الموضوع: تقريرى عن الـ m11 الجميلة

صلوا على النبى يارجاله الموضوع مش مستاهل كل دة يعنى .. انا دلوقت مستفدتش من اى حاجة قلتوها .. ياريت الاخ عماد يوضحلنا مشاكل العربية اية بالضبط وموضوع انها خفت فى الوزن وشالوا منها حاجات عرفه منين وكان دليله اية علشان ناخد بالنا بردة واحنا بنشترى لو جبناها كمان ياريت يعرفنا اية مميزات العربية ولو حتى ميزة واحدة ماهو مش معقول يبقى كلها عيوب عيوب مفيش مميزة .. انا شوفت لحضرتك تعليقات وشتايم فى السيارة من 2010 يعنى من اول ماجبتها على ماعتقد والغريبة انى شوفت الشتايم دى على مواقع تانية وشهيرة زى مصراوى مثلا بتبقى الدنيا ماشية تمام والناس بتقول المشاكل وحلها وبتشكر فيها لحد اما الاقى واحد بيشتم شتايم لازعه ابص على الاسم الاقى اليوزر بتاع حضرتك انا بجد مبسوط ان فية نقد بس متعلمتش ومستفدش منه .. عرفنا اية الحاجت الى اتشالت واتغيرت تحديدا وقولنا نعرف ازاى الحاجة الاصلية من الى اتغيرت ماهو انا عاوز قول لحضرتك على حاجة انا ممعاييش فلوس اكتر من 70 ومش لاقى حاجة تانية اجيبها محترمة لحد دلوقت فى االرينج دة .. انا دى عجبتنى اكتر لانها على الاقل قطع غيارها رخيصة واكيد لقولها حل و حتى لو زى مابتقول نادرة ومش موجودة هيلاقولها حل وهيجيبوها لكن البيرليانس والجاك وغيرة من السيارات دى مش لاقيينلها توكيل اصلا غير فى اماكن محدودة يعنى الى فى طنطا زى حالاتى متنفعش معاه ولو خبطت مشوار للقاهرة وجبتلها قطع غيار هدفع فيها دم قلبى لانها مولعه نار .. خلاصة الكلام انا مش شايف الناس فى قسم السبيرانزا بيقولوا انها بى ام او مرسيدس او حتى كيا سيراتو او كروز او رينو فلونس .. الناس مدركة انها الفئة الاقل اكيد يعنى بحكم السعر والتقفيل والكلام دة بس بيقولوا انها فى فئتها تعتبر افضل شىء وانا معاهم فى دى بشهادة كل الى جابو سيارات فى فئتها زى اللوجان والشفرولية اللانوس والرينو السانديرو .. انصحنا بالفروق اية تحديدا قبل مانشترى او نتدبس حتى تبقى عملت الى عليك ووضحتلنا الصورة من غير شتايم وخلاص وكلام عايم مستفدناش منه .. وفى النهاية ربنا يولف القلوب ويباركلك فى سيارتك وسيارات كل الناس والى عندة عيب ربنا يزيحة عنه وبعدين يااخى حب العربية شوية ولو حتى من ورا قلبك دة فية ناس مش لاقية تك تك .... والسلام ختام

يا katoba باشا انا لسة مستلم العربيه من حوالى اسبوعين والله والله والله العربيه زى الفل وبجد احسن من اى عربيه فى فئتها زى اللانوس او الفيرنا او اللوجان او البروتون ساجا وبعدين التقفيل للى بيكلموا عن التقفيل مافيهوش أى حاجه غلط ولا مش راكبه فى مكانها بس مش عارف الناس بيهاجموا أى حد يشكر فى العربيه وماسكين hemaa عمال على بطال والراجل مش مجبر انو يرد عليهم ولا يعمل مقابله هو فى حد ليه حاجة عندوا وبعدين يا أخ عماد مش لازم تكرة اى حد فى أى عربيه هو لسه جايبها حتى لو عندك بعض الملاحظات وصدقنى أى عربيه بأستعمال صاحبها ياأما يصونها ياأما يهنها وفى الأخر أستخير ربنا وتوكل على الله
تحياتى للجميع

[QUOTE=hemaa_82;3873451681]بص يا سمسم ... طالاما بتقول زي الفل تبقي جاسوس و عميل و و الموساد اشتراك لحساب توحة و بتاخد 3 جنيه و ربع مخروم علشان تدخل تشكر في العربية
في حين ان العربية وحشة وانت بتضحك علي نفسك زيي و مبتفهمش في العربيات زيي برضه و علي قدك و كنت راكب عحجلة من ام سندات علشان كده عجباك زيي بالظبط [/QUOT

انا كما جاسوس وعميل وباخد 3 جنية وربع مش مخروم و شايف العربية جامدة جدا واحسن عربية في فئتها السعرية
انا لسه ماستلمتهاش ... بس هي مع اتنين زمايلي في الشغل من سنة ونص والثانية بقالة 10 شهور
وماشاء الله عليهم

انا علي كدة بقي مضحوك عليا عشان انا عميل و باخد 2 جنيه ونص مخروم....ههههههههه...ربنا يباركلنا فيها انشاء الله

انا ان شاء الله هنضم لقائمة العملاء بكرة او الاثنين القادم ادعولى ربنا يبارك فيها

أنا بقى هقول اللى انا شايفه.... مبدئيا انا دكتور و من الاسماعيليه يعنى ما ليش دخل بأى حد... بالنسبة للعربية هى معايا من شهرين,,, الحق العربية محترمة جدااااااا.. على الأقل لغاية دلؤتى و عربية فخمة و سواقتها مريحة و سهلة جدااااا و ناعمة,,, و تحس انك راكب عربية تقيلة على الأرض... العفشة حلوة جدااا...موتور قوى تكييف ممتاز,,,ساوند رائع... انا بتكلم لغاية دلؤتى و الله أعلم..

نسيت اقول ما شاء الله و الحمد لله و ربنل يبارك فى كل اللى هيشتريها