويس جدا, و بينى و بينك انا لغاية دلوقتى لما بشوف بورا قدامى عينى بتزغلل و لسه حططها فى حساباتى قدام شوية مين عارف.

و بنا يوفقك فى القرار السليم

الله يانور عليك يابو حميد مقارنه عادله جدا
وربنا يكرمنا سوى بجيتا حاله نضيفه مستقبلا ونعود ثانيا لفولكس
واحب اقول للأخ اللى بيقول ان فى فرق بين البورا والألنترا الشيب من 2005 الى 2006 جرب العربيه الأول وبعدين احكم الموديلين دول فعلا فلته من كوريا ومن هيونداى بحالها وقرار انى اسيب فولكس واركب هيونداى الموديل دا مجاش من فراغ لكن كان جاى من بحث وتمشيط فوق ماتتخيل
العيب الوحيد اللى فى العربيه دى هو الفرامل انها خفيفه شويه وجارى البحث عن الحل وبأذن الله اوصل لحاجه وهبقى ابلغك بيها يابو حميد

المشاركة الأصلية كتبت بواسطة m.mostafa80

الله يانور عليك يابو حميد مقارنه عادله جدا
وربنا يكرمنا سوى بجيتا حاله نضيفه مستقبلا ونعود ثانيا لفولكس
واحب اقول للأخ اللى بيقول ان فى فرق بين البورا والألنترا الشيب من 2005 الى 2006 جرب العربيه الأول وبعدين احكم الموديلين دول فعلا فلته من كوريا ومن هيونداى بحالها وقرار انى اسيب فولكس واركب هيونداى الموديل دا مجاش من فراغ لكن كان جاى من بحث وتمشيط فوق ماتتخيل
العيب الوحيد اللى فى العربيه دى هو الفرامل انها خفيفه شويه وجارى البحث عن الحل وبأذن الله اوصل لحاجه وهبقى ابلغك بيها يابو حميد

ربنا يخليك يا عم محمد, و يسمع من بقك ربنا, و ربنا يكرمنا و نشوف حل لموضوع الفرامل, فعلن هيفرق كتير مع العربية ديه

طب هو ايه الفرق الجزري في البورا بين 2001 وما قبله وبين 2002 وما بعده