كده قلة أدب

**Nile_Storm** · 18-04-2011 12:47 AM

المشاركة الأصلية كتبت بواسطة A7MED_PHARMA

طيب تعمل إيه وإنت مكاني مثلا
ويدخل عليك واحد معندوش إستعداد للنقاش غير إنه داخل يشتم ويقل أدبه وبسسسسس

متقلقش كله بيتشتم

**zakiali** · 18-04-2011 12:53 AM

الحل ان بتاع الصيدلية يشرح للمريض انه ده ناقص من السوق وفيه بديل ليه نفس الماده الفعالة .. ويكتبله بالرصاص علي الروشته البديل او ورقه خارجية .. ويقوله يرجع للدكتور .. او تتصل بالدكتور تقوله القصخ دي ... كده يبقي فيه مصداقية والعيان هيجيلك برده

**A7MED_PHARMA** · 18-04-2011 12:55 AM

طيب تعرفوا
الدكتور ده بالذات...عملت معاه موقف..المفروض يشيله ليا
كنت سهران مرة بالليل..وهوا راجع من مشوار بعربيته..كانت عربيته فيورا 127 واكلاها البارومة
عربيته عطلت قريب مني..وكان بيته لسه بعيد
طبعا دخلته الصيدلية..عملتله نعناع..وطلعت بصيت على عربيته..كانت خلصت بنزين
وعلشان هوا سنه كبير
طبعا سيبته قاعد في الصيدلية..وروحت محطة البنزين(على بعد 7 كيلو)..وجبتله 4 لتر بنزين على حسابي..ورجعت
يعني انا لو مكانه...وعرفت ان الروشتة دي إتصرفت من صيدليتي ...وهوا كده كده عارف إن الصنف مظبوط
يبقا مكنش يقول كده

**FunnyMickey** · 18-04-2011 01:05 AM

المشاركة الأصلية كتبت بواسطة turboman

مضايقات عادية في المهنة
انا مرة كنت كاتب hero baby 1
الصيدلية اعطتهم baby lac premature
مرة تانية zoffran 4 mg
ومي اعطتهم cortigen b6
و مصرة انهم نفس التاثير و اهل المريض جم و قالولي انها بتقول اتهم زي بعض بس الدكتور ده مفتري بيكتب حاجات غالية و خلاص
تقول ايه جهل بقى و سفالة

يعني موقف فارما بيقول ان هوا الصح
والموقف ده بيقول ان حضرتك الصح

طب بالله عليك مش عاوزين الناس تتلخبط
ياجماعه انتو مهنتكو مش حفتح النت اجيب عنها معلومات
دي ماده متخصصه
لازم نراعي انك بتكتب حاجه فيها حياه بني ادم
حتي لو بتكتب دوا اسهال
سواء طبيب او صيدلي انتا راجل فاهم انتا بتكتب ايه وفيه غيرك حمير مش فاهمين بيكتبوا ايه
لازم تراعوا ان فيه دخلاء علي مهنتكو

انما حنقول عالناس جهلاء
اهو علي الاقل انا معرفش حاجه في مهنه مش بتاعتي
مش عيب
انما العيب كل العيب اني ادخل لواحد الاقيه مش فاهم في حاجه المفروض انها بتاعته
فرفقا بالناس
ياما ناس ماتت بسبب وصفه غلط او دوا غلط
وياما ناس ماتت بسبب جهل طبيب او انعدام مسئوليته
الناس بردو بتخاف من اللي بتقراه

**A7MED_PHARMA** · 18-04-2011 01:10 AM

المشاركة الأصلية كتبت بواسطة madues

بص يا دكتور احمد انا دكتور وتعرضت لكذا موقف مش لطيف وحاجه تغيظ فعلا من الدكاتره الصيادله المفروض يادكتور احمد ان الصيدلاني يلتزم بما هو موصوف في الروشته وعدم صرف بدائل ولو الداوء اللي موصوف مش موجود تليفون الدكتور او العياده بيكون موجود في الروشته الصيادله بيكلموني ويقولولي نصرف كذا بدل كذا وان مكانش في مانع بخليه يصرفه وده اللي المفروض يحصل عند عدم توفر الدواء , هتقولي انك دكتور صيدلي ودارس تركيبة الادويه و استخداماتها وانك ممكن توصف بديل للدواء معلش مينفعش الدكتور هوا اللي كشف على الحاله وهوا ادرى بيها و هو المسؤول عن العلاج اللي هوا واصفه.
هقولك على موقف حصل معايا وخلاني روحت للصيدلي بنفسي و كلمته كلام معجبوش...كنت كاتب لطفله نقط ايفورتيل ولا نقط فاركولين مش فاكر المهم البنت رجعتلي في الاستشاره وببص على الروشته لقيت متغير في جرعه الدواء بقولها مين اللي غيرلك الجرعه كده ؟ قالتلي الصيدلي !!!!! قال ايه بيقول ان دي طفله والمفروض ماتخدتش الجرك تغير على روشتة الدكتورعه دي كلها !!! طبعا انا دمي اتحرق و عرفت منها فين الصيدليه دي وطلعت جنب العياده وبعد الشغل روحتله وفهمته ان شغله كصيدلي جايله روشته انه يصرفها فقط مش اكتر ولا اقل وانه لو الروشته مش عاجباه يكتبلها روشته تانيه خاالص ويمضي هوا عليها ويبقى يخلي العيانه تجيلي غي الاستشاره يكشف عليها هوا بقه لكن انك تغير في روشته انا كاتبها وعليا الختم بتاعي فده مش من اختصاصك وده تجاوز وتصرف وقح انك تغير على روشتة الدكتور ! ووالله من يوميها وهو اي شئ غير موجود لازم يتصل بيا يقولي وانا اقله اصرفلها كذا بدل كذا.
فالي يحرق الدم ان الصيدلي يصرف بدائل من نفسه حتى من غير مايقول للعيان! يعني حتى مش مكلف نفسه انه يقول للعيان الدوا ده مش موجود لو تحب في كذا ممكن يأدي نفس الغرض والعيان ساعتها هوا حر ياخده او يروح يضور في صيدليه تانيه لكن انا بقى ابقى عاوز ابيع واصرف بديل بدون حتى ماقول للعيان !! تسميه ده ايه ؟ ساعتها العيان ليه حق يجي يبهدل اللي باعله البديل بدون مايعرفه .
يا دكتور احمد انا جالي واحد بدراعه واقف و مزرق ومن الهيستوري عرفت انه كان موصوفله حقن كيتولاك وريد وان الصيدلي الحمار اما ملقاش كيتولاك اداله ديكلوفين وريد !!!!! ديكلوفين وريد !!! هو مش فاهم غير ان ده مسكن وده مسكن ملقاش ده اداله ده !!
قولي ساعتها اقول للعيان على غلطة الصيدلي ولا لاء ؟؟؟
الواحد على قد مابيقدر بيحاول يكون مرن في كتابة الادويه وساعات بكتب نوعين من نفس الدوا عشان لو ملقاش ده يجيب ده عشان الصيدلي ميدهوش حاجه من عنده. لكن في بعض التجاوزات من الصيادله مينفعش السكوت عنها !

يادكتور محمد
أنا معاك في كل كلامك ده
أنا مش هطلع نوع مكان التاني لمجرد إني عاااااااوز أأأأأأأأأبيع
لا
أنا نفسي مش لو مش عندي الدوا إلي مكتوب..بطلع البديل وبشرح للمريض
وعمري ماعدلت جرعة كاتبها دكتور(مع إني ساعات بشوف جرعات أوفرررررر)لكن مش بتكلم...طالما المسؤلية بيشيلها الدطبيب كاتب الروشتة
وعمري ماطلعت نوع مكان نوع..حتى لو مفيش منه خطر
والمشكلة فعلا إن الأطباء ماعندهمش معرفة بنواقص الأدوية..إلي هيا بالمناسبة كتير أوي زيادة عن اللزوم
بس البنت ماغلطتش لما طلعت(سالبين 375)مكان الــيونيكتام375 ..ومش من حق الدكتور البشري يعترض عليه طالما إنه عاوز المادة الفعالة بسسسس
وطبعا حضرتك أدرى مني بشغل بعض الأطباء غير المحترمين إلي بيصمموا على نوع بعينه..علشان نسبة بياخدها من شركة أو مندوب أو خلافه
بس أنا دلوقتي بتكلم في الموقف ده تحديدا..البنت كده ماغلطتش خالص
وانا مش فاهم ليه..؟؟؟ ليه الدكتور قالهم كده..ليه؟؟؟؟؟؟؟؟؟؟؟؟؟؟؟؟؟؟ ؟؟؟

**Ahmed A Rahman** · 18-04-2011 01:11 AM

بص يا باشا انا اشتغلت في صيدليات بتاعتنا وبتاعة اصحابي وانا في الكلية

وحاليا في عيادات

الموقف ده موقف خالد خلود دراما السينما المصرية:

المفروض مطلعش بديل الا بموافقة العيان او الدكتور أيهما (اسهل)
خصوصا انك في مدينة صغيرة
الحركة من دول بتسمع

بس طبعا كان المفروض من الدكتور انه يقول المريض عادي نفس الدوا
وكان المفروض عليك ان تتصل بيه تعاتبوا

انا عارف ان اليوناسين ناقص اليومين دول بس نعمل ايه

لحاد نسبة الامية ما تبقى في مصر 1% حيفضلوا دول العيانين

-

-

-

-

الموضوع: كده قلة أدب

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة