سؤال للاسكندرانيه بخصوص محلات الملابس

السلام عليكم

عايز انزل اشترى 2 او 3 تيشيرت وبنطلون كتان وحذاء

السنه اللى فاتت اشتريت من كونكريت تيشيرتين ب 350 جنيه وبصراحه هما كويسين كشكل وتصميم لكن كخامه مش عاجبنى شايف انهم مايستهلوش المبلغ ده وكان عندى تيشترتات مستورده من 10 سنين بس غاليه جدا وحالاتهم زى ماهى حتى الان لان الغالى تمنه فيه فعلا لكن مش حاقدر على تمنهم دلوقتى لانى متهايلى الواحد يعدى 700 جنيه على اسعارالان ده لو موجودين اصلا
دلوقتى عاوز محلات تكون بتبيع هدوم كويسه غير كونكريت لانى حاسس ان اسعاره مبالغ فيها على الفاضى ومش قد كده وانا لبسى تيشترتات عاديه بياقه مش نظام البدى والحاجات دية لانها متنفعشى معايا يعنى اقرب للبس الكلاسيك
وايضا محل جزم كويس عنده حاجات شمواه نضيفه

موباكو كويس واكيد هتلاقي فروع له في اسكندرية
التيشيرت في حدود 150
وفي كمان cuttpure
مش متأكدة من الاسبيلينج بس فاكرة انها دمج لبيور وقطن بردو حاجته اقطان وبتعيش وممكن تلاقي له فرع في اليكس بس موباكو اشهر وفروعه اكتر

انا معنديش خبرة أوي فى موضوع الخامة بس ممكن لو غاوي تشيرتات كلاسيك تبص على باتمان اللى فى سيدي جابر.
فى محل سيليو برضه حاجته نضيفة فى محطة الرمل و أسعاره معتدلة.
عايز حاجة نضيفة فعلا و مش غالية جدا زي كونكريت شوف محلات بليزار.
طبعا الجزم مش مشكلة محطة الرمل و المنشية عاملين الواجب و زيادة

موباكو و كونكريت في سان ستفانو مول انصح تنزل سان ستفانو في محلات كتير جدا

اقتباس:

---

المشاركة الأصلية كتبت بواسطة نور القمر

موباكو كويس واكيد هتلاقي فروع له في اسكندرية
التيشيرت في حدود 150
وفي كمان cuttpure
مش متأكدة من الاسبيلينج بس فاكرة انها دمج لبيور وقطن بردو حاجته اقطان وبتعيش وممكن تلاقي له فرع في اليكس بس موباكو اشهر وفروعه اكتر

---

متعرفشى عنوانه فى اليكس فين

اقتباس:

---

المشاركة الأصلية كتبت بواسطة n_i_t_e

انا معنديش خبرة أوي فى موضوع الخامة بس ممكن لو غاوي تشيرتات كلاسيك تبص على باتمان اللى فى سيدي جابر.
فى محل سيليو برضه حاجته نضيفة فى محطة الرمل و أسعاره معتدلة.
عايز حاجة نضيفة فعلا و مش غالية جدا زي كونكريت شوف محلات بليزار.
طبعا الجزم مش مشكلة محطة الرمل و المنشية عاملين الواجب و زيادة

---

محلات بليزار فين ياباشا ممكن العنوان لانى معرفهمش للاسف

اقتباس:

---

المشاركة الأصلية كتبت بواسطة mohssenrashed

موباكو و كونكريت في سان ستفانو مول انصح تنزل سان ستفانو في محلات كتير جدا

---

المول فيه محلات كتيره جدا ودخلته مره واحده وتهت من كترالمحلات فياريت تحدد 3 او 4 محلات لان كترهم بيدوخ الواحد وانا بزهق من التدوير واللف كتير

مشكوووووور والله يعطيك الف عافيه

موباكو في كرفور و سان ستيفانو سيليو في كل حته وكل مول طبعا لو كنت عايز تجيب من الاخر كنت جبت من جورديانو بس الله يرحمه قفل الجزم في محل في محطه الرمل بيبع الجزم الكلاركس الفيتنامي 250 حومبولو ولو عايز اي حاجه تانيه كلمني علي الخاص وانا ان شاء الله حظبطك

اقتباس:

---

المشاركة الأصلية كتبت بواسطة power

موباكو في كرفور و سان ستيفانو سيليو في كل حته وكل مول طبعا لو كنت عايز تجيب من الاخر كنت جبت من جورديانو بس الله يرحمه قفل الجزم في محل في محطه الرمل بيبع الجزم الكلاركس الفيتنامي 250 حومبولو ولو عايز اي حاجه تانيه كلمني علي الخاص وانا ان شاء الله حظبطك

---

الف شكر ليك ياباشا ياريت بس توصف لى عنوان محل الجزم واسمه وبالنسبه للملابس انا كده خلاص ظبطت على موباكو وسيليو وغالبا حنزل مول سان ستيفانو وكارفور ان شاء الله بس انت اوصف لى محل الجزم صح لان خلى بالك انا مش من اسكندريه برده

الجزم انصحك بكانجارو او نورماندى سموحة...واللبس ريفن جرين بلازا كويس وخدلك لفة كدة فسان ستيفانو وكارفور خد بالك لانه مباااااااااااالغ فيه اوى فبعض محلاته وومكن تيمبرلاند جايب امبارح تى شيرت ب199 جاامد اوى

اقتباس:

---

المشاركة الأصلية كتبت بواسطة adel1414

الجزم انصحك بكانجارو او نورماندى سموحة...واللبس ريفن جرين بلازا كويس وخدلك لفة كدة فسان ستيفانو وكارفور خد بالك لانه مباااااااااااالغ فيه اوى فبعض محلاته وومكن تيمبرلاند جايب امبارح تى شيرت ب199 جاامد اوى

---

شكرا ياباشا عنوان محل كانجاور فين هل فى سموحه برده

ايوا يامصطفى فى سموحة بردة يعتبر جنب نورماندى على نفس الصف

اقتباس:

---

المشاركة الأصلية كتبت بواسطة adel1414

ايوا يامصطفى فى سموحة بردة يعتبر جنب نورماندى على نفس الصف

---

الف شكر ياجميل

Or في سان ستيفانو و زهران مول .. حاجتهم نضيفة جدا
غير كدا جرب تنزل كارفور في كذا محل كويس و جرب تدخل سنتر بوينت و دور شوية هتلاقي اللي انت محتاجة

محل كانجارو امام نادي سموحه(بعتلك علي الخاص)

الف شكر ياجماعه