مين افضل وارخص شركة تامين في مصر"احكو تجاربكم من فضلكم"

مين افضل وارخص شركة تامين في مصر على السيارات
وهل حد تعامل مع بيت التامين المصري السعودي
"سمعت انهم تامين تكافلي اسلامي "
ارجو توضيح التجارب الشخصيه ان وجدت.

انا بقا نفسى اعرف التأمين ده نظامه ايه من حيث مثلن بتدفع كام فى السنه ولو عملت حادثة بتعملك ايه ومنين

السلام عليكم
هو بالنسبة لبيت التكافل انا سمعت عنه وتقريبا كلمت واحد هناك بس لقيت المعدل بتاعه عالي تقريبا 4% او حاجة زي كده
مش فاكر والله
انا
امنت مع قناه السويس وده اقل معدل لقيته 3.2% وبنسبة تحمل 4في الالف (انا كان يهمني ساعتها اقل معدل علشان دفعت الفلوس اللي معايا كلها مقدم)
وبعد كده الوثيقة بتجدد كل سنه وبيخصموا (10%) لقدم موديل العربية و(10%) لعدم حدوث مطالبة ان شاء الله
والتأمين طول عدد سنين القسط والتجديد بيقل كل سنه عن اللي قبليها
يعني 3.2% في ثمن العربية الاجمالي + مصاريف ادارية = أول سنة
وبعد كده هاتقل 20% زي ما ذكرت + مصاريف ادارية = طول سنين التقسيط
ولا قدر الله لو حادثة يإما بتتصلح في ورشة تبعهم في ابو رواش وانت مش بتدفع حاجة
يإما بتصلحها في التوكيل علي حسابك وخلال اسبوعين بعد ما تديهم الفواتير بيصرفولك الفاتورة
ولو لاقدر الله العربية مش نافعة total loss بيدفعولك ثمن العربية كاملة
وفي شروووط كتير بقي في الوثيقة ... اي سؤال ممكن اجيبها وأقراها معاكم
لأني فعلا مش فاهم في اوي ..... يارب اكون افدتكم
أقعدوا بالعافية :bye2:

المصريه للتأمين التكافلي هتديك اقل معدل في السوق تقريبا 2.8% ... بس ده لو انت عاوز تكمل ورق وخلاص. أنا لسه عربيتي عامله حادثه و طلعوا عيني بجد و التعويض لسه هيطلع بعد 30 يوم او اكتر من تقديم الفاوتير , يعني لسه بعد 30 يوم أروح أسئل هي ايه الاخبار و على حسب تقديرهم للتكاليف

انا ان شاء الله بفكر فعلا أغير لقناة السويس في التجديد اللي جاي

انا بتعامل مع كونتاكت
هما غاليين شوية بس معاملتهم محترمة جدا وواضحة

المصرية للتامين التكافلي ... هما متعبين شوية بس انا ليا واحد قريبي بيعرف يخلصلي الليلة معاهم

بصراحه بعد تعاملى مع كذا شركه تأمين مش بس عشان العربيه اكتشفت انهم كلهم زى بعض نصابين برخصه واننا مهما عملنا ناصحين بينضحك علينا برضوا من بنود احنا مش فاهمينها علشان كده لما حد يضطر للتعامل مع التامين يختار الاقل نسبه تامين