انا لسه مستلم البرسونا هاى لاين 2011 من اسبوع وفجاءة النهاردة ال سى دى مش عاوز يقرا خالص وبعدين طلعتوة ودخلتوة تانى ومن ساعتها الكاسيت مش حاجة اسمها سى دى و الفلاشة كمان مش بتقرا
الحمد لله الراديو بس هو اللى شغال
دة من اية بحكم خبرتكم مع برتون
عرض للطباعة
انا لسه مستلم البرسونا هاى لاين 2011 من اسبوع وفجاءة النهاردة ال سى دى مش عاوز يقرا خالص وبعدين طلعتوة ودخلتوة تانى ومن ساعتها الكاسيت مش حاجة اسمها سى دى و الفلاشة كمان مش بتقرا
الحمد لله الراديو بس هو اللى شغال
دة من اية بحكم خبرتكم مع برتون
مش عارف والله لية المشكلة دي .. يعني الكاسيت كان شغال الاول طبيعي والفلاشة وفجأة الاتنين بقوا مش شغاليين !
مش عايز اقولك شيل فيوز الكاسيت او افصل البطارية وحطها تاني علي اساس تعمل ريستارت لكاسيت البيرسونا ..
وممكن في اي وقت لو مريت جنب اي فرع من فروع التوكيل تخش تعملها علطول ..
فى عز العرب ولا فى توكيل للكاسيت
بصراحة انا ماعرفش نوع الكاسيت الجديد الي راكب في البريسونا .. انا لما حصلت لي مشكلة في الكاسيت روحت التوكيل وحلوها في خمس دقائق ..
استني تاخد رائي بقية الناس
نفس نوع القديم
لو روحت التوكيل هيقولولك اطلع على توكيل بلوبانكت
هو فين توكيل بلوبانكت
فى شارع احمد عرابى فى المهندسين
او فى سانت فاتيما جنب مصعب بتاع السندوتشات
بس ارجح لك بتاع احمد عرابى احسن
الف شكر
بس فين بالظبط فى احمد عرابى
ده غالبا فيوز
حضرتك لو ليك خبرة تعرف انهى فيوز بايظ و تغيره بنفس الرقم اوك لو لا روح توكيل الكاسيت فى كلاريون المهندسين
شارع جامعة الدول العربية اخره خالص فى شارع اسمه احمد عرابى تفضل ماشى فيه لحد ما تلاقى بنزينة شل على يمينك الشارع اللى بعدها علطول يمين اسمه شارع رشيد تخش اول ما تدخله اسال على كلاريون هتلاقيه جمبك علطول ان شاء الله
ولو فيه حساب ولا حاجة ادفع عادى و خلى الفاتورة معاك و روح اصرفها من التوكيل ده فى حالة لو مطلعش فيوز بس هو فيوز ان شاء الله
هو لمبة الصالون عند حضرتك شغالة ؟